Njût 1:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ghɨ ghɨnə zàŋsə̀ shwinə̂ wamnə̀ kə ndò, kɔŋə̀ sə ghâmə̀ ə̀ghɨ mɔ̀ʼɔghe, ghənə chûmtə̀ ə̀ghɛ ghɛ ə təm ə ghənə̂ghè kyiŋə nə ghənə ə nə̂, ghaŋsə̂ èwiyn kûmə̀ sèngɨŋ sə ghənə̂sè, wamnə̀ èwâmnè efɔməze sê ghɨghe se kyî afɨa kɛ ə ghənə kyiŋə.

Njût 1:16 ပူးပေါင်းရင်းမြစ်များ

Tom èchùŋ kè kə Lûk tè nyaʼ 15:2

Ghɨ Falàsî yîghe yî ghə̀ tyə̀ynsè sə alàŋsè ə fe za sè tɨmnə̂ zô, piə nə, “Wùə vɨ̀nə pomə̂ nə naʼapi əghɨ pighe ə pə̂ ə və ngwùŋ, fɨnə zhiə nâʼà yî ghə̀ ghənə.”

Tom èchùŋ kè kə Lûk tè nyaʼ 19:7

Ghɨghe ə fe sè tɨmnə̂ zɔ̂, piə nə, “È kotə̂ pìə wùə əghɛ piə, səʼə kə èmô ə və ndɛ.”

Tom èchùŋ kè kə Lûk tè nyaʼ 5:30

Ghɨə Falàsî əmɔ̀ʼɔ è tyə̀ynsè sə alàŋ sə ghənə̂sè e sè zɔ̂, pfɨfə sê chùmtè èpàm sə Njisə̀sè nə, “Kûmə̀ ghè ə ghàyn zhiə fɨnə mɨə ghayn ghə̀ ghɨ ghɛ ə ghe tənə tâksè è ghɨ piə mɔ̀ʼɔ ghə?”

Njɔyn 6:41

Ghɨ ə Isìlây ətəynghe ə zhə̀tə̀ se tɨ̀mnə zɔ̀ kûmə̀ Njisə̀s kə È pì nə, “Ə̀ nyi Vəyn payn ə kwaŋ kɛ ə ke ndô pə̂yn ekwùtwəyn.”

Njɔyn 6:61

Mə wùə paʼà tsàyn pî ghɛze sê Vəyn, Njisə̀s ə kê nə ghənə tè nyîə tɨmnə̂ zɔ kûmə̀ zɨnə mə, ə ke pì se ghənə nə, “Zaʼle nə zɨ̂nə nə̀ ndò nə ghàyn za pomə̂ zaynzə ə?

1 Kɔlìŋ 10:10

Ghâsènì kiva pî sə̂ shwinə̂ kə ghənə yîghe tè shwinə̂, ghɛ ətəynze ə nə̀, tsì ə̀ Fezhə̀ zɛ ə è pə̀ èkwuze ə zhwitə̂ ghənə.

Ngàleshyà 5:16

M kyiŋə se pì sê ghàyn nə, ghàyn za Zuʼse Ŋwaʼase, ə sə chisə̂ ghàyn. Ə ghàyn nə̀yn nyi, ə ghàyn ə fɨnə nə̂ va ghɛghe ə njà èwìyn kyiŋə.

Ngàleshyà 5:24

Ghɨ ghɛ ə̀ nyi əghɨ ə Klâys Njisə̀sə̀ nyi mə ghənə zhwi njà èwìyn è ghɛ ghɛ ə njà èwìyn kyiŋə nâʼà ètyaʼke.

Filìpây 2:14

Ghàyn e nə̂ nâʼàpî èghɛ èkè mə ghàyn shwinə̂ va, saʼnə̂ va.

1 Tèsàlonikà 4:5

zâ va nə tɨ̂m zɛ ze wìynze se nyɨ̀ŋə̀ è wùzhɔyn ə chisə̂ èndam zɛze kə ghɨ ghɛ ə ghe keva Zhə̀fè nə̀.

