Ŋwàʼlè ə̀ Mâk 9:2 - Ŋwàʼlè ə̀ Fèzhə̀ Mkâyn Mə̂ Fèm

² Epàmə m̀tuʼ mtufə, Njisə̀s ə njìə Pità è Njə̂m è Njɔyn yîghə̀ ghənə ə kɔʼɔ ndûə etûə pfɨ̀yn è ghaʼa zhîzè. Ə̀ tè nyi kə ghənə nyi fu. Kyâʼ ə Njisə̀szè ə pfɨ̀ŋə̀ kwiynə̂ kə ə chùmte èpàm sə vəynsə əshi.

Ŋwàʼlè ə̀ Mâk 9:2 ပူးပေါင်းရင်းမြစ်များ

Matyò 14:13

Kə Njisə̀s zɨ ghɛ zɛ ə ze kyâyn sê Njɔyn, È və njiə ə ngwùʼ ə ndò fumə, ə ndùə elùʼ mə è nyì ke və̂yn nɨŋ. Pîza kə nɔ̂ynkè tè zɨ nə Njisə̀s ə kàynè ndo əfètə̂ ngwùʼ èghaʼâ, ghənə ndò ə tɔ̂ŋ ə chùmtə̀ ndûə vəyn fumə è gholghe.

Ŋwàʼlè ə̀ Mâk 14:33

Njisə̀s ə njìə Pità yî Njə̂m, è Njɔyn yî ghənə ə ndùə əmɔʼ se tsə̀m. Ghɛghe ə zhə̀tə̀ sə̂ fo ngəʼ ə vəyn ekwâʼtè nâʼà sə ŋaŋ.

Ŋwàʼlè ə̀ Mâk 16:12

Njisə̀s ə nə̀ fɨnə tyə̂nə̀ ngɨŋə̂ vəyn sê ghɨə Vəyn ghe əpɛ̀ mə ghənə ndô fɨə pə̂ endaʼ. Pîza famə ashìŋə̀, È və chwìtə̀ ngɨŋə̂ Vəyn endom sə nɨŋ.

Ŋwàʼlè ə̀ Mâk 5:37

È və pìə è ndùə ə wùə ə̀təyn ə ndɛ ə njìə kə Pità yî Njə̂m, è Njɔyn ànyìə Njə̂m.

Tom èchùŋ kè kə Lûk tè nyaʼ 6:12

Njisə̀s ə kwɨlə̂ ə kɔʼɔ ə pfɨ̀yn tuʼfîfe ə pɨənə tsə̂mə̀ kə sê Zhə̀fè nyiə, tuʼve ə zo.

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

2 Kolìŋ 13:1

M pə̂ se fe ghàyn zôyn nə ə nyi tè shîŋə̀ tèta. Ŋwàʼlè ə Fèzhə̀ pi nə, ə wùə nyi se pì nə wùə ə nə̀yn pofsê ghɛze, ə tsɛ̀ èsaʼ ə vəyn ə nyi ə̀ghɨ ə̀pɛ̀ kɨ̀sə ə ta.

Filìpây 3:21

È tyaʼ ə Vəyn kɛ ə ke naynə ghɛghe əkɨ̂m, è tə kwiynə̂ àchaʼ ewìyn ə ghâsènì kɨ̂nə̀, ewiyn vɛ ə ve kyi va tyaʼke, kə ghâsènì tə kyi kàyntè èwìyn kè kə È tè kyi ashìŋə̀ kɛ ə Zhə̀fè tè zòmse Vəyn.

Etyə̂yn ə paynsêzè 20:11

Mə ke fe fekyə̀ fə efɔ̀yn fe eghâʼafè, fe fɨfə ndò è wùə vɛ ə è tsɨs ətəyn. Kwutwəyn e chike ə saŋə ə və shi, wùə vîvè ə tàʼa kɛsə tyəmə fe ghənə.