Ŋwàʼlè ə̀ Mâk 9:35 - Ŋwàʼlè ə̀ Fèzhə̀ Mkâyn Mə̂ Fèm

³⁵ Njisə̀s ə tsɨsə̂ ə chi ə pîə sê chùmtè èpàm sə vəynse nə sɛ njòse pɛ̀ nə se kɨŋtə pə̀yn paʼsê sê vəyn. Ə pə̀ kə ghənə kɨ̀ŋte paʼse pə̂yn, è və pìə sê ghənə nə, “Naʼapi ndè vɛ è kɔ̂ŋɔ̀ sə̂ nyi əshi kyi se ndə̀mə ngɨŋ ə vəyn èpàm ə ghɨ̀ ə̀kɨ̂m, sə fɨyn nyi wùə èfɨ̀aʼa se ghɨghe əkɨ̂m.”

Ŋwàʼlè ə̀ Mâk 9:35 ပူးပေါင်းရင်းမြစ်များ

Matyò 23:11

Wùə vɛ è ngaŋte tsɛ nâʼàpi ndè ə ghàyn əfètəyn kyi sə̂ nyi wùə èfɨ̀aʼa vâynvè.

Ŋwàʼlè ə̀ Mâk 9:36

Kə è wàmnè zâ, ə shìyntə̀ vâyn èpɔ, ə tɔmə ə ghənə əshi ə fɨnə tolə va ətəyn, ə ke pì sê ghənə nə,

Tom èchùŋ kè kə Lûk tè nyaʼ 18:14

M pîə sê ghàyn nə wùə nə vɛ tè fɨ ə piə è kwɨlə̂ tânə̀ ə və ndɛ kè mə Zhə̀fè ə kəʼsê pisə vəynse, pîza ə tàʼa kəʼsê ə sepi sə wùə ə̀ Falàsî sɛ. Nâʼàpî ndè vɛ ə è kɔʼsə ngɨŋ ə vəyn ekwùtwəyn, Zhə̀fè nə̀ tsosə̂ vəyn ə chi, ə naʼapi ndè vɛ ə è nji ngɨŋ ə vəyn ə chi, ə Zhə̀fè nə̂ kɔʼsə vəyn ekwùtwəyn.”

Tom èchùŋ kè kə Lûk tè nyaʼ 22:26

Ze va sə̂ nyi za se ghàyn. Wùə e ngaŋtə ə ghàyn əfètəyn e kyi sə nyi kə wùə vɛ e tətə kwûŋsə̀, vɛ e nyi atu e pɨl nyi sə̂ nyi sə wùə ə fɨaʼa se ghàyn.

Njə̂m 4:6

Pîza fùʼ kɛ ə Zhə̀fè fo nyîə tɛ tsɛ̂ kè kə nyâʼ ə Ŋwàʼlè ə̀ Fèzhə̀ nə, “Zhə̀fè nyiə njîə tsosə̂ ə̀ghɨ ghɛ ə ghe ghaŋsə wiynve, pîza fo àfùʼ ə vəynke sê ghɨ ghɛ ə ghe njîə tsosə pə̂ ngɨŋsə ghənə̂sè əchi.”