Njût 1:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.

Njût 1:1 ပူးပေါင်းရင်းမြစ်များ

Matyò 10:3

Filìp è Pàtòlòmiyâ, è Tɔ̀mɔ̂s è Matyò vɛ è tè tənə tâksè, è Njə̂m ə vâ Àfeyùs, è Tàtyə̂s,

Matyò 13:55

Ə̀ vɨnə va ke nâʼà vâ wùə vɨ̀nə è kɔmə fɨave nyîə? Ə va Mèli kə è piə və? Ghɔnyiə vəynghe va Njə̂m, è Njosɛ̀f, è Shimùyn è Njondàs ə̀?

Ŋwàʼlè ə̀ Mâk 3:18

Ə tè fɨyn nyi Andɨ̀lò, è Filìp, è Pàtòlòmiyà, è Matyò, è Tɔ̀mɔ̂s, è kɨsè Njə̂m ə va Àfeyùs è Tàtyə̂s è Shimùyn ə wùə ə fètə̂ anɔ̀yn kɛ ke pomə se kwu sê ndaʼa ghənə̂zè,

Ŋwàʼlè ə̀ Mâk 6:3

Piə ə nyi va wùə vɨ̂yn ə è kwìə kɔmə fɨa və? Pîə nyi vâ Mèli? Piə ghɔnyì ə vəynghe nyi Njə̂m, è Njosɛ̀f, è Njondàs, è Shimùyn? Piə ghɔnyì ə vəynghe zənə ndamə ə ghâsènì əfètəyn nə?” Kûmə̀ zamə ghənə zhə̀tə̀ sə̂ pànə̀ vəyn.

Tom èchùŋ kè kə Lûk tè nyaʼ 6:16

è Njondàs ə vâ Njə̂m yî Njondàs Èskalɔ̀t vɛ è tè kɛse pəʼle Njisə̀s.

Njɔyn 12:26

Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Njɔyn 14:22

Njondàs, (ə̀ vachi Njondàs Èskalɔ̀t) ə pfɨfə nə, “Pɛ̂ Ò nə̀ tyə̀nə̀ paynsə̂ zàyn wiyn vɛve sê ghàs, ə Ò tàʼa tyə̀ynə paynsê sê mbi ə?”

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 17:15

M tsə̂mə̀ va nə Ò nji tsɨsè ghənə ə mbi. Pîza M tsə̀mə̀ nə Ò tɔʼne ə Ò tsɨ̀ŋne ghənə sê wùə èpi.

Njɔyn 17:17

Nə̀yn nə ghənə zo kwəynə̂ tɔynə̂ səmɔʼ Zɛ̂zè. Kyə̀ Zɛze nyi səmɔʼ.

Njɔyn 17:19

Kûmə̀ ghənə, Mə fo ngɨŋ zɨm sê Ghò kə ghənə pɔŋ fo sèngɨŋ sə ghənə̂sè sê Ghò səmɔʼ.

Njɔyn 6:39

Ə̀ nyi èkɔ̂ŋ ə vɛ È tom Mi nə, kə M njise nâʼà èmɔ̀ʼ əfètə̂ ghɛ ə È fo sê Mi əkɨ̂m, pîza nə M zomse ghənə əkɨ̂m endam ə fetuʼfe kwuŋsəfe.

Ətefɨ̂aʼ 1:13

Ghənə pə̀ tâ ə Njèlusalɛ̀m ə njiə kɔʼɔ ndùə ə lûm ə̀ ndɛ èkwùtwəyn zɛ ə ghənə tè ndamə ətəyn. Ghɨ ə tom nə ghɨnə tè nyi Pità, è Njɔyn, è Njə̂m, è Andɨ̀lò, ə nyi Filìp, è Tɔ̀mɔ̂s, ə nyi Pàtòlòmiyà, è Matyò è Njə̂m ə va Àfeyùs, è Shimùyn vɛ ə è tè kàʼa è kwu kûmə̀ èndaʼ ə vəynze, ə̀ fɨyn nyi Njondàs ə va Njə̂m.

Ətefɨ̂aʼ 20:32

Mə zôyn m fo ghàyn sê tɔʼnè ə Fezhə̀zè è tom ə̀ Vəyn zə àfùʼ zɛ ə è nyì se nə̀yn nə ghàyn ndəmə, è kɨsè se fo ghàyn è pɔsê tɛ ə Zhə̀fè kyi sê ghɨə Vəyn ghəkɨ̂m.

Ətefɨ̂aʼ 27:23

M piə nyi kûmə̀ nə ə̀ va nyi ètuʼve ndâyn, tsì ə̀ Fèzhə̀ Fɛ ə Fe kyi mi, m ngɨmnə̂ Fəynfe ə vâ pə̀yn sê mi.

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

Ŋwàʼlè ə̀ Pɔ̂l sê ghɨə Lûmghè 1:6

Zɨnə mə nyi kepî se ghàyn ghɨə endaʼa Lûmzè, ghàyn nyi əfètə̂ ə̀ghɨ̀ ghɛ ə Zhə̀fè nyi mə Fe ə chitê nə ghàyn ə nyi ə̀ghɨ Klâysghè.

Ŋwàʼlè ə̀ Pɔ̂l sê ghɨə Lûmghè 16:18

Kûmə̀ nə ghɨ ghɛ ə ghənə nə̂ kyì əghɛ nə ghɨ̂yn fɨaʼà chîəva sê Pɛ̂pɛ ə̀ ghâsènì Klâys, pîza ghənə nə̂ kə ə̀ghɛ ghɛ ə ghe tsɔ̂fə̀ sê ghənə. Ghənə njîə èwâmnè echùŋè, è wâmnè efɔməze se lɛsə əghɨ ghɛ ə tɔʼ keva ghɛze.

