Njə̂m 1:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Ghàyn tɔʼ zɨte zɨnə ə ghɔnyì ghɨm ghe chûŋə̀: Ə nâʼàpî ndè ə tɔ̂ʼɔ̀ ndə̂mə̀ àtu se zɨtê, ko kyîə èwiyn ə vəynve se wàmnè, fɨnə ko kyîə èwiyn ə vəynve se nyɔ̀ʼsè etɔŋ.

Njə̂m 1:19 ပူးပေါင်းရင်းမြစ်များ

Matyò 5:22

Pîza, zôyn m tsâ sê ghàyn nə: ə nyɔ̀ʼsə̀ pi ndè tɔŋ sê ànyìə vəyn, ə tə pəyn è vəyn sê saʼe. Ə tɔŋte pîndè ànyìə vəyn nə, “Ò tsɔ̀fə kə eshi sə ndô!” Ə tə ndu è vəyn ashi əghɨ̀e saʼake. Ə tɔŋtə̂ pî ndè ànyì nə, “Ngô afɨake!” Ə zə pofə nə è nə̀ ndûə elùʼ ewùs.

Ŋwàʼlè ə̀ Mâk 12:37

Ə Ndàfît è ngɨŋə̂ vəyn tɔŋtə Vəyn nə Pɛ̂pɛ, ə Vɛ ə Zhə̀fè chɔʼ ndə̂m ə sè nyi zàyn vâyn ètɔ̀ŋ ə ndɛ ə̀ Ndàfît ə?” Nɔ̂yn əghɨ̀kè e zɨtə̂ sê Njisə̀s è saŋnêzè.

Ŋwàʼlè ə̀ Mâk 2:2

ə ndùə zùŋtə̀ fumə ə ndɛ tsɨ̂ə kə nyi, luʼve fɨyn va ə ndɛ nâʼàpî echo ndɛ se tyə̂m, è ve ndâʼà èghɛ ə Fezhə̀zè sê ghənə.

Tom èchùŋ kè kə Lûk tè nyaʼ 15:1

Tuʼfîfe, ghɨ ghɛ ə ghənə tè tənə tâksè yî ghɨ epi əmɔ̀ʼɔ ə tsɨ̀yntə̀ ə̀kɨ̂m sè ndùə kə ə Njisə̀s ə ngwùŋ, kyiŋə se zɨtə̂ ezaʼlê ə vəynze.

Tom èchùŋ kè kə Lûk tè nyaʼ 19:48

pîza ə tàʼa fe eghɛ zɛ ə kə ghənə tsɛ̀ epam ətəyn se ko vəyn kûmə̀ nə ghɨ tè zɨə kə eghɛ zɛ ə è pi.

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ətefɨ̂aʼ 10:33

Mə ke tiynsə̂ tom kè ashìŋə̀ nə kɛ nə ə pəyn ghò, ò vɛ o nə̀yn achûŋ ə pə̀. Zôyn se nyi, ghâsènì e tsɨ̂yntè nyi ke ə Zhə̀fè əshi, lɨmtə̂ se zɨə əghɛ ə̀kɨ̂m ghɛ ə Pɛ̂pɛ Zhə̀fè pi nə ò tsayn sê ghàs.”

Ətefɨ̂aʼ 13:48

Kə ghɨ ghɛ ə̀ tè vachi ə̀ghɨ ə Njûsghè zɨ ghɛ ətəynze, saŋnə̂ nâʼà sə ŋaŋ, tsîtə̀ tom ə̀ Fèzhə̀. Ghɨ etsɨəghe ə pomə sê Pɛ̂pɛ Njisə̀s, ə̀ nyi ghɛ ə Zhə̀fè chitê nə ghənə kyi ndam zɛ ə ze tə mîə va.

Ətefɨ̂aʼ 17:11

Ghɨ ghɛ ə ghe tè nyi fu tè nyi əghɨ, kɔ̂ŋɔ̀ se zɨtə eghɛ tsɛ̂ ə̀ghɨ ə Tèsàlonikà. Ghənə tè kɔ̂ŋɔ̀ nâʼà àchûŋ se zɨtə tom èchùŋ ə faŋa sè tɔŋɔ ə̀ghɛ ə Ŋwàʼlè ə̀ Fèzhə̀ kè tûʼmè m̀kɨ̂m kyiŋə se fe nə ghɛ ghɛ ə Pɔ̂l tè ndàʼa tè nyì səmɔʼ ə.

Ətefɨ̂aʼ 2:42

Ghənə ə fɨnə fo sèngɨŋ sə ghənə̂sè sə̂ zɨtə̂ ə̀ghɛ ghɛ ə ghɨətom ə Njisə̀sghè tè zaʼlə. Ghənə tè nyì sə eghɛ èmɔ̀ʼ yîghə̀ ghɨ pomə ə Klâysghè. Ghənə əkɨ̂m tè tsə̂mə̀ fɨnə zhiə kɨŋnə̂ luʼve mɔ̀ʼ.

