Njə̂m 2:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ E za nyi nə ə wùə kyi kyî epomə̂zè ndɔ̀ʼɔ è paʼse fɨ̂aʼzè ətəyn, ə pomə̂ ətəynze ə va nâʼà èghɛ zhîze.

Njə̂m 2:17 ပူးပေါင်းရင်းမြစ်များ

1 Kɔlìŋ 13:13

Nyiəmə, ə̀ nyi əghɛ ghɨ̀nə̀ ə̀ ta ə ghâsènì kyi sə̂ kyi, epomə̂, è ghɛ ghɛ ə ghâsènì kwàʼtə̀ se kyi, è kɔŋè; pîza ghɛ eghaʼâzè famə əghɛ ə̀kɨ̂m nyi ekɔ̂ŋ.

1 Kɔlìŋ 13:3

Ə m kaʼa m fo fɨsə nâʼàpî àkè kɛ m kyi, se fɨnə fo nâʼà ewiyn vɨmve nə ə nyɔʼ, pîza mə m kiva kɔ̂ŋzè, ə zɨnə mə ə nə̂ va chùŋ zhîzè sê mi.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

1 Timotì 1:5

M pìə èghɛ nə zɨ̂yn sê ghò kûmə̀ nə m kyiŋə nə ghɨə pomə ə kyi èkɔ̂ŋ zɛ ə ze fɨ ə təm ə zoghe, mə təm ə ghənə̂ghè saʼa va ghənə fɨyn kyi èkyî èpomə zɛ ə ze nyi səmɔʼ.

Njə̂m 2:14

Ghɔnyì ghɨmə, ə wùə pìə nə zhi ə kyî kyì epomə̂zè se Zhə̀fè, tyə̂nə̀ va ə vəyn efɨaʼ, ə chùŋ ə̀təyn ə nyi nâʼà ghè? kyî epomə̂ nə zɨ̂nə̀ kàʼa ə ze sɔza vəyn ə?

Njə̂m 2:26

E za nyì nə kèpî kə wiyn vɛ ə ve kyi va zuʼse nyi mə ve ə kwu, ə̀ nyì kepî zamə kə kyî epomə̂ zɛ ə ze kyi va fɨ̂aʼtè nyi mə ze ə kwu.