Njə̂m 3:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ndəm ə wûəkè nyì kepî kə andəm ewùske, ke nyi ke kə mbi mə ə̀ lwiyn kê pi ətəyn, nə̂ kə wiynve ekɨ̂m nəyn pi. Ke kaʼa ə ke nyɔʼ wiyn ə wûəvè ekɨ̂m è wusve ve nyi kə vɛ ə ve ndô ke nâʼà elùʼ ewùs.

Njə̂m 3:6 ပူးပေါင်းရင်းမြစ်များ

Matyò 12:24

Kə ghɨə Falàsîə tè zɨ ghɛ ətəyn, ə pìə nə, “È chûmə̀ fɨsə̂ tèpamə̂ tə satàyn nə tɨ̂nə̀ nyi ke kûmə̀ nə Peelzepùl, fɔ̀yn se pamə̂ tə satàyntè ə fo vəyn è tyaʼke nə è nəyn nyiə mə.”

Matyò 5:22

Pîza, zôyn m tsâ sê ghàyn nə: ə nyɔ̀ʼsə̀ pi ndè tɔŋ sê ànyìə vəyn, ə tə pəyn è vəyn sê saʼe. Ə tɔŋte pîndè ànyìə vəyn nə, “Ò tsɔ̀fə kə eshi sə ndô!” Ə tə ndu è vəyn ashi əghɨ̀e saʼake. Ə tɔŋtə̂ pî ndè ànyì nə, “Ngô afɨake!” Ə zə pofə nə è nə̀ ndûə elùʼ ewùs.

Ŋwàʼlè ə̀ Mâk 7:15

Fɨake vayn kàʼa ke ndo pəyn ə pɨəyn ə ke nji ə wùə ewìyn ə ke nəyn vəyn nə è və zo va ə Zhə̀fè əshi. Pîza ə̀ nyi afɨa kɛ ə ke fɨə pə̂ ə wùə fètəyn ə ke nə̂ nə wùə ə zo va ə Zhə̀fè əshi”.

Tom èchùŋ kè kə Lûk tè nyaʼ 16:24

È və tɔŋɔ vəyn ə piə nə, ‘Aplàghâm, kose səyn sê mi ə pɛ̂ ə tomə Lazalùs ə è tuŋ ke nâʼà paŋ àgho ə̀ vəyn ə mmò ə è pə̀yn tsɨ̂lè ètɔŋ vɨmve ətəyn. M zɨə kə nâʼà etɨ̂m fà fètəyn èwùs.’

Ətefɨ̂aʼ 20:30

Shɨ̂ŋə̀ kè tə pə̂, ə ghɨ yîghe ə ghàyn anɔ̀yn tə wamə àkaŋ se nə̀yn nə ghɨə poməghe chumte ghənə.

Ətefɨ̂aʼ 5:3

Pità ə pfɨfə nə, “Ànàniyàs, ò za nə Satàyn nji ə ghò ətəm kûmə̀ ghè? Zôyn satàyn ə nə̀yn nə ò wam sê Zuʼse Ŋwaʼase ə ò ndətə pɨaʼa kɛ kɛ ə ò pəʼle fɨa vɛ ve ətəyn.

Ətefɨ̂aʼ 6:13

Kə ndû za, ə njìə ghɨə mɔ̀ʼɔ nə ghe nji pə̀yn wam àkaŋ ə̂ Shìtifɨ̀yn ətu. Ghənə njiə pə̂ ə pìə nə, “Wùə vɨ̀nə faŋə tsɛ̂ va sə̂ wàmnə̀ ə̀ghɛ ə piə kûmə̀ ndɛ̂ ètsə̀mə zɛ ə è nyi èŋwaʼze, è kɨsè elwɔ̂ŋ vɛ ə Zhə̀fè tè fo sê ghâsènì.

Taytùs 1:11

Ò kyi se nə̀yn nə kə ghənə ə tsɨnə̀ wàmnə̀ nyi kûmə̀ nə ghənə ndùə njiə əghɨghe mpɨəyn, ghənə pofsə̂ kə m̀kɨ̂m è zaʼlê epi nə zɨ̂nə̀. Ghənə nə̂ nyî kè se kyî ekɛ mə nyi afɨa kɛ ə ke pə̂ èghomə̂zè.

