Ŋwàʼlè ə̀ Mâk 8:38 - Ŋwàʼlè ə̀ Fèzhə̀ Mkâyn Mə̂ Fèm

³⁸ Ə nâʼà pîndè vɛ è ghomə kûmə̀ mi è zaʼlê zɨme əghɨ mbighe əshi ghɛ ə pomə va Zhə̀fè, ə Vâ wùə tə pɔŋ ghomə̂ kûmə̀ vəyn ezhoghɛ è kɛse pə̂yn əfètə̂ èpomsê ə Pɨ̀a vəynze yî tsì sə vəynse ŋwaʼase.”

Ŋwàʼlè ə̀ Mâk 8:38 ပူးပေါင်းရင်းမြစ်များ

Matyò 12:39

Pîza Njisə̀s ə pə̀ynsə̀ nə, “Ə̀ nyi ke ngwàʼ e pi nyi kə zɨ̀nə̀ ə è fànə va Zhə̀fè ə è kàʼa e zə pfɨfə chwìə. Pîza è nə̀ fe va chwìə zhîzè, ə̀ tsɛ̂ kə va chwìə èghɛ ekayntə fɨ̀aʼtè Njonà.

Matyò 13:41

Va wùə tə tomə sètsì sə vəynse nə se nji fɨsê ə̀ghɨ ghɛ ə ghe nə̂ nə ghɨghə nə̂ pi è ghɨ mɔ̀ʼɔ ghɛ ghe nə̂ pi.

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

Matyò 16:28

M pîə sê ghàyn səmɔʼ nə, ghɨ yiə nyi fâyn mə tə kwu va, ə̀ tsɛ̂ kə va mə ghənə ə fe Vâ wùə è pə̂ è fɔ̂yn ə vəynze ə chi.”

Matyò 16:4

E pofə zàyn sê ngwàʼ zɨnə fa fetuʼ! Ghàyn kɔ̀ŋə̀ va se zɨtê se Zhə̀fè, Ghàyn pfɨfə chwìə èghɛ ekayntəze. Pîza ghàyn nə̀ fe va zə̂ynzè ètsɛ̂ kə va chwìə èghɛ ekayntə ə fɨ̀aʼtè Njonàzè.” È və zà ghənə ə ndò.

Matyò 24:30

Epàm ətəyn, ə chwìə epə̂ ə Vâ wùəzè fɨ ekwùtwəyn, əghɨ tèndâʼà tə mbite nâʼà tèkɨ̂m ə nuŋnə̂ chîə è fâynzè ashìŋə̀ kɛ ghənə fe Vâ wùə, e tso pə̀ etuə sèmbàʼ ekwùtwəyn, kyi àtyaʼ epomsê eghaʼâzè.

Matyò 25:31

Njisə̀s ə pìə kwəynsə̂ nə, “Vâ wùə tə pə̂ kə fɔ̀yn è tsì sekɨ̂m yî vəyn, ə è tsɨsə ə fèkyə̂ fə efɔ̀ynfè se saʼa əghɨ.

Matyò 26:64

Njisə̀s ə pə̀ynsə̀ vəyn nə, “Kè kə ò pì, pîza m tsâ sê ghàyn əkɨ̂m nə, se zhə̀tə ndù zôyn se ndù əshi, ghàyn tə fe Vâ Wùə ə è və tsɨs ə ekɔyn etwɔ ə pɛ̀ ètwɔʼ ekɨ̂mvè. Ə ghàyn fe ə è və tsɨs tso pə̂ etûə sèmbàʼ se kwùtwəynse.”

Matyò 8:20

Njisə̀s ə pə̀ynsə̀ nə, “Sɔ̀ŋɔ̀m nyîə kyi èpûʼ ə ghənə̂vè, nɨ̂ŋmè e kyi sendɛ, pîza Vâ Wùə e kyi va luʼu se nyɨ̀ŋsè atu ə vəynke ətəyn se zɨ̀tè.”

Ŋwàʼlè ə̀ Mâk 13:26

Fumə ashìŋə̀, əghɨ fe kə Va Wùə tso pə̂ əfètə̂ sèmbàʼ, è tyaʼa ə kayntəke, è pomsêzè.

