Njə̂m 1:12 - Ŋwàʼlè ə̀ Fèzhə̀ Mkâyn Mə̂ Fèm

¹² Saŋnêzè nyì sê ghɨ ghɛ ə ghe wəynsə wiynve ə ghənə epomə̂ etyə̂ èmɔ̀m, kûmə̀ nə ghənə tsɨ̂yn mə ə tsɛ̀ mɔ̂m ətəynze, ə ghənə fi mâʼteze mə nyi endam zɛ ə ze tə mîə va ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

Njə̂m 1:12 ပူးပေါင်းရင်းမြစ်များ

Matyò 10:22

Ghɨghə əkɨ̂m tə pânə̀ ghàyn ə mì ezə. Pîza mə ə kol pîndè təmə se nduə tàyn ə mɨ̀se ə è tə kyî èzɔzaze.

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Tom èchùŋ kè kə Lûk tè nyaʼ 6:22

Chùŋ nyi sê ghàyn ezhoghɛ ghɨ pânə̀ ghàyn, chûmə̀ ghàyn ə etsɨ̀ynte, sôylə̀ ghàyn fɨnə pofsə̂ əzə ghaynghe kè kûmə̀ kə Va Wùə.

Ŋwàʼlè ə̀ Pɔ̂l sê ghɨə Lûmghè 5:4

Kol ətəmze nə̂ ndò ghâsènì e kyi ètsɨsə̂ zɛ ə Zhə̀fè kyiŋə. Tsɨsə̂ nə zɨnə mə ə Zhə̀fè kyiŋə, ə̀ nyi zəynze ə ze nə̂yn ghâsènì e kyi èkwaʼtè nə Zhə̀fè tə nə̂ ndò ghɛ zɛ ə È pì nə È nə̀ nə̂ ndò se ghâsènì.

Ŋwàʼlè ə̀ Pɔ̂l sê ghɨə Lûmghè 8:28

Ghâsènì kendô nə nâʼà pi èghɛ èkè zɛ ə ze kyâynə̀, Zhə̀fè nə̀ zəynze sə chùŋ ə̀ghɨ̀ ghɛ ə kɔ̂ŋə̀ Fəynfe. Ə ghənə ghɛ è nyi mə È və tɔŋɔ nə ə nəyn kə È kyiŋə.

1 Kɔlìŋ 2:9

Pîza kè kə nyâʼ ə ŋwàʼlè ə Fezhə̀ nə: “Ghɛ zɛ wùə tàʼa tyəmə fe, Pî se tyəmə zɨ, Ghɛ zɛ ə wùə tàʼa tyəmə kwàʼtè nə ze kaʼa ə ze kyayn ə̀ nyi zəynze ə Zhə̀fè nyi mə fə pɨaʼtê sê ghɨ ghɛ ə ghe kɔ̂ŋɔ̀ Vəyn.”

1 Kɔlìŋ 8:3

Pîza mə wùə kɔ̂ŋɔ̀ Zhə̀fè, ə Zhə̀fè ə ke vəyn.

1 Kɔlìŋ 9:25

Wùə ènyɨŋə vɛ ə è nə̀ fɨ̂aʼ ə vəynze kyi sə̂ chûmtə̀ elwɔ̂ŋ enyɨŋəve. Ghənə nə̂ e nə̂ za se kyi emaʼte, ve va se ndamə faŋ, pîza ghâsènì nə̀ e nyi se kyî emaʼte vɛ ə ve tə ndamə faŋə.

2 Timotì 2:15

Mɔ̀mse nâʼà è tyaʼa se nə̀yn nə Zhə̀fè fe nə ò nyi wùə èfɨ̀aʼa vɛ ə è ghomə va sə̂ nə̂ èfɨ̂aʼ ə vəynze, fɨnə zaʼlə kə səmɔʼ zɛ ə è nyi ə Vəyn ə tom èchùŋ.

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

Ipilù 10:32

Ghàyn kɛse kwàʼtè m̀tuʼ me pàmə̂ kə ghàyn tè pomə Zhə̀fè sə shi ətəyn, ghàyn ə tə zɨ tsôs te tsɨəte pîza wəynsə̂ kə ndò.

