Njə̂m 4:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ghɔnyì ghɨmə, kə ghàyn ə wâmnə̀ ghɛ əpighe kûmə̀ ə̀ ghɔnyì ə mɔ̀ʼɔghe ə ghàyn ə fètəyn. Ə̀ pofsə pi ndè zə ànyìə vəyn kɨ̀sə è saʼa vəyn, ə ze ə tyə̂nə̀ nə è pìə èghɛ epi nə zɛ kûmə̀ Èsaʼ fɨnə saʼa kepî Èsaʼ ətəyn. Ə wùə saʼa Saʼze, ə nyi mə è ndə̀mə̀ va saʼ ətəynze, è pɨlə pîə nə saʼ ətəynze kyi va ghɛ zhîze se nə̀yn è vəyn.

Njə̂m 4:11 ပူးပေါင်းရင်းမြစ်များ

Tom èchùŋ kè kə Lûk tè nyaʼ 6:37

Kə ghàyn nə saʼa ghɨə, kə ə tə tàʼa saʼa ghàyn. Kə ghàyn nə pofsə̂ ghɨə, kə ə tə tàʼa pofse ə ghàyn. Ghàyn lɛ̂sə̀ fo ə̀ghɨ, kə ə tə lɛ̂sè fo ghàyn.

Ŋwàʼlè ə̀ Pɔ̂l sê ghɨə Lûmghè 2:1

E za tyə̀ nə nâʼàpî ndè vɛ ə è saʼa ghɨghe kɔ̀ŋə è və nyi pi ndè kiva ghɛ zhize se pì kə kaʼa lɛse fo ghənə, kûmə̀ nə shîŋə̀ kɛ ə ò saʼa ghɨghe mə ò nə̀ kəpi èghɛ zɛ ə ò saʼa ghənə sə təyn, ze tyə̂ nə nâʼà ghò ə nə̀yn ngɨŋ zɛ̂zè nə è pfɨ saʼ.

Ŋwàʼlè ə̀ Pɔ̂l sê ghɨə Lûmghè 2:13

Ə̀ vachi èzə zɛ ə wùə zɨ lâŋkè ə ze nə̂ nə wùə ə nyi chichi ə Zhə̀fè əshi, pîza sə nyi chichi ə Zhə̀fè əshi, wùə kyi sə nə̂ èghɛ zɛ ə lâŋkè kyiŋə.

Ŋwàʼlè ə̀ Pɔ̂l sê ghɨə Lûmghè 7:7

Ghâsènì nə̀ piə nə ghe zo? E tyə̂ nə lâŋkè pofə ndò mə? Ngaŋngaŋ! Lâŋkè pofə chîəva, pîza ə̀ nəyn alâŋ kə m mə ke èghɛ zɛ ə ze nyi eghɛ epize. Ə lâŋkè tè tàʼa pì nə kə wùə ndəm shize ə wùə afɨa, mə m keva nə ze pofə ndò se ndə̀m eshi ə wùə afɨa.

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

2 Kolìŋ 12:20

M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.

Ɛfesùs 4:31

Ghàyn maʼa kwàʼtè epi nâʼà èkɨ̂m, è tɔŋ ezafəve è zɔ̂zè, è ndise, nâʼàpî èpof èkèze.

1 Timotì 3:11

Zəyn ghɛ ə ghe fɨaʼà ə ndɛ Fèzhə̀ pɔŋ kyi sə̂ kyi èndam e chûŋzè, ndə̀mə̀ va kôghɔ̀ŋ, nə̂ va ghɛghe tsɨə tsɛ̂ àndiŋ, nə̂ nâʼà pîghè kè səmɔʼ.

2 Timotì 3:3

Ghənə tə nə̂ ə kyi va təm ə chûŋghè, lɛ̂sə̀ fo va ghɨghe, pìə ə̀ghɛ piə kûmə̀ ə̀ghɨ, pîə ə̀ghɛ nyi ke epɨaʼtêzè se nò, ndamə kə kə senyam, ghənə tə nə̂ ə pânə̀ èghɛ echûŋzè.