Ŋwàʼlè ə̀ Mâk 14:62

Njisə̀s ə pə̀ynsə̀ ə pìə nə, “Ə̀ nyi ke nâʼà mi. Ghàyn tə fe Va Wùə, è ve tsɨs ekɔyntwɔ ə Pɛ̀-Atyaʼ-Akɨ̂mkè. Ghàyn tə fe Vəyn ə è Və tso pə̀ əfètə̂ sèmbàʼ ekwùtwəyn.”

Ŋwàʼlè ə̀ Mâk 8:37

Wùə za kàʼa è fo nâʼà ghè se kɛsə kyîə ngɨŋə̂ vəyn ə?

Tom èchùŋ kè kə Lûk tè nyaʼ 19:26

‹M piə sê ghàyn nə, ə̂ kyi pi ndè, ə fo kwəynsê sê vəyn, ə lâʼà pî ndè, ə fi naʼapi ketətə̂ kɛ ə è kyi.

Tom èchùŋ kè kə Lûk tè nyaʼ 9:26

Naʼapi ndè vɛ ə è ghomə kûmə̀ mi è zaʼlê zɨme, ə è və ke nə Vâ wùə tə pɔŋɔ ghomə kûmə̀ vəyn ezhoghɛ ə è kɛse pə̀yn əfètə̂ èpomsê zɛ ə è kyi, ə̀ nyi èpomsê ə Pɨ̀aze è tsi sə vəyn sə eŋwaʼase.

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 1:51

È və pìə sê ghənə nə, “M pîə sê ghàyn ke nâʼà səmɔʼ nə, ghàyn tə fe kə kwùtwəyn chwî, ə tsì sə Fezhə̀sè ə tsɛ̂nə̀ kə nyî kɔʼɔ, tso, tso pə̂ ə Vâ wùə ətu.”

Njɔyn 12:34

Nɔ̂yn əghɨ̀ kɛ ə ke tè nyì fu ə pə̀ynsə̀ vəyn nə, “Saʼ zasze zaʼlə̂ nə vɛ ə chɔʼ ndə̂m kyi se ndamə faŋ, Ò kwì zayn sə̂ pîə nə, ə kyi se kɔʼsê ə Vawùə ekwùtwəyn ə? Va Wùə nə vɨnə nyi nâʼà ndè?”

Njɔyn 5:27

È və fo kepî Vayn ètyaʼke nə È və saʼa ə̀ghɨ kûmə̀ nə Vâ ə̀təyn nyi Vɛ ə tɔŋtə nə Va Wùə.

Ətefɨ̂aʼ 10:22

Ghɨ ə təynghe ə pìə nə, “Ghàs nyi mə ə̀ tom Kɔ̀nilùs, àtuə sesokə̀ʼa. È nyì ke nâʼà wùə chichi, fɨaʼà se Zhə̀fè, ghɨ Njûsghè əkɨ̂m nyîə ngɨmnə̂ vəyn. Tsì ə̀ Fèzhə̀ zhîzè pì sê vəyn nə, è tom tɔŋɔ ghò ə ò pəyn ə və ə ndɛ kə è zɨ ghɛ zɛ ə ò kyi se tsàyn se vəyn.”

Ətefɨ̂aʼ 5:41

Ghɨətom ə Njisə̀sghè ə ndò elùʼ nə vɛ, saŋnə kə nyi kûmə̀ nə Zhə̀fè ə fe nə ghənə ə kwəyn se kyîə eghomə̂ kûmə̀ ezə Njisə̀szè.

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ngàleshyà 6:14

Pîza sê mi, m nə̀ wâmnə̀ ə ndayn kûmə̀ Pɛ̂pɛ ə̀ ghâsènì Njisə̀s Klâys vɛ ə è tè kwu awâmnè, kûmə̀ nə tɔynə̂ ə vəyn awâmnè, fɨa mbive nyi ke kə efɨa ekwutəve, m nyi ke kə afɨa ə kwuəke se fɨa ə mbive.

1 Tèsàlonikà 2:19

M tè kyiŋə se pə̀yn sê ghàyn kûmə̀ nə ə̀ nyi ghàyn ə ghàyn nə̂ nə ghàs ə kwaʼtə̀ lɨmtə, fɨnə nə̂ ghàs esaŋnə̂, kûmə̀ ghàyn, ghàs tə nə̂ ə pfɨ̂nə̀ àngàŋtè ə Pɛ̂pɛ ə̀ ghâsènì Njisə̀s əshi nə ghàs ə tɨm zhi ashìŋə̀ kɛ ə è kɛse pə̂yn.

