Ŋwàʼlè ə̀ Mâk 9:50 - Ŋwàʼlè ə̀ Fèzhə̀ Mkâyn Mə̂ Fèm

⁵⁰ Ngwaŋfe nyîə tsɔ̂fə̀, pîza mə ezhoghɛ fe sè fɨnə tɔfə va, ə ò ghayn ghe è fəynfe nə fe ə fɨnə tɔfə? Ghàyn e kyi fèngwaŋ ə ghàyn ewìyn. Nâʼàpî ndè e ndamə èndam ə pɔ̂ynèzè yî ànyìə vəyn.”

Ŋwàʼlè ə̀ Mâk 9:50 ပူးပေါင်းရင်းမြစ်များ

Matyò 5:13

Ghàyn nyiə kɔʼnə̂ sê ndam tə ghɨ̀tè ə mbi kè kə ngwaŋfe kɔʼnə se fɨazhiəve. Mə ə tɔfə fengwaŋ mî, ə kaʼa nəyn zayn nə fə fɨnə tɔfə? Ə fə fɨnə tsɔ̂fə̀ va sê ghɛ zhîze, ə̀ tsɛ̂ kə va nə ə sɨs mâʼà, ə ghɨə tsə̂yle.

Ŋwàʼlè ə̀ Mâk 9:34

Pîza ghənə kɨmə̂ kə mɔŋ kûmə̀ nə ə tè nyi endom saʼne ze nyi nə, ə nyi ndè wùə vɛ ə è ngaŋtə tsɛ̂ ə ghənə əfètəyn ə?

Ŋwàʼlè ə̀ Mâk 9:49

Kûmə̀ nə ngwaŋ fɛ ə tè fɛte nâʼàpî ndè ətəyn tə pə̂ ə nyi ke ewus.

Ŋwàʼlè ə̀ Pɔ̂l sê ghɨə Lûmghè 12:18

Ghàyn mɔmse nâʼà è tyaʼa sə̂ ndamə èpɔynè ghayn ghɨ ghəkɨ̂m.

2 Kolìŋ 13:11

Se kwùŋsè ə ghɔnyì ghɨmə, m pìə nə, ghàyn faŋ ke àchûŋ. Ghàyn mɔmse se ndam mə ləʼke va ə ghàyn endam. Ghàyn fɛte ndəm èghɛ zɛ m pî. Ghàyn e ndamə kə sə eghɛ èmɔ̀ʼ, ndamə è pɔ̂ynè. Ə Zhə̀ fɛ ə fe fo kɔ̂ŋzè è pɔ̂ynè ə nyi ghâyn ghə̀ ghənə.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ɛfesùs 4:29

Kə ghɛ epi tə fɨ ə wùə echo. Ghàyn e pɨlə pìə kə ə̀ghɛ ghɛ ə ghe kaʼa ghe tsamte ghɨ ghɛ ə ghe kyi fɨmsê kə ə̀ nə zɨə pî ndè wâmnè zaynze, è və zhiə èghɛ.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Kòlosè 3:12

Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

Kòlosè 4:6

Wâmnè zaynze kyi sə̂ pɔynə̂ fɨnə fɔmə, ə ghàyn ə ke kepî èndom echûŋ vɛ ə ghàyn kàʼa fo pə̂ynse echûŋzè ətəyn se nâʼàpî ndè.

1 Tèsàlonikà 5:13

Ghàyn e ngɨmnə̂ ghənə nâʼà àchûŋ fɨnə kɔ̂ŋɔ̀ ghənə kûmə̀ àfɨaʼ kɛ ə ghənə fɨaʼà. Ə pɔ̂ynè ə nyi ə ghàyn ə fètəyn shîŋə̀ tekɨ̂m.

2 Timotì 2:22

Tə kɛse epàm mə̂ èwìyn etɨmə vɛ ə ngwàʼà ə̀ wùə kyi ə mɔ̀msə̀ sə̂ nyi chichi, ə kyîə èkyî epomə̂zè sê Klâys, kɔ̂ŋɔ̀ ə̀ghɨ, fɨnə ndamə è pɔ̂ynè. Ò nə̂ ə̀ghɛ nə ghɨyn nâʼà ə̀kɨ̂m ghayn ghɨ ghɛ ə ghe tsə̂mə̀ sê Pɛ̂pɛ è təm ə zoghe.

Ipilù 12:14

Ghàyn mɔmse nâʼà è tyaʼke sə̂ ndamə è pɔ̂ynè ghayn ghɨghə ə̀kɨ̂m fɨnə mɔ̀msə̀ nâʼà è tyaʼa sə̂ nyi è ŋwâʼzè kûmə̀ nə ə wùə va è ŋwâʼzè ə vəyn endam, ə è tə tàʼa fe Pɛ̂pɛ.

Njə̂m 1:20

Shîŋə̀ kɛ ə wùə m̀sɔŋ kyi tɔŋ ezafsəve, è vayn kàʼa è və nyi chichi endom vɛ ə Zhə̀fè kyiŋə.

1 Pità 3:8

Se kwùŋsè, ghàyn e tsɨ̂yntè kyi ke èkwâʼtè èmɔ̀ʼ, kosə̂ èsəyn, kɔ̂ŋɔ̀ sèngɨŋ saynse, kyi ə̀təm əchûŋə̀ fɨyn kyi va ghaŋsê ewìynze.