Njə̂m 3:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ghɔnyì ghɨmə, kə ghàyn əkɨ̂m ə no sə̂ nyi sètyəynsè, kûmə̀ nə ghàyn ke ndô nə Zhə̀fè tə njîə ashîŋə̀ tsɨəke se saʼa ghâsènì ghɛ ə zaʼlə tsɨ̂ə tsɛ̂ kə è tə saʼa ghɨə mɔ̀ʼɔghe.

Njə̂m 3:1 ပူးပေါင်းရင်းမြစ်များ

Matyò 10:24

Wùə vɛ è lanə tsɨ̂ə tsɛ va tyə̀ynsè ə̀ vəyn; wùə èfɨ̀aʼa ngaŋtə̂ tsɛ va tu efɨ̀aʼkè.

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Matyò 9:11

Kə ghɨ Falàsî əmɔʼɔ fe kə Njisə̀s tsɨsə yîghə̀ kyì ghɨ̀ ghɛ, ə pfɨf sê chùmtè epàm sə Njisə̀sè nə, “Kûmə̀ ghè ə tyə̀ynsè vâyn zhiə yî ghɨ ghɛ ə ghe tənə tâksè è ghɨ epi ghə?”

Tom èchùŋ kè kə Lûk tè nyaʼ 16:2

Wùə èghaʼâ nə vɛ ə tɔŋɔ vəyn ə pfɨfə nə, ‘M zɨ nə ghe nyi kûmə̀ ghò ə? Tyə̀yn sê mi nə, ə̀ nji ghe, ə̀ fɨ ghe ə? Shîŋə̀kè ə kwəyn kə ò fɨ efɨ̀aʼ.’

Tom èchùŋ kè kə Lûk tè nyaʼ 6:37

Kə ghàyn nə saʼa ghɨə, kə ə tə tàʼa saʼa ghàyn. Kə ghàyn nə pofsə̂ ghɨə, kə ə tə tàʼa pofse ə ghàyn. Ghàyn lɛ̂sə̀ fo ə̀ghɨ, kə ə tə lɛ̂sè fo ghàyn.

Njɔyn 3:10

Njisə̀s ə pə̀ynsə̀ nə, “Ò nyi tyə̀ynsè èghaʼâ endaʼ ə Isìlâyzè, zɨə èghɛ zɨ̀yn kê va ə?

Ətefɨ̂aʼ 13:1

Ə ndɛ ə̀ Fezhə̀ ə Antyòk, fɨ̀aʼtè shîse tè nyîə nyi è tyəynsèsè. Ghɨ nə ghɛ mə tè nyi Pànapàs, Simyòn (vɛ ə tè tɔŋtə nə, fɨ̂mzè) è Lusiyùs (mə è fɨ pə̀yn ə Silên), è Maniyèn (vɛ ə è tè ndəmə luʼve mɔ̀ʼ yî tu apàs endaʼke Ɛlɔ̀t), è Sɔ̂l.

1 Kɔlìŋ 12:28

Ə ndɛ ə̀ Fèzhə̀, Zhə̀fè nyi mə Fə ndə̀m ghɛ ghəkɨ̂m, shike nyi ə̀ghɨtomə, kòmtèke nyi sè fɨ̀aʼtè, ta e nyi sètyə̀ynsè. È və tə ndə̀m kepî ghɨ ghɛ ə ghe nə̂ ghɛ əkayntəghe, ə̀ chûmtə ghɛ ə ghe kyi foze sə̂ tsuʼə ə̀ghɨ, pî sə̂ tsâmtə̀ ə̀ghɨ, chisə̂ ə̀ghɨ e wâmnə̀ ə tewàmnè tə ndôtè ndɔ̀ʼɔ zaʼle.

2 Kolìŋ 5:10

E nyi nyî kûmə̀ nə nâʼà ghâsènì ə̀kɨ̂m tə tyəmə̂ ə Klâys əshi, ə È saʼ ghâsènì. Nâʼàpî ndè tə kyiə àfɨa kɛ ə è nyì se kyi əghɛ ghɛ ə è tè nə kə è tè nyì fâyn ewìyn, kɨ̀sə ə̀ tè nyi əghɛ ə pighe, kɨ̀sə ə̀ tè nyi ghe chûŋə̀.

Ɛfesùs 4:11

Ə̀ nyi vəyn vɛ ə è tè chɔʼ ghɨ mɔʼɔghe ə ndə̀mə̀ sə ghɨətomə, ə chɔʼɔ ghəmɔ̀ʼɔ ə ndə̀mə̀ sə sèfɨ̀aʼtè se ghaʼâsè, ə chɔʼɔ ghəmɔ̀ʼɔ ə ndə̀mə̀ nə ə nə ndâʼà èghɛ ə Fezhə̀ ətelùʼ ətelùʼ ə fɨnə chɔʼɔ ghəmɔ̀ʼɔ nə nə nyi sèfɨ̀aʼtè, ə chɔʼɔ ghəmɔ̀ʼɔ sə setyə̀ynsè.

1 Timotì 1:7

Ghənə kyiŋə sə̂ nyi setyə̀ynsè sə alàŋ ə Fèzhə̀kè, pîza ndəʼ ke va nâʼà əghɛ ghɛ ə ghənə pîə, è ghɛ ə ghənə zaʼlə, wâmnə̀ kâyntə̀ ə̀ghɛ kûmə̀ ə̀ghɛ nə ghɨ̂yn pîə nə ghe nyi səmɔʼ.

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

2 Timotì 1:11

Zhə̀fè ə chɔʼ mi nə mə nyi wùətom, è wùə èzaʼlə, nə m ndaʼa tom èchùŋ.

Ipilù 13:17

Ghàyn e zɨə se tu vaynve, kə ghàyn ə tɛ è tuke sê ghənə. Ghənə nyiə naynə̂ ghàyn kûmə̀ nə ghənə taŋə njo sê Zhə̀fè ə ghənə efɨ̀aʼ. Ə ghàyn zɨə sê ghənə, ə ghənə ə nə̂ èfɨ̂aʼ ətəyn è èsaŋnêzè, ə ghàyn sè tɛ è tuve, ə ghənə ə nə̂ èfɨaʼ ətəynze è təm ə tɨləghe, ə zɛ mə tàʼa tsàmtə ghàyn.

Njə̂m 1:16

Kə wùə tə lese ghàyn ə ghɔnyì ghɨmghe kɔ̀ŋghè.

Njə̂m 1:19

Ghàyn tɔʼ zɨte zɨnə ə ghɔnyì ghɨm ghe chûŋə̀: Ə nâʼàpî ndè ə tɔ̂ʼɔ̀ ndə̂mə̀ àtu se zɨtê, ko kyîə èwiyn ə vəynve se wàmnè, fɨnə ko kyîə èwiyn ə vəynve se nyɔ̀ʼsè etɔŋ.

Njə̂m 3:10

Ə tsɨ̂tə̀ Fèzhə̀ è ndəmke fɨnə sôylə̀ kəpî ə̀ghɨ è kəynke. E kyi va sə̂ nyi za ə ghɔnyì ghɨmə.

1 Pità 5:3

Kə ghàyn ə zəʼtə̂ ndò ghɨ ghɛ ə fo nə ghàyn ə tɔ̂ʼnə̀ è ghənə. Ghàyn e pɨlə nə̂ ə̀ghɛ endom vɛ ə ghənə nə̀ səynə ghàyn.