Ɛfesùs 4:26

Ə ghɛze zafə wùə, kə è nəyn pi. Kə ghɛ tə zaf, ə è nə̂ nyiŋə è zəynze ə vəyn endwɔ̀.

Ɛfesùs 4:31

Ghàyn maʼa kwàʼtè epi nâʼà èkɨ̂m, è tɔŋ ezafəve è zɔ̂zè, è ndise, nâʼàpî èpof èkèze.

Kòlosè 3:15

Klâys ə nə̀yn ghàyn e nyi è pɔ̂ynè è ngɨŋ saynse. Nyiəmə, pɔ̂ynè nə zɛ mə kyi sə̂ chisə̂ nâʼàpî èghɛ èkè zɛ ə ghàyn nə̀. Ghàyn kyi sə̂ fo àzɔ̀ŋnè se Zhə̀fè shîŋə̀ tekɨ̂m.

Kòlosè 3:8

Pîza zôyn ghàyn kyi se zamàʼà əghɛ kə, etɔŋ enyɔʼsəve, è kɔ̂ŋzè se nə pofsê, è pâynzè, kə ghàyn ə soylə ghɨghe, pî nə wâmnè eliŋze fɨ ə ghàyn echo.

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

Njə̂m 1:16

Kə wùə tə lese ghàyn ə ghɔnyì ghɨmghe kɔ̀ŋghè.

Njə̂m 1:2

Ghɔnyì ghɨm ghe poməghe, ghàyn e saŋnə̂ nâʼà sə ŋaŋ, ezhoghɛ ə kyì tə temɔ̀mtè pə̀yn ə ghàyn endom,

Njə̂m 1:26

Ə wùə kwàʼtə̀ nə zhi chùmtə̀ Fèzhə̀ endom echûŋve, pîza, ke va se kyiə andəm ə vəynke, è və ke nə è lesə̂ kə ngɨŋ ə vəyn, kwàʼtè ə vəynze nə zhi chùmtə̀ Fèzhə̀ kwəynə va nâʼà eghɛ zhîzè.

Njə̂m 2:1

Ghɔnyì ghɨmə, ghàyn kə ghɨ pomə sê Pɛ̂pɛə ghâsènì Njisə̀s Klâys vɛ ə è kyi pomsêzè kyi va sə̂ kɔ̂ŋə̀ wùə ə̀mɔ̀ʼɔ̂, pânə̀ və mɔʼɔ̂.

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

Njə̂m 3:10

Ə tsɨ̂tə̀ Fèzhə̀ è ndəmke fɨnə sôylə̀ kəpî ə̀ghɨ è kəynke. E kyi va sə̂ nyi za ə ghɔnyì ghɨmə.

Njə̂m 4:11

Ghɔnyì ghɨmə, kə ghàyn ə wâmnə̀ ghɛ əpighe kûmə̀ ə̀ ghɔnyì ə mɔ̀ʼɔghe ə ghàyn ə fètəyn. Ə̀ pofsə pi ndè zə ànyìə vəyn kɨ̀sə è saʼa vəyn, ə ze ə tyə̂nə̀ nə è pìə èghɛ epi nə zɛ kûmə̀ Èsaʼ fɨnə saʼa kepî Èsaʼ ətəyn. Ə wùə saʼa Saʼze, ə nyi mə è ndə̀mə̀ va saʼ ətəynze, è pɨlə pîə nə saʼ ətəynze kyi va ghɛ zhîze se nə̀yn è vəyn.

Njə̂m 5:12

Ghɔnyì ghɨmə, ghɛ eghaʼâzè ətəyn nyi nə, kə ghàyn tə kayn ezə ekwùtwəynze, kɨ̀sə achi, kɨsè nâʼàpî àfɨa kyîke. Ghɛ zɛ ə ghàyn kyi se pì kwùʼ nyi ke nə, “Èyn” ə̀ puzâ, “Ngaŋngaŋ” kə ə tə tàʼa pi nə o nə̀yn pofsê.

Njə̂m 5:19

Ghɔnyì ghɨmə, ə wùə sê ghàyn ndò zâ səmɔʼ, wùə ə̀ mɔʼɔ ə kɛsə̂ pə̂ è vəyn,

1 Njɔyn 2:21

M nyâʼà va ghɛ ghɨynə̀ sê ghàyn kûmə̀ nə ghàyn ke va ghɛ zɛ ə ze nyi səmɔʼ, pîza m pɨlə nyâʼà kûmə̀ nə ghàyn nyi ə̀ ke ghəynghe, ke kepî nə kaŋke vayn kàʼa ə ke fɨ pəyn ə tə̂ səmɔʼ.