Njə̂m 1:22 - Ŋwàʼlè ə̀ Fèzhə̀ Mkâyn Mə̂ Fèm

²² Kə ghàyn lese ngɨŋ saynse sə̂ zɨtə̂ kə ndò ghɛ ə Fezhə̀zè, pîza ghàyn e nə̂ èghɛ zɛ ə tom ə̀təyn pîə.

Njə̂m 1:22 ပူးပေါင်းရင်းမြစ်များ

Matyò 12:50

Nâʼà pîndè vɛ ə è nə̀yn ghɛ zɛ ə pɨa vɨ̂mvè ekwùtwəyn kyiŋə, ə̀ nyi ànyì vɨ̂m ve ndômə̀ è ve zhɔyn è nyì vɨ̂mvè.”

Matyò 28:20

Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Tom èchùŋ kè kə Lûk tè nyaʼ 11:28

Njisə̀s ə pə̀ynsə̀ nə, “Chùŋ pɨl nyi sê ghɨ ghɛ ə ghe zɨə ghɛ Fezhə̀e, nə̂ kə̂ ze piə!”

Njɔyn 13:17

Zôyn kə ghàyn ke səmɔʼ, pɔsê nə̀ nə ə zə nyi sê ghàyn ezhoghɛ ə ghàyn nə̀ nyiəmə!

Ŋwàʼlè ə̀ Pɔ̂l sê ghɨə Lûmghè 2:13

Ə̀ vachi èzə zɛ ə wùə zɨ lâŋkè ə ze nə̂ nə wùə ə nyi chichi ə Zhə̀fè əshi, pîza sə nyi chichi ə Zhə̀fè əshi, wùə kyi sə nə̂ èghɛ zɛ ə lâŋkè kyiŋə.

1 Kɔlìŋ 15:33

Kə wùə tə lə̂ʼsè ghàyn. Ghàyn e ke nə, “Soynse pise nyiə pofsə̂ endam e chûŋzè.”

1 Kɔlìŋ 3:18

Kə wùə tə lesê ngɨŋə̂ vəyn. Ə wùə nyi ə ghàyn əfètəyn kwaʼtə̀ nə zhi nə tɔfə endom vɛ ghɨ mbiə fâ njîə ətəyn, ə è pɨl kə̂mnè sə ango kə̂ è kyi kàyntè ètɔf.

1 Kɔlìŋ 6:9

Pîə e za nyi nə ghàyn keva nə ghɨ ghɛ ə ghe va chichi tə kyiə va luʼve elùʼ efɔ̀yn ə Fezhə̀vè mə? Kə wùə tə lesê ngɨŋə̂ vəyn. Ghɨ ghɛ ə ghe nyîŋə̀ è zənə kɨ̀sə ə ndômnə̀, è ghɨ ghɛ ə ghe ngɨmnə fɨ̂aʼsèvè kɨ̀sə əghɛ ə ghe kimə saʼ ə malə̂zè è ndômnè ghɛ ə ghe nyîŋə̀ è ndômnè əmɔ̀ʼɔ,

Ngàleshyà 6:3

Ə̀ kwâʼtə̀ pîndè nə e nyi afɨa, pîza va kəynke, ə è və lesə̂ kə ngɨŋə̂ vəyn.

Ngàleshyà 6:7

Kə wùə nə̂ lesê ngɨŋ ə vəyn. Wùə vayn kaʼa è chɔŋte Zhə̀fè. Ə wùə zho nâʼàpî ghè, ə è tə kwi ke kəynke.

Filìpây 4:8

Ghɛ ekwuŋsəze ə ghɔnyì ghɨmə nyi nə, ghàyn e kwaʼtə̀ ə̀ghɛ ghɨnə shîŋə̀ tekɨ̂m. Ghàyn e kwaʼtə̀ nâʼàpî èghɛ èkè zɛ ə ze nyi səmɔʼ, nâʼàpî eghɛ èkè zɛ ə̀ nyi eghɛ echuŋzè, nâʼàpî èghɛ èkè zɛ ə ze nyi chichi, nâʼàpi èghɛ èkè zɛ ə ze kyi va ləʼke, nâʼàpi èghɛ zɛ ə ghɨə kyi sə̂ kɔ̂ŋə̀, è nâʼàpî èghɛ èkè zɛ ə ghàyn fe nə ze tsɔ̂fə̀ ndò se ghàyn. Ghàyn e kwaʼtə̀ ə̀ghɛ ghɛ ə ghe ngəsə̂ tsɔ̂fə̀, ghɨghe e pîə nə ghe nyiə tsɔ̂fə̀. Ə̀ nyi ə kyì əghɛ ghɨnə̀ ə ghàyn kyi sə̂ ndə̂mə̀ ə ghàyn ə fètə̂ ə̀təm nâʼà shîŋə̀ tekɨ̂m.

