Njə̂m 4:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ pə̀ ghè ènôzè è saʼnêzè ə ghàyn əfètəyn ə? Ə̀ nyi əghɛ ə pi ghɛ ə ghàyn kyiŋə ə ghàyn ətəm ə ghe nə̂ nə ghàyn ə nô sèngɨŋ saynse.

Njə̂m 4:1 ပူးပေါင်းရင်းမြစ်များ

Matyò 15:19

Kwâʼtè tepite fɨə ə ghò ətəm chiynə ghò nə, ò zhwi, nyîŋə̀ è zhwîə wùə è kɨ̂sè ndom ə wùə, è chûmtè ə zəynze, è chɔŋe, è kaŋa kə ò wam ə̂ wùə tu, fɨnə pîə ə̀ghɛ piə yîghe kûmə̀ wùə.

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Ŋwàʼlè ə̀ Pɔ̂l sê ghɨə Lûmghè 7:23

Pîza mə fe nə lwɔ̂ŋ əmɔ̀ʼɔve nyi ndô vɛ ə wiyn vɨmve ə wùə m̀sɔ̀ŋve nyi etyə̂ ə̀təyn, ve nô èlwɔ̂ŋ vɛ ə təm ghɨmghe kɔ̂ŋə̀. Lâŋ nə kɛ mə ə kyî mi ə nə̀ nə mə nyi àkɔs.

Ŋwàʼlè ə̀ Pɔ̂l sê ghɨə Lûmghè 7:5

Kûmə̀ nə shîŋə̀ kɛ ə ghâsènì tè nyi etyə̂ ètsɨsə̂ ə wûə m̀sɔ̀ŋze, lâŋkè tè nyîə ndwisə̀ ə̀ghɛ epi ghɛ ə wîyn mə ghasènîəm kyiŋə. Zɨnə tè nyiə nə̂ ghâsènì e nə̂ əghɛ epi ghɛ ə ghe pə̂yn ekwuze.

Ŋwàʼlè ə̀ Pɔ̂l sê ghɨə Lûmghè 8:7

Ghɨ ghɛ ə ghe ndamə kə njà sewìynse kyiŋə nyi sèpàyn sə Fezhə̀sè, kûmə̀ nə ghənə ndə̂mə̀ va lâŋ ə Fezhə̀kè, mə ə vayn kaʼa ndəʼ ndəm kəynke.

Ngàleshyà 5:17

Ghɛ ghɛ ə njà ewìyn kyiŋə nyiə nô ə̀ghɛ ghɛ ə Zuʼsə Fezhə̀sè kyiŋə. Pîza ghɛ ghɛ ə Zuʼse kyiŋə e pɔŋɔ nô ghɛ ə njà èwìyn kyiŋə. Ghɛ nə ghɨyn vachi è soyn, e za nyi nə wùə vayn fɨnə nə̀yn eghɛ zɛ ə è kyiŋə se nə̀yn.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

2 Timotì 2:23

Kə ò nə zɨtə saʼnê ango zɛ ə ghɨə saʼnə̂, ke pîva ghɛ zhîze. Ò ke nə saʼnê nə zɨ̂nə̀ pə̀ kə è zɔ̂zè

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

Taytùs 3:9

Kə ghàyn ə njiə ə tesaʼnê tə angôte, kûmə̀ m̀ghâŋghàŋə̀ mɛ m̀ ndò pə̂ sê pɨ̀a ə ghasènìghe, pî sə̂ saʼnə̂, nô kûmə̀ àlâŋ. Ghɛ ghɨ̀nə kyi va nâʼà eghɛ zhîze se nə̀yn, ə̀ nyi ke ezhwi ashìŋə̀zè.

Njə̂m 1:14

Pîza chiyntêzè se nə̀yn ə pi pə̀ sê wùə ezhoghɛ ghɛ epi zɛ ə è kyiŋə lə̂ŋtè vəyn ə shìnə̀ vəyn kə è nəyn pi.

Njə̂m 4:3

Pî ezhoghɛ ə ghàyn pfɨf, Zhə̀fè fo va kûmə̀ nə ghàyn pfɨfə va è kwâʼtè echuŋzè. Ghàyn pfɨfə kə nə ə fo ghàyn ə nə̂ ə̀ghɛ ghɛ ə wiyn vaynve kɔ̂ŋə̀ è fɨa nə vɨ̂yn.

1 Pità 1:14

Ghàyn e zɨə Fèzhə̀. Kə ghàyn fɨyn nəyn əghɛ ghɛ ə njà sewìynse tè kyiŋə nə ghàyn ə nə̂ kə ghàyn tè nyìəm ke va Zhə̀fè.

1 Pità 2:11

Soyn sɨmse, ghàyn nyi mə ghàyn tsɛ̀ èndom, ghàyn va əghɨ mbiə fâghe. Ə̀ za nyi eghɛ zɛ ə m chyatə̂ ghàyn nə kə ghàyn ə nə̂ ghɛ ghɛ ə njà se wìynse saynse kyiŋə kûmə̀ nə ghɛ nə ghɨynə nò sezuʼ saynse.

2 Pità 2:18

Ghənə nyîə ghaŋsə wàmnə̀ èwâmnè ze kyi va tɔfze, ghənə njîə ə̀ghɛ ə nyələ ghɛ ə njà sewìynse kyiŋə lesə̂ ə̀ghɨ ghɛ ə ghe pa tə fɨə pə̂ əfètəyn ə̀ghɨ ghɛ ə ghənə ndamə kə sə̂ nə̂ ə̀ghɛ ə pighe.

2 Pità 3:3

Ghɛ ə shize nyi nə ghàyn kyi sə̂ ə̀ ke nə ə̀ tə pə̂ ə nyi mtuʼ mê kwùŋsə̂mè, ə ghɨ yîghe pfɨ̀ŋə̀ fɨ pəyn mə ə̀ nyi əghɛ ghɛ ə njà sewìyn sə ghənə kyiŋə chisə ghənə, ə ghənə ə nyə̂ʼsə̀ ghàyn,