Njə̂m 5:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Nyiəmə, ghàyn e tsâ sèpi saynse sê ngɨŋ saynse, tsə̂mə̀ sê ngɨŋ saynse kə Zhə̀fè ə tsuʼə ghàyn. Tsə̂m ə wûə ə̀ chichize nyîə kyi kàyntè àtyaʼ, nə̂ ghɛ ə kayntəghe e kyânə̀.

Njə̂m 5:16 ပူးပေါင်းရင်းမြစ်များ

Matyò 21:22

Ə ghàyn kyi pomə̂zè, ə ghàyn kyi nâʼàpî àkè kɛ ə ghàyn pfɨf e tsə̀m.”

Matyò 3:6

Ə pə̀ kə ghənə tsɛ̂ fɨ̀aʼtè tə ghənə̂tè, è və fo m̀mo sê ghənə ə tsô Njondàyn.

Ŋwàʼlè ə̀ Mâk 1:5

Ghɨghe ə fɨə apàs endaʼ ə Njòndyâzè kè əkɨ̂m è Njèlusalɛ̀m ndùə se zɨtê sê vəyn, chîə èkome ewìyn kûmə̀ sèpi sə ghənə̂sè, e və fo m̀mo sê ghənə ə tsô èghaʼâ ə̀ Njondàyn.

Tom èchùŋ kè kə Lûk tè nyaʼ 9:6

Ghɨətom ə vəynghe ə fɨə kwiə ndùə kə ə tə̀ʼ ə tə̀ʼ, ndàʼà ndùə tom èchùŋ, fɨnə tsuʼə ə̀ghɨ naʼapi ghayn ə ghənə fe.

Njɔyn 9:31

Ghâsènì nyîə ke nə Zhə̀fè zɨtə̂ va tsə̂m ə ghɨ̀ə epighe, pîza È zɨtə̂ kə è tsə̂m əghɨ̀ ghɛ ə fo kɔʼsêzè sê Vəyn nə̂ èghɛ zɛ ə È kyiŋə.

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Ətefɨ̂aʼ 19:18

Ghɨə pomə e tsɨəghe e fɨə pə̀ kə ə ndayn, tsâ ə̀ghɛ pi ghɛ ə ghənə tè nə tsɔ̀fə kə ghənə pomə.

Ətefɨ̂aʼ 8:24

Shimùyn ə piə sê Pità yî Njɔyn nə, “Ghàyn tsəm sê Pɛ̂pɛ sê mi, kə nâʼà èghɛ zhîze əfètəyn ə̀ghɛ ghɨ̂yn ə ghàyn pi nyî tàʼa kyàyn sê mi.”

Ŋwàʼlè ə̀ Pɔ̂l sê ghɨə Lûmghè 3:10

Ə nyàʼ ə ŋwàʼlè ə Fèzhə̀ nə, “Wùə vîvè va chichi. Wùə va pî èmɔ̀ʼ ə è nyi chichi.

Ŋwàʼlè ə̀ Pɔ̂l sê ghɨə Lûmghè 5:19

Kè kə wùə Andàm tè tàʼa zɨ se Zhə̀fè, ze ə tə nə̀yn wùə m̀sɔ̀ŋ e nyi wùə èpi. Kèpi famə endom kə wùə èmɔ̀ʼ, Klâys tè zɨ se Zhə̀fè, ze ə nə̀yn ghɨ tsɨəghe nyi chichi ə Zhə̀fè əshi.

Kòlosè 1:9

Ghɛ nə zɨ̂nə̀ ə tə nə̀yn, ghàs e tsə̂mə̀ sê ghàyn se zhə̀tè etuʼ vɛ ghàs tè zɨ ghɛ ətəynghe. Ghàs tsə̀mə̀ nə Zhə̀fè nəyn ə ghàyn fɛte kê eghɛ zɛ ə fe kyiŋə nə ghàyn nəyn. Ghàs tsə̀mə̀ nə Zhə̀fè fo ghàyn ètɔfze, è kɨsè tɔf eghaʼâzè kə ghàyn fɛte kê ə̀ghɛ ə Sezuʼə achûŋ.

1 Tèsàlonikà 5:17

tsə̂mə̀ sê Zhə̀fè shîŋə̀ tekɨ̂m,

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

1 Tèsàlonikà 5:25

Ghɔnyîə, ghàyn e tsə̂mə̀ se ghàs.

Ipilù 11:4

Ə̀ nyi ekyî epomə̂zè ə ze tè nəyn nə Apɛ̀l fo foze sê Zhə̀fè ə ze ə tsɔ̂fə̀ tsɛ̂ zɛ ə Kên tè fo. Zhə̀fè ə tə njì vəyn sə wùə chichi kûmə̀ èpomə ə vəynze. Ə̀ nyi ekyî epomə̂ ə vəynze ə ze tè nəyn nə Zhə̀fè nji vəyn sə wûə ə̀ chichi kûmə̀ nə Zhə̀fè tè nyiə saŋnə̂ è maʼte ə vəynze. Nâʼàpî kə Apɛ̀l tè nyi mə è və kwu, è pa wâmnə̀ kəndò sê ghâsènì tɔynə̂ epomə̂.

Ipilù 11:7

Ə̀ tè nəyn ekyî epomə̂zè nə Nuwà zɨ fɨ̀as zɛ ə Zhə̀fè tè fo kûmə̀ əghɛ ghɛ ə ghe nyi se tə kyàyn ndɔ̀ʼɔ è nyiəm fe è shize. Nyiəmə ə pofsə̂ mbi, Zhə̀fè ə njìə Nuwà sə wûə chichi kûmə̀ èkyî èpomə̂ ə vəynze.

Ipilù 12:13

Ghàyn e kwiə kə endom e naynə ve kə fɨəyn kɛ ə ke nyi mə kə ndəm za tàʼa fɨ̀as ə mɨ̀sè, ə ke pɨl tɛ ndò.

Ipilù 13:18

Ghàyn e tsə̂mə̀ kə sê ghàs. Ghàs ke ndô nə təm ghasghe saʼa va ghàs, kûmə̀ nə ghàs kyiŋə kə sə̂ nə̂ eghɛ zɛ ə ze tsɔ̂fə̀ shîŋə̀ tekɨ̂m.

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,

1 Njɔyn 3:22

Mə ghâsènì pfɨfə pi ghè sê vəyn ə è fo kûmə̀ nə ghâsènì nyîə ndə̂mə̀ èlwɔ̂ŋ ə Vəynve, fɨnə nə̂ ə̀ghɛ ghɛ ə è kɔ̂ŋɔ̀.