1 Timotì 6:5

è saʼnêzè shîŋə̀ tekɨ̂m əfètə̂ ə̀ghɨ ghɛ ə kwâʼtè tə ghənə̂tè nyi mə tə lwiyn è pi, mə ghənə vayn kàʼa kɛse kê èghɛ zɛ ə ze nyi səmɔʼ, nyiəmə, ghənə e kwâʼtə̀ nə se zaʼlê kûmə̀ Fèzhə̀ nyi endom ekyiŋə nə ekɛve.

2 Timotì 4:3

Shîŋə̀kè tə pə̂ mə ghɨ kɔ̂ŋə̀ va se zɨtê sê zaʼlê ə səmɔʼze, pîza chûmtə̀ èghɛ zɛ ə ghənə kɔ̂ŋə̀, ə ghənə ə kyiŋə ndûə setyə̀ynsè è ngɨŋ sə ghənə̂sè, sɛ ə se tsâ ghɛ ghɛ ə tôŋnê ə ghənə̂vè kɔ̀ŋə̀ se zɨ.

1 Pità 1:14

Ghàyn e zɨə Fèzhə̀. Kə ghàyn fɨyn nəyn əghɛ ghɛ ə njà sewìynse tè kyiŋə nə ghàyn ə nə̂ kə ghàyn tè nyìəm ke va Zhə̀fè.

1 Pità 2:11

Soyn sɨmse, ghàyn nyi mə ghàyn tsɛ̀ èndom, ghàyn va əghɨ mbiə fâghe. Ə̀ za nyi eghɛ zɛ ə m chyatə̂ ghàyn nə kə ghàyn ə nə̂ ghɛ ghɛ ə njà se wìynse saynse kyiŋə kûmə̀ nə ghɛ nə ghɨynə nò sezuʼ saynse.

1 Pità 4:2

Famə endom, ə ghàyn tə tàʼa ndamə mɨ̀sè endam zaynze fâ əchi endom vɛ ə njà sewìynse kyiŋə, ə ghàyn ə pɨlə ndamə kè kə̂ Zhə̀fè kyiŋə.

2 Pità 2:10

paynpayn ghɛ ə ghe nə̂ ghɛ enyələ ghɛ ə njà sə ewìyn sə ghənə̂sè kyiŋə, chîynə̀ èghɛ zɛ ə Zhə̀fè pì nə ghənə nəyn. Tyə̀ynsè sə akaŋ nə sɨ̂nə̀ fànə̀ va fɨake, zɨtə̂ va ghɛ zhîze sê wùə, ghənə fo pî va kɔʼsêzè sê ghɛ ə ghe nyi ekwùtwəyn kyi èpomsê, ghənə pɨlə sôylə̀ ndò ghənə.

2 Pità 2:18

Ghənə nyîə ghaŋsə wàmnə̀ èwâmnè ze kyi va tɔfze, ghənə njîə ə̀ghɛ ə nyələ ghɛ ə njà sewìynse kyiŋə lesə̂ ə̀ghɨ ghɛ ə ghe pa tə fɨə pə̂ əfètəyn ə̀ghɨ ghɛ ə ghənə ndamə kə sə̂ nə̂ ə̀ghɛ ə pighe.

2 Pità 3:3

Ghɛ ə shize nyi nə ghàyn kyi sə̂ ə̀ ke nə ə̀ tə pə̂ ə nyi mtuʼ mê kwùŋsə̂mè, ə ghɨ yîghe pfɨ̀ŋə̀ fɨ pəyn mə ə̀ nyi əghɛ ghɛ ə njà sewìyn sə ghənə kyiŋə chisə ghənə, ə ghənə ə nyə̂ʼsə̀ ghàyn,

Njût 1:15

se saʼ əghɨ ə̀kɨ̂m, è se pì nə ghənə əkɨ̂m ə pfɨ̀ saʼ kûmə̀ ə̀ghɛ ə pighe əkɨ̂m ghɛ ə ghənə nyi mə ə nə̀yn, è wâmnè tepi tekɨ̂m tɛ ə ghɨ epi ghɛ ə ghe ke va Zhə̀fè tè wàmne kûmə̀ Fèzhə̀.”

Njût 1:18

Ghənə tè pì sê ghàyn nə, “Mtuʼ me kwùŋsə̂m, ghɨghe tə pə̂ ə nyi chaʼa ghàyn, əghɨ mə ə chûmtə̀ ə̀ghɛ əpi ghɛ ə təm ə ghənə̂ghè kyiŋə.”