Njə̂m 2:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Pîza, ə ghàyn sè njîə nə ghɨə mɔ̀ʼɔ nyiə tsɛ̀ yîghe, ə nyi nə ghàyn nə̀ pi, ə Saʼze ko ghàyn kè eghɨ kə ze ko nâʼàpî ndè vɛ ə è kəm saʼze.

Njə̂m 2:9 ပူးပေါင်းရင်းမြစ်များ

Njɔyn 16:8

Shîŋə̀ kɛ ə È nə̀ pə̂, ə Vəyn è ngɨŋə̂ Vəyn, tyəyn nə kwâʼtè tɛ ə ghɨ mbiə kyi kûmə̀ ə̀ghɛ ə piə, vachi za, ə è tyə̀yn ndom tə chichite, ə è fɨyn tyəyn èndom vɛ ə Zhə̀fè tə saʼa ghɨghe ətəyn.

Njɔyn 8:46

Ə̀ nyi nde ə ghàyn ə fètəyn ə è kàʼa è tyəyn nə Mə nə̀yn pi ə? Ə M tsâ səmɔʼ sê ghàyn, kûmə̀ ghè ə ghàyn pomə va sê Mi ə?

Njɔyn 8:9

Kə ghənə tè zɨ zɨnə mə, ə ndò nâʼà ə̀kɨ̂m femɔ̀ʼ femɔ̀ʼ, se zhə̀tə̀ kə ə ndumne sə shi. Njisə̀s ə faŋə fumə Və̂yn nɨŋ yî wùzhɔyn ə̀təyn, è pa tyəm ke fumə.

Ətefɨ̂aʼ 10:34

Pità ə pìə nə, “Ə̀ nyì zôyn kə kê səmɔʼ nə Zhə̀fè njìə ə̀ghɨ ə̀kɨ̂m eghɨ.

Ŋwàʼlè ə̀ Pɔ̂l sê ghɨə Lûmghè 3:20

Ghàyn ke nə wùə vayn kàʼa è və nyi chichi ə Zhə̀fè əshi kûmə̀ nə è chùmtə̀ èghɛ zɛ ə lâŋkè pìə. Lâŋkè nyì ke sə̂ tyə̂nə̀ se ghɨə nə ghənə nyiə nə̂ pi.

1 Kɔlìŋ 14:24

Pîza mə ghàyn əkɨ̂m tsà tom ə̀ Fèzhə̀, wùə mə è paʼà pomə Zhə̀fè, kɨ̀sə wùə vɛ ə è zɨə keva ə njiə pə̂, ə ghɛ zɛ ə ghàyn pìə, ə ze nəyn ə ghənə ke nə ə nyi əghɨ ghɛ ə nə̂ ghɛ ə pighe è kɨsè nə ə ghənə faŋ sə̂ nə̂ kə pi, ə Zhə̀fè tə pɔynsê ghənə,

Ngàleshyà 2:19

Ə̀ nyi alâŋ kə ke tè zhwi mi, ə nə̀ mi nə kə mə fɨyn nyi ə kəynke etyə̂ àtyaʼ, ndam zɨmze nyi zôyn sə kɔʼsə̂ Fèzhə̀. Ə payntê mi awâmnè è Klâys,

1 Njɔyn 3:4

Ə̂ nə̀ nâʼàpî ndè pi, ə nyi mə è və pfɨ̀ saʼ kûmə̀ nə è və kəm lâŋ ə Fezhə̀kè, pi nyi ekəm alàŋ ə Fezhə̀zè.

Njût 1:15

se saʼ əghɨ ə̀kɨ̂m, è se pì nə ghənə əkɨ̂m ə pfɨ̀ saʼ kûmə̀ ə̀ghɛ ə pighe əkɨ̂m ghɛ ə ghənə nyi mə ə nə̀yn, è wâmnè tepi tekɨ̂m tɛ ə ghɨ epi ghɛ ə ghe ke va Zhə̀fè tè wàmne kûmə̀ Fèzhə̀.”