Njə̂m 1:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Ghàyn nəyn kə wəynsê ewìyn ə təynze nəyn ə ghàyn ə tɛ ndûə kə èshike mə ghàyn pfɨ̀ə va, kə ghàyn ə nyi mə ə ndəmə̂, nyi mə kwəyn, lâʼà va fɨa kyîke.

Njə̂m 1:4 ပူးပေါင်းရင်းမြစ်များ

Matyò 10:22

Ghɨghə əkɨ̂m tə pânə̀ ghàyn ə mì ezə. Pîza mə ə kol pîndè təmə se nduə tàyn ə mɨ̀se ə è tə kyî èzɔzaze.

Matyò 19:20

Kwuŋ endômə̀ ətəynve ə pìə sê Njisə̀s nə, “Mə ndə̀m lwɔ̂ŋ nə vɨ̂yn nâʼà èkɨ̂m. Ə̀ nyì kwəynsê ghè m kaʼa m nə ə?”

Matyò 5:48

Ghàyn kyi sə̂ nyi chichi kè kə pɨ̀a vâyn ve ekwùtwəyn nyi chichi.

Ŋwàʼlè ə̀ Mâk 10:21

Njisə̀s ə naynə̂ vəyn nyi, sè kɔ̀ŋɔ̀ vəyn ə ke pì sê vəyn nə, Ghɛze nyîə nyi emɔ̀ʼ ə ò pa kyi se nə̀yn. Nduə pəʼle fɨa vɛ ə ò kyi nâʼà èkɨ̂m ə fo èkɛ ətəyn sê ghɨ afɨfə, kə ò kyi ghaʼ ekwùtwəynze. Ə ò nə̂yn nyî, o pə̀ chûmtə̀ mi.”

Tom èchùŋ kè kə Lûk tè nyaʼ 18:22

Njisə̀s ə zɨə zâ ə piə sê vəyn nə, “Ò pa kyi eghɛ èmɔ̀ʼ se nə̀yn, ndùə pəʼle nâʼà fɨave ekɨ̂m kə ò kyi ə fo ekɛ ətəyn sê ghɨafɨfə, kə ò kyi eghaʼ ekwùtwəynze. Ə ò nə̀yn nyi, o pə̀ chûmtə̀ mi.”

Tom èchùŋ kè kə Lûk tè nyaʼ 21:19

Wəynsê zayn tə nə, ə ghàyn sɔ̂.

Tom èchùŋ kè kə Lûk tè nyaʼ 8:15

Zhi zɛ è tàyntè əmchi mê chùŋə̀m nyi kə əghɨ ghɛ ə ghe zɨ ghɛə Fezhə̀e, ə kyiə kə səmɔʼ è təm əchûŋə̀, ə ndə̀mə̀, ze muə etwɔm ə ghənə endam.

Njɔyn 17:23

M nyi ə ghənə mwìyn, Ò nyi ə Mì ewìyn kə ghənə tsɨynte pəyn ə lote nyi ke sə eghɛ emɔ̀ʼ endom kə mbi ke nə ə̀ tom Ghô Mi, è kɨsè nə Ò nyîə kɔ̂ŋɔ̀ ghənə kè eghɨ kə Ò kɔ̀ŋɔ̀ Mi.

1 Kɔlìŋ 2:6

Pî kə ze nyi nyiə mə, ghàs ndàʼà tomə̀ ètɔf eghaʼâzè sê ghɨ ghɛ ə ghənə nyi mə ghəʼnê ə ghənə epomə̂, pîza ə̀ vachi ètɔf eghaʼâ ə mbi zɨnə ze kɨ̀se etɔf engaŋtə əghɨ̀ ghɛ ə ghe saʼa mbi zɨ̀nə̀, ə ghɨ mə tyaʼa ghənə̂kè sè mîə ndò.

Ngàleshyà 6:9

Kə ghâsènì nə pɔ se nə chùŋ, kûmə̀ nə ghâsènì tàʼa pɔ, ə shîŋə̀kè tə kwəyn, ə ghâsènì kwi, mə nyi emaʼtè ə ghasènìve.

Kòlosè 4:12

Ghàyn fi tɔŋtêzè mə ze ndo sê Èpafalàs mə ə̀ nyì kepî wùə mɔʼɔ̂ ə ghàyn anɔ̀yn, ə̀ nyi wùə èfɨ̀aʼa sê Klâys. È nyiə zâŋsə̀ tsə̂mə̀ se ghàyn shîŋə̀ tekɨ̂m, tsə̂m ə vəynze sê Zhə̀fè e nyi nə ghàyn ə tyəm ə ghàyn epomə̂ kə ghɨ ghɛ ə nyi mə ə ndəmə̂, e ke nə ghənə lote nyi ə̀ ghɨ epoməghe, kè endom se ngɨmnê se Zhə̀fè ə Fəynfe ekɔ̀ŋ.

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

2 Timotì 3:17

Ghɛ nə ghɨnə nyi se nə̀yn nə wùə èfɨ̀aʼa ə̀ Fèzhə̀ ə kwəynə mɨ̂sə̀ sə̂ nə̂ nâʼà tèkyì tə tefɨ̀aʼ techûŋ tekɨ̂m.

Ipilù 13:21

m tsə̂mə̀ nə Zhə̀fè fo nâʼàpî àfɨa echûŋ àke kɛ ə ghàyn nə̀ njîə se nə̀yn eghɛ zɛ ə è kɔ̀ŋə̀ ətəyn, m tsə̀mə̀ nə tɔynə̂ ə Njisə̀s Klâys, è nə̀ nə̂ tɔynə̂ ə ghâsènì ghɛ zɛ ə ze tsɔ̂fə̀ sê vəyn. Ə pomsêzè ə nyi sê Njisə̀s Klâys sə teshìŋə̀ tèkɨ̂m. Ə ze ə nyi ke zamə.

Njə̂m 1:5

Pîza, ə wùə se ghàyn làʼà tɔf eghaʼâzè, e və tsə̀mə̀ sê Zhə̀fè, ə Fe fo zəynze sê vəyn kûmə̀ nə Zhə̀fè fo sê nâʼàpî ndè èsaŋnêzè, e vayn zɔ̀ ə ghô ashìŋə̀ kɛ ə ò pfɨf sê vəyn.

Njə̂m 3:2

Ghâsènì əkɨ̂m nyìə nə̂ pofsə̂ ə̀ghɛ. Ə wùə nə̀ pofsə va ə vəyn ewàmnè, ə nyi mə wùə ə̀təyn ə ndəmə̂ kwəyn, nyi mə è kàʼa è chise ngɨŋə̂ vəyn əghɛ ə mɔ̀ʼɔghe əkɨ̂m.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

2 Pità 1:9

Pîza ə ghàyn nə̀ va ghɛ nə ghɨ̂yn, ə ghàyn ə nyi kə ghɨ ghɛ ə ghe nyi mə ə fòf, shiə ghənə̂ghè e tɔ̀ʼɔ̀ fe va luʼte. Ə zə nyi nə ghàyn ə lɛ̀sè nə Zhə̀fè ə lɛ̀sè fo pi saynse epàmse.