Njə̂m 1:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ghɨə pomə ghɛ ə̀ nyi əghɨ afɨfghe kyi sə̂ saŋnə̂ kûmə̀ nə Zhə̀fè ə njì kɔʼsê ghənə elùʼ engaŋtəve.

Njə̂m 1:9 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:52

È və fɨyn tsose fɔ̂yntè ə̂ ghənə mkyə̀ ə kɔʼsə̂ əghɨ zomə.

Tom èchùŋ kè kə Lûk tè nyaʼ 10:20

Pîza kə ghàyn ə saŋnə nə zuʼ se pise ə zɨ sê ghàyn, ghàyn pɨlə saŋnə̂ nə, ə nyàʼ zə ghaynghe ə ŋwàʼlè ə̀ ekwùtwəyn.”

Tom èchùŋ kè kə Lûk tè nyaʼ 14:11

Nâʼàpî ndè vɛ ə è kɔʼsə ngɨŋ ə vəyn ekwùtwəyn, Zhə̀fè nə̀ tsosə̂ vəyn əchi, ə naʼapi ndè vɛ ə è njiə ngɨŋ ə vəyn əchi, ə Zhə̀fè nə kɔʼsê vəyn ekwùtwəyn.”

Tom èchùŋ kè kə Lûk tè nyaʼ 9:48

ə piə sê ghənə nə, “Ə̂ tɔ̀ʼnə̀ pi ndè è vayn nyiə kə vɨ̀nə kûmə̀ mi, ə nyi mə è tɔ̀ʼnə̀ è mi. Ə vɛ ə è tɔ̀ʼnè è mi ə ke nə è və tɔ̀ʼnè è vɛ ə è tom mi. Ghàyn ke nə wùə vɛ ə è tətə kwûŋsə̀ ə ghàyn əfètəyn əkɨ̂m nyi vəyn vɛ ə è ngaŋte tsɛ̂.”

Ŋwàʼlè ə̀ Pɔ̂l sê ghɨə Lûmghè 8:17

Kə ghâsènì se nyi ə̀ ghɔyn ə vəynghe, ghâsènì tə kyîə ndò pɔsê tɛ ə È ndə̀m sê ghɔ vəynghe, ə kyi kepî ghasènyìə ghə̀ Klâys fɨa vɛ ə Zhə̀fè nyi mə fə ndə̀m se Vəyn, kûmə̀ nə ə ghâsènì zɨ tsôsvè ghasènyìə ghə̀ Klâys, ə ghâsènì tə kyî kepî èpomsê ə vəynze.

2 Kolìŋ 6:10

Ghàs ndamə saŋnə̂ kə ndò nâʼàpî əfètəyn ètsôs. Ghàs kyàʼà kə əghɨ afɨfə pîza nə̂ nə ghɨghe ə kyi èghaʼ. Ghàs kyaʼà kə kə kyi va fɨake, pîza kyi èfɨa èkɨ̂m.

Filìpây 3:14

M pa mɔ̂msə̀ kə se ndùə əshi se nduə fɨ elùʼ vɛ m ndûə, kə m kaʼa m kyi fɨa vɛ ə Zhə̀fè nyi mə Fə ndə̀m se mi ekwùtwəyn. È və tɔŋɔ̂ mi nə m ndu awulə tɔynə̂ ə Njisə̀s Klâys.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

Etyə̂yn ə paynsêzè 2:9

M nyiə ke tètsôs tɛ ə ò fe, m ke ndô nə ò nyîə fɨfə pîza səmɔʼ e nyi nə wùə eghaʼâ! M ke ndô ghɛ ə pi ghe ə ghɨ ghɨnə ə ghe kaŋa tyə̂nə̀ nə ghənə nyi ə ghɨ Njûsə̀ wâmnə̀ kûmə̀ ghàyn. Ghənə nyi əghɨ anɔ̀yn ə Satàynkè.