Njə̂m 2:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Zhə̀fè tè nji pɨ̀a ghâsènì Aplàghâm sə wùə chichi kûmə̀ ghè? Piə ə̀ tè nyi kûmə̀ èghɛ zɛ ə è tè nəyn kə è tè fo vâ vəyn Azɨ̀k sə efo etûə àlaŋ efoke ə?

Njə̂m 2:21 ပူးပေါင်းရင်းမြစ်များ

Matyò 12:37

Nâʼà pî èghɛ èkè zɛ ə ghàyn tə pîə, ə̀ nyi eghɛ təyn ə ze tə nə̂ nə ghàyn zhiə ndò saʼ mə ghàyn pfɨ̀ə ndo.”

Matyò 3:9

Kə ghàyn ə kwâʼtə̀ nə ghàyn kàʼa ə ghàyn tə pɔynsə̂ ə Fezhə̀zè kûmə̀ nə ghàyn pìə nə ghàyn nyi əghɔ ghɔnə sê Aplàghâm. M tsâ sê ghàyn nə Zhə̀fè kàʼa ə fe nəyn ə chi ghɨnə kɛse sə ghɔyn sê Aplàghâm.

Tom èchùŋ kè kə Lûk tè nyaʼ 1:73

Ə̀ nyi mkâyn mɛ ə fe tè zhi yî pɨ̀a ghâsènì və shi, Aplàghâm,

Tom èchùŋ kè kə Lûk tè nyaʼ 16:24

È və tɔŋɔ vəyn ə piə nə, ‘Aplàghâm, kose səyn sê mi ə pɛ̂ ə tomə Lazalùs ə è tuŋ ke nâʼà paŋ àgho ə̀ vəyn ə mmò ə è pə̀yn tsɨ̂lè ètɔŋ vɨmve ətəyn. M zɨə kə nâʼà etɨ̂m fà fètəyn èwùs.’

Tom èchùŋ kè kə Lûk tè nyaʼ 16:30

È və piə sê Aplàghâm nə, ‘Ngâŋngaŋ ə Pɛ, ə wùə pɨl ndò endaʼ ə ghɨchi fâyn ə kɛsə̂ ndùə sê ghənə, ə ghənə kwiyne təm ə ghənə ghe piə.’

Njɔyn 8:39

Ghənə ə pə̀ynsə̀ nə, “Aplàghâm nyi pɨ̀a vâsvè.” Njisə̀s ə pìə sê ghənə nə, “Ə ghàyn tè lote nyi ə̀ghɔyn Aplàghâmə̀, mə ghàyn nə̂ kə ə̀ghɛ ghɛ ə Aplàghâm tè nə̂.

Njɔyn 8:53

Ò tsɨ̀ə tsɛ ndò pɨ̀a vâsvè Aplàghâm vɛ ə è tè kwuə? Fɨ̀aʼtè sə tè kwu kepî, Ò kwàʼtə̀ nə Ò nyi nde?”

Ətefɨ̂aʼ 7:2

Shìtifɨ̀yn ə pìə nə, “Ghə̀pɨ̀a ghɨmə è ghɔnyì ghɨmə, ghàyn zɨte. Zhə̀ fɛ ə Fe kyi tyaʼke akɨ̂m tè pə̀yn sê Aplàghâm, pɨ̀a ghâsènì və shi, kə è tè ndamə apàs endaʼ ə Mèsòpòtemyàkè tsɔ̀fə kə è ndo ndu sə̂ ndamə endaʼa Alànzè.

Ŋwàʼlè ə̀ Pɔ̂l sê ghɨə Lûmghè 3:20

Ghàyn ke nə wùə vayn kàʼa è və nyi chichi ə Zhə̀fè əshi kûmə̀ nə è chùmtə̀ èghɛ zɛ ə lâŋkè pìə. Lâŋkè nyì ke sə̂ tyə̂nə̀ se ghɨə nə ghənə nyiə nə̂ pi.

Ŋwàʼlè ə̀ Pɔ̂l sê ghɨə Lûmghè 4:1

Ghâsènì kaʼa pi nə ghe kûmə̀ pɨ̀a ghâsènì və shi Aplàghâmə. Ə̀ tè kyayn ghe ə vəyn ashìŋə̀ ə.

Ŋwàʼlè ə̀ Pɔ̂l sê ghɨə Lûmghè 4:12

Zɨnə mə tè nyì kə è və nyi kepî pɨ̀a ə̀ghɨ̀ ghɛ ə nyi mə ə se nam ə ghənə̂ghè, mə ghənə ə pomə kepî Zhə̀fè eghɨ kə pɨ̀a ghâsènì tè pomə ndɔ̀ʼɔ nyiəm se ə̀nam ə vəynghe.

Ŋwàʼlè ə̀ Pɔ̂l sê ghɨə Lûmghè 4:16

Ə̀ nyi kûmə̀ nə ghɨə pomə̂ ndò se Zhə̀fè, ə ze tə nə̂ nə ghənə kyi fɨa vɛ è nyi mə è və tsɨnè. È və nə̀yn nyiəmə kə ze tyəyn nə ə̀ nyi ətəm ə vəynghe chûŋghè ə ghe nə̂yn nə È tsayn mɨsè shîŋə̀ zemɔ̀ʼ sê ghâŋ fə Aplàghâmfè nə È tə fo ndò fɨa kɛ ə è tè tsɨ̀ne sê ghənə. È tè paʼà fo ke tsɨ̂nèzè se ghɨ ghɛ ə ghe tè ndə̀mə lâŋkè, È tè fo kepî sê ghɨ ghəkɨ̂m ghɛ ə tè pomə Zhə̀fè kə Aplàghâm tè pomə. Aplàghâm nyi pɨ̀a sê ghâsènì əkɨ̂m.

Ipilù 11:17

Ə̀ tè nyi ekyî epomə̂ zɛ ə Aplàghâm tè kyi sê Zhə̀fè, ə ze tè nəyn nə è fo vâ vəyn Azɨ̀k sə efo ashìŋə̀ kɛ ə Zhə̀fè tè mom vəyn. Vəyn vɛ ə è tè nyi mə è və pomə̂ tsɨnè tə Fezhətè, tè nyi epɨaʼtêzè se fo va vəyn ə è tè kyi ke èmɔ̀ʼ sə efo sê Zhə̀fè,

Njə̂m 2:18

Pîza wùə vîvè kàʼa è pi nə, “Ò nyîə kyi èkyî epomə̂zè, m kyi èfɨaʼ.” M pîə nə ò tyəyn kyî epomə̂ zɛze sê mi zɛ ə ze kyi va fɨ̂aʼzè, m tyəyn fɨ̂aʼ zɨm zɛ ə m nə̂ tɔynə̂ ə mì ekyî epomə̂zè.

Njə̂m 2:24

Ghàyn fe ndò zôyn nə, Zhə̀fè njîə wùə sə wùə chichi kûmə̀ èfɨ̂aʼ ə vəyn, ə̀ va ke kûmə̀ èkyî èpomə̂ ə vəynze.