Ə nyì pî nə ghàyn kyi əghɨ ghe tsɨ̂ə nâʼà pi zàyn se chwìtè əghɛ kûmə̀ Klâys se ghàyn, ghàyn e ke tso nə ghàyn kyi ke pɨ̀a emɔ̀ʼ. Ə ghàyn endam kə əghɨ ə poməghe se Klâys Njisə̀s, m nyi pɨ̀a sê ghàyn tɔynə̂ ə tom èchùŋ zɛ ə m tè zaʼle ghàyn ətəyn.
Mɔ̀mse nâʼà è tyaʼa se nə̀yn nə Zhə̀fè fe nə ò nyi wùə èfɨ̀aʼa vɛ ə è ghomə va sə̂ nə̂ èfɨ̂aʼ ə vəynze, fɨnə zaʼlə kə səmɔʼ zɛ ə è nyi ə Vəyn ə tom èchùŋ.
E za tyə̀nə̀ nə ghàyn kyi se mâʼà endam nyələze è kɨsè ndam epofze. Ghàyn tsose ngɨŋ saynse ə ghàyn pomə tom zɛ ə Zhə̀fè nyi mə fe ə ndə̀m ə ghàyn ətəm kûmə̀ nə tom ə̀təyn nyi kàʼa è sɔza ghàyn.
Pîza ə nyi mə ə ghàyn ətəm nyi mə lwiyn ke kàyntè aghə̀ʼ, è muze, kə wùə sê ghàyn nə ndə̂tè səmɔʼ ə è və pfɨ̂nə̀ àngàŋtè pîə nə zhi nyîə kyi ètɔf eghaʼazè.