Taytùs 2:3

Kèpî famə endom, zaʼle zəyn ə ndumnə nə ghənə kyi se ndam endam zɛ ə ze fo ngɨmnêzè sê Zhə̀fè, piə va ghɛ ə pighe kûmə̀ ə̀ghɨ mɔ̀ʼɔ, mɨə tsɛ̂sə̀ va lɨ̀m. Ghənə pɨl kyi sə̂ zaʼlə̂ ə̀ghɨ èghɛ zɛ ə ze nyi achûŋ,

Njə̂m 1:16

Kə wùə tə lese ghàyn ə ghɔnyì ghɨmghe kɔ̀ŋghè.

Njə̂m 1:19

Ghàyn tɔʼ zɨte zɨnə ə ghɔnyì ghɨm ghe chûŋə̀: Ə nâʼàpî ndè ə tɔ̂ʼɔ̀ ndə̂mə̀ àtu se zɨtê, ko kyîə èwiyn ə vəynve se wàmnè, fɨnə ko kyîə èwiyn ə vəynve se nyɔ̀ʼsè etɔŋ.

Njə̂m 1:25

Pîza wùə vɛ ə è tɔ̀ʼɔ̀ zaʼlə lâŋ ə Fezhə̀ kɛ ə ke kyi va ləʼke mə ke njîə fɨsə̂ ə̀ghɨ ə ndɛ ə̀ chaʼ, è və kolə ə̀təm əfètə̂ təyn nə̂ èghɛ zɛ ə è zaʼle, lɛ̂sə̀ va, ə Zhə̀fè pɔse vəyn eghɛ zɛ ə è nə̀.

Njə̂m 2:8

Ə ghàyn lotə ndə̂mə̀ saʼ ə efɔ̂yn ə Fezhə̀zè kə ze nyi ə Ŋwàʼlè ə̀ Fèzhə̀ nə, “Kɔ̀ŋ ghɨə mɔ̀ʼɔghe kè eghɨ kə ghàyn kɔ̂ŋɔ̀ ngɨŋ saynse,” ə̂ nyi mə ghàyn nə̀ kə nâʼà èghɛ echûŋzè.

Njə̂m 5:10

Ghɔnyì ghɨmə, ghàyn kwaʼte fɨ̀aʼtè sɛ ə se tè wàmne ə Pɛ̂pɛ ezə. Ghàyn nji ghənə kə ghɨ ə kaʼa səyne sê ghənə kə ghənə tè kol təmə zɨə ngəʼ mə ghənə wâmnə̀ va.

Njə̂m 5:7

Ghàyn e wəynsə kə ndò wiynve ə ghɔnyì ghɨmə se zaʼâ kə Pɛ̂pɛ tə kɛse pə̂yn. Ghàyn fe kə wùə afûʼ fə̀ fûʼ ə vəynke ə zho, è ve wəynsə kə ndò wiynve se zaʼâ kə fɨazhiə vəyn ve chûŋvè ndəmə. È kyi se kol ətəm se lɨmtê kə pìŋ pfɨ, è kɨsè ghol etsɨə zɛ ə ze nə̂ tso tsɔ̀fə kə kwi.

Njə̂m 5:9

Kə ghàyn ə kwânə̀ sèngɨŋ saynse ə ghɔnyì ghɨmə kə Zhə̀fè tə tàʼa saʼ ghàyn. Zhə̀fè tyəm ke echò ndɛ nyi èpɨaʼtêzè se nji ə ndɛ.

1 Pità 2:1

Nyiəmə, ghàyn maʼa ghɛ ə pighe nâʼà ə̀kɨ̂m, sə fɨnə wamə va, pî sə kaŋkaŋə̂ nə̂, pî àghə̀ʼ, pî m̀nàŋ mə ènûm kûmə̀ ə̀ghɨ.