Njə̂m 2:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Kèpî famə endom, Zhə̀fè tè nji La-àp mə ə̀ tè nyi afɨa ə kwiəke sə wûə ə̀ chichi tɔynə̂ efɨ̀aʼ zɛ ə è tè fɨ̂aʼ. È tè fi ndzɨsê əghɨ Isìlâyghè mə ə̀ tè nyi sechə̀yn ə tyə̀ynə̀ tèndom tə ndôtè kə ghənə ndo tə ətəyn.

Njə̂m 2:25 ပူးပေါင်းရင်းမြစ်များ

Matyò 1:5

Salmòn yî zhwîə vəyn La-àp tè piə Powàs, Powàs yî zhwîə vəyn Lût ə piə Opèt, Opèt e nyi pɨ̀a Njesì.

Matyò 21:31

Njisə̀s ə pfɨfə sê wùə èshyə̀ èngaŋtə nə, Ə̀ nyi nde ə ghɔyn ghɨ̂yn əfètəyn ə̀pɛ̀ ə è nə̀yn ghɛ zɛ pɨ̀a tè kyiŋə ə? Ghənə pə̀ynsə̀ nə, “Ə nə̀yn və shi.” Njisə̀s ə ke pì sê ghənə nə, “M pîə sê ghàyn səmɔʼ nə, ghɨ ghɛ ə ghe tənə tâksè è kwàlàvè tə njiə elùʼ efɔ̂yn ə Fezhə̀vè sə ghàyn sə shi.

Ətefɨ̂aʼ 17:7

Njasɨ̀yn ve njì ghənə ə ndə̀mə̀ ə və ndɛ. Nâʼà ghənə əkɨ̂m kwìə kəmə tèsaʼ tə fɔ̀yn èghaʼâ ə̀ ghasènìte pîə nə fɔ̀yn ə̀mɔ̀ʼɔ̂ fɨyn nyi ndò, zə vəynze e nyi Njisə̀s.”

Ipilù 11:31

Ə̀ tè nəyn ekyî epomə̂zè nə ə tàʼa zhwi afɨa ə kwiə kɛ ə tè tɔŋtə nə La-àp yî ghə̀ ghɨ ghɛ ə ghe tè tə se zɨ sê Zhə̀fè. Ze tè nyi nyiəmə kûmə̀ nə è tè nyi mə è və fi ndzɨsê è pɔ̂ynè ghɨə Isìlây ghɛ ə tè pə̀yn se nyaʼtə naynê ə teluʼ.

Njə̂m 2:18

Pîza wùə vîvè kàʼa è pi nə, “Ò nyîə kyi èkyî epomə̂zè, m kyi èfɨaʼ.” M pîə nə ò tyəyn kyî epomə̂ zɛze sê mi zɛ ə ze kyi va fɨ̂aʼzè, m tyəyn fɨ̂aʼ zɨm zɛ ə m nə̂ tɔynə̂ ə mì ekyî epomə̂zè.

Njə̂m 2:22

E za tyə̀nə̀ nə kyî epomə̂ ə vəynze è fɨ̂aʼ ə vəynze tè nyi ke sə afɨa àmɔ̀ʼ. Ə̀ tè nəyn efɨ̂aʼ ə vəyn nə kyî epomə̂ ə vəynze kwəyne.

Njə̂m 2:24

Ghàyn fe ndò zôyn nə, Zhə̀fè njîə wùə sə wùə chichi kûmə̀ èfɨ̂aʼ ə vəyn, ə̀ va ke kûmə̀ èkyî èpomə̂ ə vəynze.