Njə̂m 3:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Pîza ə nyi mə ə ghàyn ətəm nyi mə lwiyn ke kàyntè aghə̀ʼ, è muze, kə wùə sê ghàyn nə ndə̂tè səmɔʼ ə è və pfɨ̂nə̀ àngàŋtè pîə nə zhi nyîə kyi ètɔf eghaʼazè.

Njə̂m 3:14 ပူးပေါင်းရင်းမြစ်များ

Matyò 27:18

È tè nyîə fɛte ke nə ghɨ atyaʼa Njûsə̀ fo tsɛsè Njisə̀s sê vəyn kè kûmə̀ àghə̀ʼ.

Njɔyn 16:2

Ə tə chûmə̀ fɨsə ghàyn ə sendɛ sə atsɨ̀yntese, mə shîŋə̀kè tə pə̂ ə ghɨ ghɛ ə zhwitə ghàyn ə kwàʼtə̀ kə nə ghənə fɨaʼà sê Zhə̀fè.

Ətefɨ̂aʼ 13:45

Pîza ghɨ Njûs yîghe ə fe kə nɔ̂yn ətəynke tè tsɨ̀ə, ghə̀ʼkè ə kyîə ghənə nâʼà sə ŋaŋ. Nâʼàpî èghɛ èkɛ zɛ ə Pɔ̂l tè pìə, ghənə e piə kə nə ə̀ nyi akaŋ, pîə ə̀ghɛ epighe ə vəyn wìyn.

Ətefɨ̂aʼ 26:9

Nâʼà mi è ngɨŋ zɨ̂mè ə tə kwàʼtè nə m kaʼa m nəyn pîghè se pofsê ezə Njisə̀s və Nazalɛ̀tvè.

Ətefɨ̂aʼ 5:17

Wùə èkɔʼsə nə èshyə̀ èngaŋtə kwəynə yî pamə tə vəynte tekɨ̂m, mə nyi atsɨ̂ynte ə ghɨə Sandùsîkè, ə zhə̀tə̀ àghə̀ʼ ə kwəmnəke se ghɨətom ə Njisə̀sghè, sè fɨasə nə ghənə nə̀ fe èghɛ.

Ətefɨ̂aʼ 7:9

Ghɔ ə Njàkɔ̂p ghe ndômnə̀ e kyi àghə̀ʼ sê ànyìə ghənə̂ Njosɛ̀f ə pəʼlə̂ vəyn sə akɔ̀s. Ghɨ ghɛ ə tè zhɔyn vəyn, ə njìə ndûə è vəyn endaʼa Enjìpzè. Pîza Zhə̀fè ə tɔ̂ʼnə̀ è vəyn,

Ŋwàʼlè ə̀ Pɔ̂l sê ghɨə Lûmghè 1:29

Ghənə nyi mə ə lwiyn èkyì tə ghɛ əpi tekɨ̂m kə; ətəm epighe, è fɨə ə shize, nyaŋə əghɨ əmɔ̀ʼɔ, kyi àghə̀ʼ, zhwiə ə̀ghɨ, kɔŋə̀ ètsôs, kɔŋə̀ sə chɔŋtə̂, lɛsə ə̀ghɨ, piə èfim.

Ŋwàʼlè ə̀ Pɔ̂l sê ghɨə Lûmghè 13:13

Ghàyn e kyi tsɨnè èchùŋ kə ghɨ ghɛ ə ghe nyi epayn. Kə ghàyn ə nduə ə telùʼ te zhisə̂ nə ewìyn tɛ ə ghɨghe mɨə lɨ̀m fumə, m̀ ko ghənə, kə ghàyn ə chûmtə zəynghe è ndômnèghè. Kə ghàyn ə nə ghɛ ə nyələghe, kə ghàyn ə zɔ, kə ghàyn ə kyi àghə̀ʼ.

Ŋwàʼlè ə̀ Pɔ̂l sê ghɨə Lûmghè 2:17

Zôyn ghàyn ghɛ ə ghàyn tɔŋtə ngɨŋ saynse nə əghɨ ə Njûsə̀, ghàyn ə ndə̀m təm ghaynghe ətə àlâŋ ə Mosîskè, tsɔsə̀ angàŋtè nə Zhə̀fè nyi Fezhə̀ faynfe.

Ŋwàʼlè ə̀ Pɔ̂l sê ghɨə Lûmghè 2:8

Pîza ghɨə mɔ̀ʼɔ kwaʼtə̀ kə se ngɨŋ sə ghənə̂sè, tə se pomə̂ nə ghɛ zɛ ə Zhə̀fè pìə nyì səmɔʼ, ghənə e nə̂ ə̀ghɛ ghɛ ə Zhə̀fè pìə nə ghe tsɔ̂fə̀ va. Zhə̀fè tə tyə̂nə̀ ènyɔ̂ʼsè etɔŋ ə vəyn sê kyì əghɨ̀ nə ghɨ̂yn, ə È pɔynse ghənə.

1 Kɔlìŋ 13:4

Kɔ̂ŋè nyi ewəynsê ewìynze è təm əchûŋghè; ə̀ vachi sə̂ naynə̂ àfɨa kɔ̂ŋə̀ nə ə̀ fe nyì sə̂ kyi gho, pî se pfɨ̀yn angàŋtè, pî sə kyi èghaŋsê ewìynze.

1 Kɔlìŋ 3:3

Ghàyn pa ndamə kə kə̂ ghɨ mbiə. Ghə̀ʼkè nyîə nyi ə ghàyn əfètəyn, ghàyn e zɔ̂ə sèngɨŋ saynse, zɨnə mə e tyə̂nə̀ nə ghàyn nyi əghɨ ə mbighe, ndamə kə kə mbi kyiŋə.

