Ŋwàʼlè ə̀ Mâk 8:35 - Ŋwàʼlè ə̀ Fèzhə̀ Mkâyn Mə̂ Fèm

³⁵ Kûmə̀ nə ə mɔ̀msè pîndè se sɔza ngɨŋə̂ vəyn ə è kwu, mə ə kwu pindè kûmə̀ mi è tom èchùŋ zɨ̂mè, ə è ndam faŋ.

Ŋwàʼlè ə̀ Mâk 8:35 ပူးပေါင်းရင်းမြစ်များ

Matyò 10:22

Ghɨghə əkɨ̂m tə pânə̀ ghàyn ə mì ezə. Pîza mə ə kol pîndè təmə se nduə tàyn ə mɨ̀se ə è tə kyî èzɔzaze.

Matyò 10:39

Ə̂ mɔ̀msè pîndè se sɔ̀ ə ngɨŋə̂ vəyn, ə è njise zə̂ynzè; ə njìsə̀ pîndè ngɨŋə̂ vəyn kûmə̀ Mi, ə è tə kyî èndam zɛ ə ze tə mîə va.

Matyò 16:25

Kûmə̀ nə ghɨ ghɛ ə mɔ̂msè se sɔzà ə ngɨŋə̂ ghənə̂ nə̀ njisə̀ zə̂ynzè, pîza ghɨ ghɛ njîsè ndamə ghənə̂zè kûmə̀ Mi tə kyîə zəynze.

Matyò 19:29

Ə nâʼàpî ndè vɛ è nyi mə è və zà ndɛse, kɨ̀sə əghɔnyì ə ndômnə̀, è ghe zənə, kɨ̀sə pɨ̀a è nyì, kɨ̀sə ghɔyn, kɨ̀sə mfûʼ kûmə̀ èzə zɨme, tə kɛsə̂ kyiə əghɨ nə ghɨ̂yn è fɨa nə vɨ̂yn shîŋə̀tè wəve ə è fɨyn kyi endam zɛ ə ze tə mîə va.

Ŋwàʼlè ə̀ Mâk 8:36

Wùə za kàʼa è zhi nâʼà ghè ezhoghɛ è kyi ke mbi ekɨ̂m pîza ə njisə̀ ngɨŋə̂ vəyn ə?

Tom èchùŋ kè kə Lûk tè nyaʼ 17:33

Ə za mɔ̀msə̀ pi ndè se ndamə faŋ, ə è kwu, ə màʼà pi ndè ngɨŋ ə vəyn, ə è ndam faŋ.

Tom èchùŋ kè kə Lûk tè nyaʼ 9:24

Ə̂ mɔ̀msə̀ piə ndè se sɔ̀ ngɨŋ ə vəyn ə è kwu, mə ə̂ kwu pi ndè kûmə̀ mi, ə è ndam faŋ.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 21:13

Pɔ̂l ə pə̀ynsə̀ nə, “Kûmə̀ ghè ə ghàyn chìə, nə̂ nə mə kyi èfɨmsê ə mì ə təmə? M nyi èpɨaʼtêzè nə kə kol ke ndò mi, pîza m nyi kepî ndò èpɨaʼtêzè se kwu ə Njèlusalɛ̀m kûmə̀ èzə ə Pɛ̂pɛ Njisə̀s è.”

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

1 Kɔlìŋ 9:23

M nə̂ ə̀ghɛ nə ghɨnə̀ ə̀kɨ̂m kə ghɨ setsɨ̀ setsɨ̀ zɨ tom èchùŋ kûmə̀ Klâys kè se nə̀yn nə tom èchùŋ zham nduke èshike kə̂ m pɔŋ kyî epɔsê zɛ ə ze nyi ətəyn.

2 Kolìŋ 12:10

Kûmə̀ Klâys, m saŋnə̂ tsɛ̂ kə ndò ashìŋə̀ kɛ m pɔlə̂, ashìŋə̀ kɛ ə sôylə̀ mi, ashìŋə̀ kɛ ghɛ ghe tɛ sê mi, ashìŋə̀ kɛ ə tsə̂fsə̀ mi, è ghɛ mɔ̀ʼɔghe, ghe tsɨ̂ə tsɛ̂ àtyaʼ kɨmke. E nyi nyî kûmə̀ nə ə pə̂ ashìŋə̀ kɛ m pɔlə̂, m pɨl kyi àtyaʼ.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

Ipilù 11:35

Tɔynə̂ ekyî epomə̂zè, Zəynghe ə tə kɛse kyi ghɨ ə ghənə ghɛ ə ghe tè nyi mə ghə kwu kə zômsè. Ə tè fo tsôsè sê ghɨə mɔ̀ʼɔ nâʼà sə ŋaŋ kûmə̀ nə ghənə ə tə tə nə ghənə fiə va sɔ̂sèzè, ghənə ə tə pomə̂ se kwu se kyi endam echûŋzè ezhoghɛ ə kɛse zômə̀.

Etyə̂yn ə paynsêzè 12:11

Ghɔnyì ə ghâsènì nə ghɨ̀nə̀ ə nò ə zhiə vəyn tɔynə̂ m̀ndəm mə Va Ndzèm, tɔynə̂ ə səmɔʼ zɛ ə ghənə tè tsâ, è kɨsè nə ghənə tè nyîə nyi èpɨaʼtêzè se kwu ezhoghɛ ə kwuze pə̂yn.

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.

Etyə̂yn ə paynsêzè 7:14

Mə pə̀ynsə̀ sê vəyn nə, “M ke va ə Pɛ̀ apɨəyn, ə̀ ke ke ghò.” È və ke pì sê mi nə, “Ə̀ ghɨ̂nə nyi əghɨ ghɛ ə ghe tè mɔ̀mse, ə tsɛ̀ fɨə e tsə̀fsè ekwəmnə zɛ. Ghənə shù ndzɨs sə ghənə̂sè è ndə̂m mə Va Ndzèm, se fɨfə kə nyî.