Njə̂m 2:7

Piə ə̀ pofsə̂ kəpî ghənə zə echûŋ ə wùə vɛ ə è kyi ghàyn ə?

Njə̂m 3:7

Wùə m̀sɔ̀ŋ kàʼa è nəyn ə kyì ə senyàm tekɨ̂m kə senyam sə mbvɨynse, è nɨ̂ŋmè, è sɛ ə se ŋâŋnə̀, è fɨa vɛ ə ve nyi ə tsô ə nə̂ èghɛ zɛ ə è kyiŋə.

2 Pità 3:3

Ghɛ ə shize nyi nə ghàyn kyi sə̂ ə̀ ke nə ə̀ tə pə̂ ə nyi mtuʼ mê kwùŋsə̂mè, ə ghɨ yîghe pfɨ̀ŋə̀ fɨ pəyn mə ə̀ nyi əghɛ ghɛ ə njà sewìyn sə ghənə kyiŋə chisə ghənə, ə ghənə ə nyə̂ʼsə̀ ghàyn,

3 Njɔyn 1:10

M tə pə̀ nâʼàpî ashìŋə̀ àkè ə m tsàyn sê nɔ̂yn əghɨ̀ ə poməke ghɛghə kɨ̀m ghɛ ə è nə̀ mə ghe nyi etipì. M tə tsâ ə̀ghɛ ə kwəmnə ghɛ ə è pì kûmə̀ ghâsènì è kaŋ kɛ ə è wam. È tè nə̂yn zâ ze ə tàʼa mìə kə zamə. È tə sə̂ fiə ə̀ ghɔ nyiə fɨnə tâmtə̀ əghɨ ghɛ ə kyiŋə sə̂ fiə, chûmə̀ fɨsə ghənə ə anɔ̀yn ə ghɨ ə poməke.

Etyə̂yn ə paynsêzè 12:9

Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.

Etyə̂yn ə paynsêzè 13:14

Tɔynə̂ ə sechwìə sekayntə sɛ ə tè za nə è zə nə̂ ə nyàm èpamə ə̀shi zɛ əshi, è zə lesə̂ ə̀ghɨ ə̀kɨ̂m ghɛ ə tè ndamə əchi. Nyàm èpamə ə̀təyn ə tsà se ghənə nə ghənə fɛte fɨ̂aʼsèkè sə̂ kɔʼsə̂ nyàm èpamə ə̀shi zɛ ətəyn ə tè ndəmse è fɛ̂ eghɔ̀ŋze pîza è pa ndamə zâ.

Etyə̂yn ə paynsêzè 18:23

Wùə tə fɨnə fe va kə lâm panə ə è tàʼa fɨnə zɨ ə kyə̀ ə̀ghɨ ə maləghe, ə fetə̂ tɔ̂ŋ èghaʼâ ghaʼâ. Ghɨə pəʼlə ghɛ ə ghənə tè nyi ə Papilɔ̀yn tè nyi sekàyntè sə ghɨ̀sè ə mbi. Papilɔ̀yn ə kɛsə̂ njìə kəpi ə̀ghɛ ə fɨyntə akaŋghe ə lesə̂ mbi èkɨ̂m ətəyn.”

Etyə̂yn ə paynsêzè 19:20

Ə kyîə nyàm e kwə̀mnə zɛ̂, ə fɨnə kyîə kəpi fɨ̀aʼtè àkaŋ zɛ ə è tè tyə̀nə chwìə se və shi. Ə̀ nyi sechwìə nə sɨ̂nə̀ mə ə è tè njì se lesê əghɨ ghɛ ə tè kyi chwìə ə̀ nyàm èpamə zɛ è kɨsè ghɛ ə ghe tè ngɨmnə fɨaʼsè ə nyâm èpamə ətəynke. Ə màʼa nyàm èpamə ə̀təyn è fɨ̀aʼtè àkaŋ əfètəyn èlùʼ wusve fuə ətəyn è fɨa kyîke mə ke lɛ̂ pâŋə̀ ndò e tɔŋtə̂ nə sɔlfɔ̀.