1 Kɔlìŋ 5:2

Ghɛ kyaʼa nyî, ghàyn e ghaŋsə̂ èwiyn kûmə̀ ghɛ̀? Pîə ghàyn fe pɨl nyi sə̂ nyi èkome ewìynve se fɨnə chùmə fɨsə wùə vɛ ə è mòmə̀ kyì eghɛ nə zɨnə ə ghàyn anɔ̀yn ə?

1 Kɔlìŋ 5:6

Ghaŋsê ewìyn zayn zɨnə̀ tsɔ̀fə̀ va. Ghàyn ke nə fèsə̀ʼ fe tətə̂fè nyiə nə̂ panə kwaŋke əfètə̂ àkaŋ eghaʼâkè e kɔʼɔ?

2 Kolìŋ 12:20

M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.

Ngàleshyà 5:15

Pîza mə ghàyn kɛse sə senyàm sə mbvɨynse sə ndômnə̂ kwɨlə sengɨŋ saynse, nə̂ ə̀ghɛ əpiə, ghàyn nji shîŋə̀kè kûmə̀ nə ghàyn nə̀ mɨ̂sə̀ sèngɨŋ saynse.

Ngàleshyà 5:20

ngɨmnə̂ èfɨ̂aʼsè, kwɨlə avɨ̂ŋ, pânə̀ əghɨ, nô, kyi àghə̀ʼ, zâŋsə̀ nyɔ̂ʼsə̀ ètɔŋ, kwâʼtə̀ kûmə̀ kə sengɨŋ, pə̂ è nòsèkè è chyâsèzè,

Ngàleshyà 5:21

kɔ̂ŋə̀ sə kyi àfɨa kɛ ə ghɨə mɔ̀ʼɔghe kyi, mɨə m̀lɨ m̀ ko, zhiə, mɨə tsɛsə̀. Nə̂ ə̀ghɛ ə mɔ̀ʼɔ kèpî kə ghɨ̂yn. M fo fɨ̀as sê ghàyn zôyn kèpî kə m tè fo sə shi nə, “Ghɨ ghɛ ə ghe nə̂ ghɛ nə ghɨ̂yn tə kyiə va kyəfè elùʼ efɔ̂yn ə Fezhə̀vè.”

Ngàleshyà 5:26

Kə ghâsènì ə ghaŋsə wiynve, kə ghâsènì ə nə̂ʼsə̀ ə̀təm ə əghɔ nyìə ə ghasènìghe pî sə̂ ghəʼə̀ ə̀ghɔ nyìə ghasènìghe.

Ngàleshyà 6:13

Nâʼàpî ə̀ghɨ ghɛ ə ghe se nam ə ghənə̂ghè ndə̀mə̀ pîə va lâŋkè pîza, kyiŋə kə nə ə se nam ghaynghe kə ghənə nə kwiə pfɨ̀ynə̀ fètwɔ̀ʼ, nə ghàyn ə pomə nə ə se nam ghaynghe.

Filìpây 1:15

Ghɨ mɔ̀ʼɔ ndâʼà tom èchùŋ ə̀ Klâys kûmə̀ àghə̀ʼ, è kɨsè kûmə̀ nə ghənə kyiŋə se fe nə ə̀ tsɨ̀ə tsɛ̂ ndè ànyìə, kə ghənə fe nə fɨ̂aʼ zɨme nyiə fɛtə ndûə pîza, yîghe ndàʼà tom nə zɨ̂yn kè nâʼà è təm əchûŋə̀.

Filìpây 2:3

Kə ghàyn ə nə ghɛghe kwaʼtə̀ kə sèngɨŋ saynse. Kə ghàyn nə nəyn èghɛ se tyə̀yn eghaŋsê ewìynze, pîza ghàyn nji ngɨŋ saynse əchi ə ndəm nə ghɨ mɔ̀ʼɔ nyiə kɔʼnə̂ tsɛ̂ ghàyn.

1 Timotì 2:4

Zhə̀fè kyiŋə nə ghɨ ghəkɨ̂m sɔ, fɨnə kyiŋə kəpî nə ghɨ ghəkɨ̂m kyi ghɛ zɛ ə ze nyi səmɔʼ.

1 Timotì 6:4

è və ke nə è ghaŋsə̂ kə èwiyn, ke va nâʼà èghɛ, ghɨə mɔʼɔ kyi endam eliŋ zhîze sə̂ saʼnə̂ kûmə̀ m̀ghɛlə̀ mə èlwiynmè, zɨnə mə e pə̂ è ghə̀ʼkè, ngyə̀skè, soylè ewìynze, kwaʼtə̀ pi kûmə̀ ə̀ghɨ ə mɔ̀ʼɔghe,

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

Njə̂m 1:18

Ə tè chɔʼne vəyn nə ə piə ghâsènì tɔynə̂ ə tom ə̀ səmɔʼ kə ghâsènì kyi luʼ əshive ə fètəyn èfɨa èkɨ̂m vɛ ə è tè pom.

Njə̂m 3:16

Luʼ vɛ ə ghə̀ʼkè è muze nyi ətəyn, nâʼàpî ndè e ndamə kə kə è kɔ̀ŋə̀, kyì əghɛ ə pighe əkɨ̂m e kyânə̀ fu.

Njə̂m 5:19

Ghɔnyì ghɨmə, ə wùə sê ghàyn ndò zâ səmɔʼ, wùə ə̀ mɔʼɔ ə kɛsə̂ pə̂ è vəyn,