Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Njə̂m 1:18 - Ŋwàʼlè ə̀ Fèzhə̀ Mkâyn Mə̂ Fèm

18 Ə tè chɔʼne vəyn nə ə piə ghâsènì tɔynə̂ ə tom ə̀ səmɔʼ kə ghâsènì kyi luʼ əshive ə fètəyn èfɨa èkɨ̂m vɛ ə è tè pom.

အခန်းကိုကြည့်ပါ။ ကော်ပီ




Njə̂m 1:18
24 ပူးပေါင်းရင်းမြစ်များ  

Ghənə tè pâʼà pə̀yn chi ghɔ Fezhə̀ endom vɛ ə wùə èwàmnə piə vayn ətəyn, kə ə̀ nyi ə̀ghɔ pɨ̀a wùə m̀sɔ̀ŋə; Zhə̀fè è ngɨŋə̂ Vəyn tè nyi pɨ̀a ə̀ ghənə̂.


Ə nyàʼ ə Ŋwàʼlè ə Fèzhə̀ nə Zhə̀fè tè pì sê Aplàghâm nə, “Mə nə̀yn nə o nyi pɨ̀a sê ndaʼà tekɨ̂m.” Nyiəmə Aplàghâm pɨ̀a ghâsènì ə Zhə̀fè əshi. Zhə̀ fɛ ə Aplàghâm pomə nyi Fezhə̀ fɛ ə Fe fo ndamze sê ghɨ ghɛ ə nyi mə ə kwu, ə̀ nyi Fəynfe ə Fe pîə ghɛze mə ze va, ze ə kyànə̀.


Ə nyì pî nə ghàyn kyi əghɨ ghe tsɨ̂ə nâʼà pi zàyn se chwìtè əghɛ kûmə̀ Klâys se ghàyn, ghàyn e ke tso nə ghàyn kyi ke pɨ̀a emɔ̀ʼ. Ə ghàyn endam kə əghɨ ə poməghe se Klâys Njisə̀s, m nyi pɨ̀a sê ghàyn tɔynə̂ ə tom èchùŋ zɛ ə m tè zaʼle ghàyn ətəyn.


Zhə̀fè ə fo tyaʼa sê ghàs, ghàs e ndàʼà kə èghɛ zɛ ə ze nyi səmɔʼ sê ghɨghe. Fɨa eghɔ̀ŋ vɛ ə ghàs nô è vəyn fɨnə kɨ̂ŋtə̀ sèngɨŋ sasse ətəyn nyi tendom tə chichite.


Fe chɔʼ nyi kə ghàs ghɛ ə tè pomə Klâys sə shi nə tsîtə̀ Fèzhə̀ kûmə̀ èpomsê zɛ ə Fe kyi.


Zhə̀fè ə fi kepî ghàyn ghɨ Ɛfesùsghè ə sɔ̀zâ ghàyn tɔynə̂ ə Klâys kə ghàyn zɨ tom è chùŋ zɛ ə è nyi səmɔʼ ə pomə. Ə̀ tè nyi kə ghàyn pomə, Fə chwìə ghàyn è Zuʼse Ŋwaʼa sɛ ə Fe tè tsɨ̀ne,


Mɔ̀mse nâʼà è tyaʼa se nə̀yn nə Zhə̀fè fe nə ò nyi wùə èfɨ̀aʼa vɛ ə è ghomə va sə̂ nə̂ èfɨ̂aʼ ə vəynze, fɨnə zaʼlə kə səmɔʼ zɛ ə è nyi ə Vəyn ə tom èchùŋ.


Ghàyn ə pə̀yn elùʼ azhi əghɨ ghɛ ə ghe nyi kə ghɔ Fezhə̀ ghə shighe, ə ghɨ ghɛ ə nyi mə nyàʼ zə ghənə̂ghè ekwùtwəyn. Ghàyn ə pə̀yn ə Zhə̀fè ə shi Fɛ ə fe saʼa ghɨghə əkɨ̂m è kɨsè nə ghàyn ə pə̀yn se ghɨə chûŋ ghɛ ə tè kwu pîza Zhə̀fè ə nə̀ nə ghənə ə nyi chichi.


Zamə kwaʼtè ə ghâsènì ze pize fo ghâsènì èkɔ̂ŋzè se nə pi, mə shîŋə̀ kɛ ə pi lote ndəmə kwəyn, è zə pə̀ èkwuze.


E za tyə̀nə̀ nə ghàyn kyi se mâʼà endam nyələze è kɨsè ndam epofze. Ghàyn tsose ngɨŋ saynse ə ghàyn pomə tom zɛ ə Zhə̀fè nyi mə fe ə ndə̀m ə ghàyn ətəm kûmə̀ nə tom ə̀təyn nyi kàʼa è sɔza ghàyn.


Pîza ə nyi mə ə ghàyn ətəm nyi mə lwiyn ke kàyntè aghə̀ʼ, è muze, kə wùə sê ghàyn nə ndə̂tè səmɔʼ ə è və pfɨ̂nə̀ àngàŋtè pîə nə zhi nyîə kyi ètɔf eghaʼazè.


E kyi sə̂ nyi nyî kûmə̀ nə ə kɛse pîə ghàyn kə ghɔyn ə ghɨ̀ msɔ̀ŋghe ə ghe kwuə, pîza sê Zhə̀ fɛ ə fe kwuə va.


Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,


Nâʼàpî ndè vɛ ə è nyi Va Fèzhə̀ nə̀ va pi, kûmə̀ nə ghənə nyiə kyi ètsɨsə̂ Fezhə̀zè. Ghənə e va se nə̂ pi kûmə̀ nə ghənə nyi əghɔ Fezhə̀ghè.


Ə̀ ghɨnə nyi ə ndômnè ghɛ ə ghe tè ndəm ngɨŋ sə ghənə̂sè sə̂ nyɨ̂ŋə̀ va è zəynghe, ə faŋə kə zamə è zə ghənə̂zè. Ə̀ nyi ghənə ə tè chùmtə Va Ndzè nâʼàpî ghayn kə è tè nduə. Zhə̀fè ə tə zhɔyn fɨsê tu ə ghənə̂vè ə fètə̂ ə̀ghɨ̀ msɔ̀ŋghe ə chi, ə fo ghənə kə m̀tam mə shîəm sê Zhə̀fè è Vâ Ndzè.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