1 Tèsàlonikà 3:13

Ə ghàyn nə̂ nyi, ə è nəyn ə təm ghaynghe ə tɛ, kə ghàyn ə kyi va ləʼke, nyi èŋwaʼve ə Zhə̀fè ə ghâsènì fe əshi mə za nyi pɨ̀a ghâsènì ashìŋə̀ kɛ ə Pɛ̂pɛ ə̀ ghâsènì Njisə̀s pə̀ è ghɨə vəyn ghe ŋwaʼaghe əkɨ̂m.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

2 Timotì 1:16

M tsə̂mə̀ nə Zhə̀fè tyəyn səyn ekoze sê ghɨ esas ə ndɛ ə Ònèsifolùsghè kûmə̀ nə è və tə nə̀yn m saŋnə̂ kə nyî. È tè pâʼà ghomə̂ nə m nyi wùə ə ndɛ̂ ə̀chaʼ.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

Ipilù 11:16

Ghənə tè pɨlə kyiŋə èndaʼ ze tsɔ̂fə̀ tsɛ̂ ze mə, mə za nyi endaʼ ekwùtwəyn. Ghənə tè tɔŋtə̂ Fèzhə̀ nə Zhə̀fè ghənə̂fè, fe ghomə̂ va nə ə tɔŋtə̂ zhi zamə. Ghâsènì nyiə ke nyi kûmə̀ nə fe nyi mə fə pɨaʼtê ndəm tɔ̂ŋ èghaʼâ se ghənə.

Ipilù 11:26

È və fe nə e pɨlə tsɔ̂fə̀ nâʼà sə ŋaŋ kə ə sôylə̀ zhi kûmə̀ Klâys tsɛ̂ kə e kyi ghaʼze endaʼ ə Enjìpè. È tè taŋtə̂ nyiəmə kûmə̀ nə è tè naynə ndûə èmaʼte vɛ ə Zhə̀fè tə fo sê vəyn ə shi.

Ipilù 13:13

Ə ghâsènì pɔŋ fɨ ndo elùʼ vɛ ə ghɨə ndamə, ə ndu kotê vəyn ə pɨaʼa kəpî èghomə̂ kə vəyn.

Njə̂m 4:4

Ghàyn ghɨ ghɨ̀nə̀ ə nyi mə ə zà Zhə̀fè nyi! Ghàyn ke va nə ə ghàyn nyi sesoyn sê mbi, ə ghàyn ə nyi sèpàyn se Zhə̀fè ə? m pîə kwəynsə̂ nə ə ghàyn kyiŋə sə̂ nyi èsoynve sê mbi, ə ghàyn nəyn ngɨŋ saynse sə̂ nyi sèpàyn se Zhə̀fè.

1 Njɔyn 2:23

Ə̂ kwiynse pîndè Vayn, ə nyi mə è və kwiynsê kepî Pɨ̀a. Pîza ə̂ pomə pîndè Vayn, ə nyi mə è və pomə kepî Pɨ̀a.

1 Njɔyn 2:28

Ghɔnyì ghɨmə zɨnə mə tyə̂nə̀ nə, ghàyn kyi se faŋə kə sə afɨa àmɔ̀ʼ ghâyn ghə̀ Klâys kə shîŋə̀ kɛ ə È tə pə̂, ə ghàyn ə kyi ə̀təm ə tɛ, se tyə̂m ə və shi mə ə ghomə̂ va.

Etyə̂yn ə paynsêzè 14:10

ə Zhə̀fè tə nə ə Fe ə fɨsə̂ èndwɔ̂ sê ghənə, ə fe fo tsôsvè sê ghənə nâʼà sə ŋaŋ, kè kə mlɨ̂ mə ètɛ ndɔ̀ʼɔ sɔmnə ə Zhə̀fè ndə̀m ə wà ə fo nə ghənə mɨ. Zhə̀fè tə nyâplə̀ ghənə è wusve, è fɨa kyîke ke lɛ̂ pâŋə̀ fuə mə ə tɔŋtə̂ nə sɔlfɔ̀ ə tsì sə eŋwaʼase əshi, è kɨsè ə Vâ ndzè əshi.