Ipilù 11:17

Ə̀ tè nyi ekyî epomə̂ zɛ ə Aplàghâm tè kyi sê Zhə̀fè, ə ze tè nəyn nə è fo vâ vəyn Azɨ̀k sə efo ashìŋə̀ kɛ ə Zhə̀fè tè mom vəyn. Vəyn vɛ ə è tè nyi mə è və pomə̂ tsɨnè tə Fezhətè, tè nyi epɨaʼtêzè se fo va vəyn ə è tè kyi ke èmɔ̀ʼ sə efo sê Zhə̀fè,

Ipilù 12:5

Kə ghàyn lɛse wàmnè zɛ ə Zhə̀fè tè wàmne se tɨ̀msə ghàyn kə əghɔ vəynghe. Wâmnè ətəyn tè nyi nə: “Vayn vɨ̂m, ə Pɛ̂pɛ piə ə è chwìtə̀ ghò, ò tɔ̀ʼɔ̀ zɨtə̂. Ə è piə pusə ghò kə Pɛ̂, kə ò zɨə àpi,

Ipilù 6:15

Aplàghâm ə tə kol təmghe təm lɨmtə̂, nyiəmə, è və kyîə àfɨa kɛ ə Zhə̀fè tè tsɨ̀ne se tə fo sê vəyn.

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

Njə̂m 5:11

Ghàyn ke ndô nə ghàs njìə ə̀ghɨ ghɛ ə ghənə wəynsə wiynve nə Zhə̀fè ə pɔsê ghənə. Ghàyn ə tə zɨ kûmə̀ èwəynsê ewìyn ə Njopzè kə è tè wəynse, ghàyn ghɛ ə fe ghɛ zɛ ə Zhə̀fè tè nə̀yn sê vəyn ə kwùŋse, kûmə̀ nə Pɛ̂pɛ nyîə kosə̂ èsəyn, nə̂ chùŋ.

1 Pità 3:14

Pîza ə ghàyn fe ngəʼ kûmə̀ nə ghàyn nə̀ ə̀ghɛ chichi, ə Zhə̀fè pɔse ghàyn. Ə nyàʼ ə Ŋwàʼlè ə̀ Fèzhə̀ nə, “Kə ghàyn ə fânə̀ ə̀ghɨ ghɛ ə ghe nə̂ ghɛghe se nə̀yn nə ghàyn ə fânə̀ èghɛ zɛ ə ghənə kaʼa nəyn sê ghàyn. Kə ndɨmke ə tsɛ̂ ghàyn.”

1 Pità 4:13

Ghàyn e pɨlə saŋnə̂ nə ghàyn pɔŋɔ fe ngəʼ kèpi kə Klâys kə è tə pî è kɛsə̂ pə̂ endom ekayntə vîve, ə ghàyn ə saŋnə̂ nâʼà sə ŋaŋ.

1 Pità 4:14

Ə ghɨ sôylə̀ ghàyn kûmə̀ nə ghàyn nyi sechùmtè sə Klaysè, ghàyn e saŋnə kə ndò kûmə̀ nə zɨ̂nə mə tyə̂nə̀ nə Zuʼsə Fezhə̀ sɛ ə se kyi tyaʼke nyîə nyi è ghàyn.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

1 Pità 5:4

Ə ghàyn nəyn nyi, ə wùə vɛ ə è nyi tu ə sengyəynke tə kɛse pəyn pi etuʼ èkwə̀, ə è ndaʼ ghàyn è fɔ ə tefɔ̀yn ə kayntəke mə ke tə ndamə faŋə.

1 Njɔyn 4:19

Ghâsènì kɔ̀ŋə̀ sèngɨŋ sə ghasènìse kûmə̀ nə Zhə̀fè ə tə kɔ̀ŋ ghâsènì sə shi.

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.

Etyə̂yn ə paynsêzè 3:19

M zɔ̂ se ghɨ ghɛ ə m kɔ̂ŋə̀ fɨnə pɔynsə̂ ə̀ghɨ ghɛ ə m kɔ̂ŋə̀ ghənə. Ndwìse wiynve ə kwiynə̂ ə̀təm ghɛghe pighe.

Etyə̂yn ə paynsêzè 3:21

Ə̀ nò zhi pîndè, ə m fo vəyn è tyaʼke nə è tsɨsə ə mì etipì, ə mì ə fekyə̀ fə efɔ̀ynfè. Kè kə M se nyi mə mə nò ə zhiə sè tsɨs zôyn ə Pɨ̀a vɨ̂mvè etipì, ə Vəyn elùʼ efɔ̀yn.