Njə̂m 3:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Kyì etɔf eghaʼâ nə zɨ̂nə̀ ndò pə̂ va sê Zhə̀fè, ze ndo pə̂yn fa mbi, ze paʼà ndò pəyn sê Zuʼse Ŋwaʼase, ə̀ fo ndə̂plè è ngɨŋə̂ vəyn.

Njə̂m 3:15 ပူးပေါင်းရင်းမြစ်များ

Tom èchùŋ kè kə Lûk tè nyaʼ 16:8

Pɛ̀ èfɨ̀aʼ ə fe eghɛ zɛ ə wùfɨ̀aʼ è wamə nə vɛ nə̀yn ə tsìtə̀ endom etɔf vɛ ə è fè fɛte ghɛ vəynze ətəyn.” Njisə̀s ə wàmnə̀ za, ə ke pi nə, “Ghɨə mbiə nə̂ tɔfə ə tendom tɛ ə ghənə fɛtə̂ ghɛ ə ghənə ətəyn tsɛ̂ ə̀ghɔyn epanə.

Njɔyn 3:17

Zhə̀fè tè paʼà tom Vâ vəyn ə mbi nə è pəyn saʼ ə̀ghɨ. Pîza È tè tom Vəyn nə È pəyn Sɔza ə̀ghɨ.

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Ətefɨ̂aʼ 13:10

ə piə sê vəyn nə, “Ə ghô vâ ndə̂plè vɨ̀yn! Ò nyi pàyn sê nâʼà pi èghɛ èkè zɛ ə ze nyi achûŋ. Ò nyi mə o lwiyn è kyì tə tepi tekɨ̂m. Mɔ̂msə̀ kə shîŋə̀ tekɨ̂m se kɨ̀mnè ə səmɔʼ ə̀ Pɛ̂ nə ə nyi àkaŋ.

Ŋwàʼlè ə̀ Pɔ̂l sê ghɨə Lûmghè 1:22

Ghənə kwâʼtə̀ kə nə ə tɔfə ndò pîza nyi engô.

1 Kɔlìŋ 1:27

Pîza Zhə̀fè ə chɔʼ ghɛ ghɛ ghɨ mbiə fe nə ə̀ nyi ango se nə̀yn nə ghɨ tɔfə ghomə, ə fɨnə chɔʼɔ ə̀ghɛ ghɛ əghɨ ə mbi ghɨnəghe njîə nə ghe va eghɛ se nə̀yn nə ghɨ atyaʼa ghomə.

1 Kɔlìŋ 2:14

Nâʼàpî ndè vɛ ə è kyi va Zuʼse vayn fi èfɨa vɛ ə Zuʼse fo kûmə̀ nə fɨa ətəynve nyi engô se vəyn. È vayn kàʼa è zɨ kê kûmə̀ nə ə̀ kàʼa ə nəyn ke Sèzuʼ nə è zɨ kê.

1 Kɔlìŋ 3:19

È kyi se nə̀yn nyî kûmə̀ nə tɔf zɛ ə ghɨ mbiə ghɨnə kyi nyi ango sê Zhə̀fè, kè kə nyi mə ə nyàʼ ə ŋwàʼlè ə̀ Fèzhə̀ nə, “Zhə̀fè njìə ètɔf eghaʼâ ə ghɨ̀ ə tɔfəghe kè se ko ghənə ətəyn.”

1 Kɔlìŋ 3:3

Ghàyn pa ndamə kə kə̂ ghɨ mbiə. Ghə̀ʼkè nyîə nyi ə ghàyn əfètəyn, ghàyn e zɔ̂ə sèngɨŋ saynse, zɨnə mə e tyə̂nə̀ nə ghàyn nyi əghɨ ə mbighe, ndamə kə kə mbi kyiŋə.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

2 Kolìŋ 11:3

M pìə nyî fànə̀ nə ghɨ kàʼa pəyn lesê ghàyn, kèpî kə mbam tè lɛse Îf, ə ghàyn ə fɨnə ndə̂mə̀ va təm ghaynghe, pîəva səmɔʼ zâynzè endom vɛ ə ghàyn nə̀ ghɛghe ghâynghə̀ Klâys.