Ŋwàʼlè ə̀ Pɔ̂l sê ghɨə Lûmghè 6:22

Pîza Zhə̀fè ə fɨse ghàyn etyə̂ àtyaʼ əghɛ pike, ghàyn e nyi èkɔ̂s ə Vəynve zôyn. Chùŋ zɛ ə ghàyn tə kyiə nyi nə Zhə̀fè ə nə̀yn ghàyn e nyi èŋwaʼze kə ghɨ Vəynghe nyi èŋwaʼze. Zɛ mə tə nə̂ ə ghàyn kyi ndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 8:30

Nyiəmə, ghɨ ghɛ Zhə̀fè tè nyi mə fe ə kàynè chitê ndəm, È və tə tɔŋɔ ghənə nə ə nyi ə̀ghɨ ə vəynghe. Ghɛ ə È nyi mə È və tɔŋɔ, È pi nə ə̀ nyi ghɛ ə ghe nyi chichi ə zhi shi. È və fo pomsê ə vəynze sê ghɛ ə ghe nyi chichi ə və shi.

Ŋwàʼlè ə̀ Pɔ̂l sê ghɨə Lûmghè 9:24

Ghâsènì e nyi paʼsê anɔ̀yn əghɨ̀ kɛ ə è nyi mə È və tɔŋə fɨsê. Ə̀ vachi ke anɔ̀yn əghɨ̀ ə Isìlâykè ə È tɔŋə fɨse ghâsènì. È və tɔŋə fɨse ghâsènì yîghe əfètə̂ ə̀ghɨ̀ ghɛ ə̀ vachi ə̀ghɨ ə Njûsghè.

1 Kɔlìŋ 1:2

M nyâʼà sê nɔ̂yn ə ndɛ Fèzhə̀ kɛ ə̀ kyi Fezhə̀, ə ke nyi endaʼ ə Kolìnzè, è kɨsè sê ghɨghe əkɨ̂m ghɛ ə Zhə̀fè tɔŋə ə nə̀ nə ghənə nyi ə̀ghɨ ə vəynghe ŋwaʼaghe tɔynə̂ ə Klâys Njisə̀s. Fɨnə nyâʼà se ghɨghe əkɨ̂m nâʼà pi ghayn, mə nyi ghɛ ə ngɨmnə Pɛ̂pɛ ə̀ ghâsènì Njisə̀s Klâys. È nyi Pɛ̂pɛ ə̀ ghənə̂ kèpi kə è nyi Pɛ̂pɛ ə̀ ghâsènì əkɨ̂m.

1 Kɔlìŋ 6:11

Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.

Ɛfesùs 5:26

È tè kwu se shù əghɨ ə poməghe nə ghe zo, tɔynə̂ ə tom èchùŋ ə vəyn.

1 Tèsàlonikà 2:12

fo ghàyn təm ə tɛghe, pɔsə̂ ə̀təm ghaynghe, pîə kwəynsə̂ kə ndò nə ghàyn ə ndamə endom vɛ ə Zhə̀fè kyiŋə, ə Fèzhə̀ fɛ ə fe tɔŋə ghàyn nə ghàyn ə nyi ə̀ghɨ ə vəyn elùʼ efɔ̀yn, è kɨsè ə vəyn epomsê.

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

2 Timotì 4:18

Pɛ̂pɛ nə̀ tsâmtə̀ mi kə ghɛ epi zhîze tàʼa kyàyn sê mi, ə è fɨyn nji kwi ke è mi achûŋ kə ghɛ epi zhîze tàʼa kyàyn se mi, m ndu nji ə vəyn elùʼ efɔ̀yn ə vəynve ekwùtwəyn. Ə ghâsènì ə pomsə̂ vəyn sə teshìŋə̀ tèkɨ̂m. Ə ze ə nyi ke zamə.

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

Njə̂m 1:1

Ə̀ nyaʼ Njə̂m ŋwàʼlè zɨ̀nə̀, ə wufɨ̀aʼa ə Fèzhə̀, è və̂ Pɛ̂pɛ Njisə̀s Klâys. M fo pə̂ ètɔŋtê sê tâŋ tə Isìlâytè eghɨm njòse pɛ̀ tɛ ə te nyi mə te ə waŋ ndu ke mbi èkɨ̂m.

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.

1 Pità 1:5

Ghaʼ nə zɨnə nyì sê ghàyn ghɛ ə Zhə̀fè tɔ̀ʼnə̀ è tyaʼ ə vəynke tɔynə̂ ekyî epomə̂ zɛ ə ghàyn kyi, ghàyn e nyi se tə kyi esɔ̂za zɛ ə fe pɨaʼte se fo sê ghàyn ə fetuʼ fe kwuŋsəfe.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

Njût 1:21

Ghàyn ndu ke èshike sə̂ ndamə èndam zaynze endom vɛ ə ghɨ ghɛ ə kɔ̂ŋə̀ Zhə̀fè kyi sə̂ ndamə kə ghàyn lɨmtə nə Pɛ̂pɛ ə̀ ghâsènì Njisə̀s Klâys pəyn tyəyn ekosê esəyn sê ghâsènì tɔynə̂ endam zɛ ə è tə fo sê ghâsènì mə ze tə mìə va.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.