Njût 1:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ se saʼ əghɨ ə̀kɨ̂m, è se pì nə ghənə əkɨ̂m ə pfɨ̀ saʼ kûmə̀ ə̀ghɛ ə pighe əkɨ̂m ghɛ ə ghənə nyi mə ə nə̀yn, è wâmnè tepi tekɨ̂m tɛ ə ghɨ epi ghɛ ə ghe ke va Zhə̀fè tè wàmne kûmə̀ Fèzhə̀.”

Njût 1:15 ပူးပေါင်းရင်းမြစ်များ

Njɔyn 5:27

È və fo kepî Vayn ètyaʼke nə È və saʼa ə̀ghɨ kûmə̀ nə Vâ ə̀təyn nyi Vɛ ə tɔŋtə nə Va Wùə.

Ətefɨ̂aʼ 17:31

Kûmə̀ nə Zhə̀fè tè nyi mə Fe ə ndə̀m tuʼ fɛ ə Fe tə saʼa ghɨghe əkɨ̂m ətəyn fà mbi, ke chichi. Fe tə nə, ə wùə vɛ ə è chɔʼ ndəm saʼ ghɨ nə ghɨyn sê vəyn. Fe tyə̀yn chwìə nə zɨnə̀ se nâʼà pîndè mə È ndwisə̀ wùə nə vɛ ekwu.”

Ŋwàʼlè ə̀ Pɔ̂l sê ghɨə Lûmghè 14:10

Ghàyn ghɛ ə ghàyn zhiə kə mbàszè, kûmə̀ ghè ə ghàyn tsɛsə̀ saʼze əghɨ mɔ̀ʼɔghe ə tuə? Ghàyn ghɛ ə ghàyn zhiə nâʼàpî ghè, kûmə̀ ghè ə ghàyn chìynə̀ ghɨə mɔ̀ʼɔghe ə? Nâʼà ghâsènì əkɨ̂m tə tyəmə̂ ə Zhə̀fè əshi, ə fe saʼ ghâsènì.

Ŋwàʼlè ə̀ Pɔ̂l sê ghɨə Lûmghè 2:16

E za tyə̀nə̀ nə ə Fetuʼ fə saʼfe, Zhə̀fè tə saʼa ə̀ghɨ ə̀kɨ̂m ətə̂ ə̀ghɛ ghɛ ə ghənə kwaʼtə̀, è ghɛ ə ghənə ndə̂tə̀ nə̂ ndô. È tə fo Njisə̀s è tyaʼ nə kɛmə nə È saʼ ghɨghe. Ə̀ ghɨnə nyi əghɛ ghɛ ə m tsâ sê ghɨghe ezhoghɛ ə m ndaʼà tom èchùŋ.

Ŋwàʼlè ə̀ Pɔ̂l sê ghɨə Lûmghè 2:5

Pîza, ghàyn nyi mə tɛsê təm ghaynghe, ə tə nə ghàyn maʼà va ghɛ ghaynghe pighe, E tyə̂ nə ghàyn zɔmtə̂ kə epɔynsê ə Fezhə̀zè ə ghàyn ətu, mə È tə pɔynsə ghàyn ə Fetuʼ fə saʼfe. Fumə ə fetuʼ Zhə̀fè tə tyə̂nə̀ paynsə̂ ètɔŋ enyɔʼsə ə vəynve, ə è tyəyn paynsê kepî nə ndom vɛ ə è saʼa ətəyn nyi chichi.

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

1 Kɔlìŋ 5:13

Kè kə ŋwàʼlè ə̀ Fezhə̀ pìə nə, “Ghàyn chum fɨsê wùə èpi vɛ ə ghàyn ə fètəyn.” Zamə, ə Zhə̀fè tə saʼ ə̀ghɨ ghɛ ə ghe va ə ghâsènì anɔ̀yn.

1 Timotì 1:9

Ghâsènì kyi kepî sə̂ ke nə ə pâʼà fɛte lâŋ nə kɨ̂yn sê ghɨ ə chûŋə̀. Ə pɨl fɛtê se ghɨ ghɛ ə ghe kəmə lâŋkè è ghɛ ə ghe tɛ è tuve, è ghɨ ghɛ ə ghe ngɨmnə va Zhə̀fè, è ghɛ ə ghe nə̂ ghɛ piə, è ghɛ ə ghe tsə̂mə̀ va sê Zhə̀fè, è ghɛ ə ghe ndamə va ndam eŋwaʼze, è ghɨ ghɛ ə ghe zhwitə pɨ̀a ə ghənə kɨ̀sə nyì ghənə̂ghè, è ghɛ ə ghe zhwitə ghɨ mɔ̀ʼɔ,

Njût 1:16

Ghɨ ghɨnə zàŋsə̀ shwinə̂ wamnə̀ kə ndò, kɔŋə̀ sə ghâmə̀ ə̀ghɨ mɔ̀ʼɔghe, ghənə chûmtə̀ ə̀ghɛ ghɛ ə təm ə ghənə̂ghè kyiŋə nə ghənə ə nə̂, ghaŋsə̂ èwiyn kûmə̀ sèngɨŋ sə ghənə̂sè, wamnə̀ èwâmnè efɔməze sê ghɨghe se kyî afɨa kɛ ə ghənə kyiŋə.

Etyə̂yn ə paynsêzè 13:11

Mə ke fe nyàm èpamə ə̀mɔ̀ʼɔ̂, è fɨə kɔʼɔ pə̂ ə chi. È tè kyi sendɔŋ sèpɛ̀ kə sendɔŋ sə vâ ndzèsè, pîza wâmnə̀ kə ndlangɔ̀yn.

Etyə̂yn ə paynsêzè 22:20

Vɛ ə è tsàyn kə ghɛ ghɨ̀nə nə tè kyayn, pi nə, “E nyi səmɔʼ. M pə̂ kə zôyn!” ə zə nyi ke zamə. Pə ə Pɛ̂pɛ vâsvè Njisə̀s!