Njə̂m 2:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ə ghàyn lotə ndə̂mə̀ saʼ ə efɔ̂yn ə Fezhə̀zè kə ze nyi ə Ŋwàʼlè ə̀ Fèzhə̀ nə, “Kɔ̀ŋ ghɨə mɔ̀ʼɔghe kè eghɨ kə ghàyn kɔ̂ŋɔ̀ ngɨŋ saynse,” ə̂ nyi mə ghàyn nə̀ kə nâʼà èghɛ echûŋzè.

Njə̂m 2:8 ပူးပေါင်းရင်းမြစ်များ

Matyò 22:39

Kùmtè alàŋ kɛ ə ke ngaŋtə e nyi kepî zamə nə, ‘Ò kɔ̂ŋɔ̀ èkɔ vɛve kè eghɨ kə ò kɔ̂ŋɔ̀ ngɨŋ zɛ̂zè.’

Matyò 25:21

Pɛ̀ efɨaʼ ə̀ vəyn ə piə sê vəyn nə, ‹Ò nə̀yn àchûŋ. Ò nyi ke nâʼà wùə èfɨ̀aʼa èchùŋ, fɨyn nyi səmɔʼ. Ò vâ nyîə nyi səmɔʼ sə̂ tɔ̂ʼnə̀ èkɛ etətə̂vè, M nə̀ fo ghò èkɛ e tsɨəve nə ò tɔʼne è vəynve. Nji pə ə chyàtə̀ ə mì esaŋnê.›

Matyò 25:23

Pɛ̀ èfɨ̀aʼ ə̀ vəyn vɛ ə pìə sê vəyn nə, ‹Ò nə̀yn kè nâʼà àchûŋ. Ò nyi ke nâʼà wufɨ̀aʼa èchùŋ, fɨyn nyi səmɔʼ. Ò va nyiə nyi səmɔʼ sə̂ tɔ̂ʼnə̀ èkɛ etətə̂vè, e za nyi nə m nə̀ ndə̂mə̀ ghò ə o tɔ̂ʼnə̀ èkɛ etsɨəve. Nji pə ə chyàtə̀ ə mì esaŋnê.›

Matyò 7:12

Nə̀yn sê wùə mɔ̀ʼɔ kè eghɨ kə ò kyiŋə nə è nəyn sê ghò, ə̀ zɨnə nyi eghɛ zɛ làŋ ə Mosîskè tyə̀nə è zaʼlê ə fɨ̀aʼtè èghaʼâzè. E nyi nə ghàyn ə nə̂ naʼapi ghè sê ghɨ kè kə ghàyn kɔ̀ŋə̀ nə ə nə nə̂ sê ghàyn. Ə̀ zɨnə nyi eghɛ zɛ lâŋ ə Fezhə̀kè è kə Fɨaʼtèkè lotə zaʼlə.

Ŋwàʼlè ə̀ Pɔ̂l sê ghɨə Lûmghè 13:10

Ə wùə kɔ̀ŋə̀ ànyì ə̀ vəyn, ə è tə tàʼa nə̂ pofsê se vəyn. E za nyi nə se kɔ̂ŋ nyì se ndə̀m alâŋ àkɨ̂m.

Ngàleshyà 5:14

Nâʼà elwɔ̀ŋ èkɨ̂m tsɨ̀yntə̀ pə̀ fɨə kə alàŋ amɔ̀ʼ nə, “Kɔ̀ŋ kɔ vɛve eghɨ kə ò kɔ̂ŋɔ̀ ngɨŋ zɛ̂zè.”

Ngàleshyà 6:2

Ghàyn e tsâmtə̀ sèngɨŋ saynse. Ə̂ ghàyn nə̂ nyi, ə ghàyn ə lwiynsə̂ àlâŋ ə Klayskè.

Filìpây 4:14

Pîza, e tè nyiə tsɔ̂fə̀ kə ghàyn tè tsàmte mi ə mì əfètəyn ètsòs.

1 Tèsàlonikà 4:9

M fe nə ghàs kyi va sə̂ fɨnə nyâʼà èghɛ sê ghàyn kûmə̀ endom vɛ ə ghàyn kyi sə̂ kɔ̂ŋɔ̀ ə̀ghɨ ə pomə mɔ̀ʼɔ ghətəyn. Zhə̀fè ngɨŋ ə̀ vəyn ə zaʼlê ghàyn kə ghàyn kyi sə̂ kɔ̂ŋɔ̀ sèngɨŋ saynse.

Njə̂m 1:25

Pîza wùə vɛ ə è tɔ̀ʼɔ̀ zaʼlə lâŋ ə Fezhə̀ kɛ ə ke kyi va ləʼke mə ke njîə fɨsə̂ ə̀ghɨ ə ndɛ ə̀ chaʼ, è və kolə ə̀təm əfètə̂ təyn nə̂ èghɛ zɛ ə è zaʼle, lɛ̂sə̀ va, ə Zhə̀fè pɔse vəyn eghɛ zɛ ə è nə̀.

Njə̂m 2:12

Ghàyn e tɔ̂ʼnə̀ è wâmnè zaynze fɨnə nə̂ kə ghɨ ghɛ ə nyi se tə saʼ ə ghənə èsaʼ zɛ ə ze nə̂ nə kə ghɨghe ə fɨyn nyi èkɔ̂s.

Njə̂m 2:19

E tsɔ̂fə̀ kə ò pomə nə Zhə̀fè nyì ke fèmɔ̀ʼ! Nâʼàpî tèpamə̂ tə Satàyntè nyîə pomə̂ kə pîza fɨnə tsɨŋtə̂ è fâynzè.

Njə̂m 4:11

Ghɔnyì ghɨmə, kə ghàyn ə wâmnə̀ ghɛ əpighe kûmə̀ ə̀ ghɔnyì ə mɔ̀ʼɔghe ə ghàyn ə fètəyn. Ə̀ pofsə pi ndè zə ànyìə vəyn kɨ̀sə è saʼa vəyn, ə ze ə tyə̂nə̀ nə è pìə èghɛ epi nə zɛ kûmə̀ Èsaʼ fɨnə saʼa kepî Èsaʼ ətəyn. Ə wùə saʼa Saʼze, ə nyi mə è ndə̀mə̀ va saʼ ətəynze, è pɨlə pîə nə saʼ ətəynze kyi va ghɛ zhîze se nə̀yn è vəyn.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.