Kòlosè 3:17

Nâʼàpî èghɛ èkè, kə ghàyn wàmnə̀ ndò kɨ̀sə ghàyn nə̀ ndò, ghàyn e nə̂ ezə ə Pɛ̂pɛ Njisə̀szè. Ghàyn fo zɔ̀ŋnèkè sê Zhə̀fè Pɨ̀a ghâsènì.

2 Timotì 3:13

Ghɨ piə è ghɨ ghɛ ə ghe tyə̀nə̀ nə ghe nyi afɨa, pîza va, ə pofə ndùə kə èshike, kyîŋsə̀ ə̀ghɨ, ghɨə mɔ̀ʼɔghe e pɔŋɔ kyîŋsə̀ kəpî ghənə.

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

Njə̂m 1:26

Ə wùə kwàʼtə̀ nə zhi chùmtə̀ Fèzhə̀ endom echûŋve, pîza, ke va se kyiə andəm ə vəynke, è və ke nə è lesə̂ kə ngɨŋ ə vəyn, kwàʼtè ə vəynze nə zhi chùmtə̀ Fèzhə̀ kwəynə va nâʼà eghɛ zhîzè.

Njə̂m 4:11

Ghɔnyì ghɨmə, kə ghàyn ə wâmnə̀ ghɛ əpighe kûmə̀ ə̀ ghɔnyì ə mɔ̀ʼɔghe ə ghàyn ə fètəyn. Ə̀ pofsə pi ndè zə ànyìə vəyn kɨ̀sə è saʼa vəyn, ə ze ə tyə̂nə̀ nə è pìə èghɛ epi nə zɛ kûmə̀ Èsaʼ fɨnə saʼa kepî Èsaʼ ətəyn. Ə wùə saʼa Saʼze, ə nyi mə è ndə̀mə̀ va saʼ ətəynze, è pɨlə pîə nə saʼ ətəynze kyi va ghɛ zhîze se nə̀yn è vəyn.

Njə̂m 4:17

Nyiəm, ə̀ ke pi ndè ghɛ echûŋ zɛ ə è kyi se nə̀yn ə tàʼa nə̀yn, ə ze ə nyi nə è və nə̀yn pi.

2 Pità 2:13

Zhə̀fè tə ndâʼà ghənə kèpî è ngəʼ nə zɨnə̀ ə ghənə tè fo sê ghɨə mɔ̀ʼɔ. Ghənə zɨə èfɔm ezhoghɛ ə ghənə nə̂ ghɛ ghɛ ə njà èwìyn ə̀ ghənə̂ kyiŋə atɛ ə chwîkè. Ghɛ zɛ ə ghənə nə̂ nyi èghomə̂zè, ghənə e nyi kə ndi èpi ə ghàyn ə fètəyn. Shîŋə̀ kɛ ə ghənə tsɨsə se zhi ghâyn ghə̀ ghənə, ghənə e zɨə èfɔm ezhoghɛ ə ghənə lesə̂ ghàyn.

1 Njɔyn 1:8

Ə ghâsènì piə nə ghâsènì kyi va fɨ̂atə̀ fə pife ə ghâsènì endam, ə ghâsènì ə lesə̂ kə sèngɨŋ sə ghasènìse, səmɔʼ e va ə ghâsènì ətəm.

1 Njɔyn 2:3

Ə ghâsènì ndə̀mə̀ lwɔ̂ŋ ə Fezhə̀vè, ə zə nyi səmɔʼ nə ghâsènì nyîə ke Fəynfe.

1 Njɔyn 3:7

Ghɔyn ghɨmə, Kə ghàyn za nə wùə lese ghàyn. Nâʼàpî ndè vɛ ə è nə̀ ghɛ zɛ ə ze nyi chichi, è nyi chichi kè kə Klâys nyi chichi.

3 Njɔyn 1:11

Kə ò tə səyne èghɛ epi ə soyn vɨm ve èkɔ̂ŋ, ò pɨlə səynə kə ze chûŋzè. Nâʼàpî ndè vɛ ə è nə̂ ghɛ e chuŋè nyi vayn sê Zhə̀fè. Vɛ ə è nə̂ ghɛ ə pighe ke va Zhə̀fè.

Etyə̂yn ə paynsêzè 12:9

Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.

Etyə̂yn ə paynsêzè 22:7

Njisə̀s ə pìə nə, “Ghàyn zɨte, M kwuʼə̀ pə̂ kə zôyn! Saŋnêzè nyì sê nâʼàpî ndè vɛ ə è ndə̀m ghɛ ghɛ ə ŋwàʼlè zɨ̀nə tsàyn nə ze nə̀ kyânə̀.”