Njə̂m 5:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ghàyn ə ndam zaynze fa chi kè sə̂ zhiə àchûŋ è kɨsè sə nə̂ nâʼàpî èghɛ èkè zɛ ə wiyn vaynve kyiŋə. Ghàyn ə ghaʼlê kwəyn, sè nyi èpɨaʼtêzè sè tuʼ fɛ kə se ghàyn ətəyn.

Njə̂m 5:5 ပူးပေါင်းရင်းမြစ်များ

Tom èchùŋ kè kə Lûk tè nyaʼ 16:19

È və wàmnə̀ za ə fɨnə tsâ fèmɛngâyn fife nə, “Wùə èghaʼâ viu tè nyi, maʼà kə sendzɨs sə tefɔ̀yntè, fɨnə zhisə̂ ewiyn ə vəyn kè tuʼmè m̀kɨ̂m.

Tom èchùŋ kè kə Lûk tè nyaʼ 16:25

Aplàghâm ə piə sê vəyn nə, ‘Vayn, kə ò lɛse nə ò tə zhi chùŋ zɛ kə ò pa ndamə ə chi, Lazalùs e pɔŋɔ fe ngəʼ ə̀ vəyn. Ə̀ zô se nyi, è zhiə ewiyn ə vəyn fayn, ò pɨlə zɨə etɨ̂m.

Ŋwàʼlè ə̀ Pɔ̂l sê ghɨə Lûmghè 13:13

Ghàyn e kyi tsɨnè èchùŋ kə ghɨ ghɛ ə ghe nyi epayn. Kə ghàyn ə nduə ə telùʼ te zhisə̂ nə ewìyn tɛ ə ghɨghe mɨə lɨ̀m fumə, m̀ ko ghənə, kə ghàyn ə chûmtə zəynghe è ndômnèghè. Kə ghàyn ə nə ghɛ ə nyələghe, kə ghàyn ə zɔ, kə ghàyn ə kyi àghə̀ʼ.

1 Timotì 5:6

Zhwìə kwu vɛ ə è mɔ̀msə̀ kə sə̂ zhisə̂ èwiyn ə vəyn se nyi mə zuʼse ə vəynse ə kwu nâʼàpî kə è pa kwìə.

2 Timotì 3:4

Ghənə tə nə̂ ə pəʼlə̂ ə̀ghɨ è wâmnè ə ghənə̂zè, shɨŋə nə̂ kə ə̀ghɛ ndɔ̀ʼɔ ə kwàʼte, nyi mə ə lwiyn è ghaŋsê ewìynze, kɔŋə̀ ə̀ghɛ ə mbi ghɨnə ghe tsɨ̀ə tsɛ̂ kə kɔ̂ŋə̀ Zhə̀fè.

2 Pità 2:13

Zhə̀fè tə ndâʼà ghənə kèpî è ngəʼ nə zɨnə̀ ə ghənə tè fo sê ghɨə mɔ̀ʼɔ. Ghənə zɨə èfɔm ezhoghɛ ə ghənə nə̂ ghɛ ghɛ ə njà èwìyn ə̀ ghənə̂ kyiŋə atɛ ə chwîkè. Ghɛ zɛ ə ghənə nə̂ nyi èghomə̂zè, ghənə e nyi kə ndi èpi ə ghàyn ə fètəyn. Shîŋə̀ kɛ ə ghənə tsɨsə se zhi ghâyn ghə̀ ghənə, ghənə e zɨə èfɔm ezhoghɛ ə ghənə lesə̂ ghàyn.

Njût 1:12

Ezhoghɛ ə ghàyn tsɨsə se zhi efɨazhiəve kə əghɨ epoməghe, ghɨ nə ghɨyn e nyi ke kə eliŋ ə ghàyn əfètəyn ə pɔŋ pəyn tsɨsə sè zhiə, ghomə va. Pîza ghənə nyi kə sengyəyn sɛ ə se kyi va ghomə̂zè, mə ghənə tɔ̂ʼnə̀ kə sê ngɨŋ sə ghənə̂sè. Ghənə nyi kə sembàʼ ə fofke pɨaʼà, pîza pə̂ va è ghol zhîze. Ghənə nyi kə mkaʼ mɛ m̀ mu tsɛ̂ va twɔmve, pi ashìŋə̀ etwɔmke, nyi kə mkaʼ mɛ ə nyi mə ə chɔʼ paʼsə̂ kə è ghaŋte ətəyn, m̀ me nyi mə m̀ mə kwu.

Etyə̂yn ə paynsêzè 18:7

Ghàyn fo vəyn ètsôsvè, è təm ə tɨləghe, ə ze ə tsɨ̂ə tsɛ̂ epomsê, è chùŋ zɛ ə è tè kyi. È tè nyiə kɔʼsə̂ tèkwûəmə̀ pîə sê ngɨŋə̂ vəyn nə, ‘M nyi nyìə fɔ̀yn, vɛ ə è tsɨs ə fekyə̀ fə efɔ̀ynfè saʼa m vachi zhwiə kwuə. M tə kyî va təm ə tɨləghe.’