Filìpây 3:19

Kyì ə ghɨ̀ nə ghɨ̂yn tə mɨ̂sə̀ elùʼ ewùs, kûmə̀ nə ghənə kɔʼsə̂ kə èfɨa vɛ ə njàse wìynse kɔ̂ŋə̀. Ghənə kɔ̂ŋə̀ sə nə̂ ə̀ghɛ ghɛ ə ghənə fe pɨl kyi sə ghomə̂ kûmə̀ ghəynghe, kwaʼtə̀ kə se ghɛ ghɛ ə ghe nyi fa mbi.

2 Tèsàlonikà 2:9

Wùə ə̀ghɛ pi nə vɨ̂yn tə pə̂ è tyaʼa, mə ə̀ fo Satàyn nə è və nə̂ ə̀ghɛ kayntə akaŋ ə tsɨəghe, tyə̂nə̀ sèchwìə sə akaŋ shîse sê ghɨ.

1 Timotì 4:1

Zuʼse Ŋwaʼase tyə̂nə̀ paynsə̂ nə, ə̀ tə nə̂ ə nyi ə mtuʼ me kwùŋsə̂m, ə ghɨ mɔ̀ʼɔ kwiynse ə tàʼa fɨnə pomə̂ ezaʼlê zɛ ə ze nyi səmɔʼ kûmə̀ Klâys Njisə̀s, ghənə tə pɨlə zɨə se zuʼsə akaŋse, ə ghənə ə nə̂ ə̀ghɛ ghɛ ə pamə̂ tə satàyntè fo.

Njə̂m 1:17

Nâʼàpî èfo echûŋ èkè, è nâʼàpî èghɛ èkè zɛ ə ze kyi va ləʼke ndò pə̂ ekwùtwəyn sê Zhə̀fè, ə fɛ ə fe tè fɛte payn tekɨ̂m tɛ ə te nyi awulə. È kwiynə̂ tsɛ̂ va kə anyɨ̂ŋsè kɛ ə ke kɨŋtə tsɛ̂ kəndò.

Njə̂m 1:5

Pîza, ə wùə se ghàyn làʼà tɔf eghaʼâzè, e və tsə̀mə̀ sê Zhə̀fè, ə Fe fo zəynze sê vəyn kûmə̀ nə Zhə̀fè fo sê nâʼàpî ndè èsaŋnêzè, e vayn zɔ̀ ə ghô ashìŋə̀ kɛ ə ò pfɨf sê vəyn.

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

Njût 1:19

Ə̀ ghɨnə nyi əghɨ ghɛ ə nə̂ nə chyâsè zə nyi, mə ghɛ zɛ ə ze chisə ghənə nyi nâʼàpî èghɛ èkè ə təm ə ghənə̂ghè pì nə ghənə nəyn kûmə̀ nə ghənə kyi va Zuʼsə Fezhə̀sè.

Etyə̂yn ə paynsêzè 12:9

Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.

Etyə̂yn ə paynsêzè 2:24

Pîza, ghàyn ghɛ ə ghàyn faŋ ə Tyàtilà ə kwiynsê nə ghàyn chùmtə̀ va zaʼlê ə vəyn ze pi nə zɛ, ə tàʼa zaʼlə əghɛ ə satàyn ghɛ ə tɔŋtə nə əghɛ ə ndətə elɔŋəghe. M tsâ se ghàyn nə m nə̀ fɨnə fo va pɨ̀aʼà ə mɔ̀ʼɔke sê ghàyn.

Etyə̂yn ə paynsêzè 9:11

Pɨynse ətəynse tè nyiə kyi fɔ̀yn vɛ ə è saʼa səynse, ə̀ nyi tsì zɛ ə è tɔ̀ʼnə̀ è pə zɛ ə ze lɔŋɔ tso ndùə kə ndô za, zə ə tsì ətəynze e nyi ewàmnè ə Ipilòzè nə Apandòn, nyi ewàmnè ə Nglêkè nə, Apolìyòn, ze tyə̂nə̀ nə, “Wùə è pəfsə.”