Ŋwàʼlè ə̀ Mâk 8:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Njisə̀s ə pfɨfə sê ghənə nə, “Nâʼà ghàyn pîə nə m nyi nde?” Pità ə pìə sê vəyn nə, “Ə̀ nyì Ghò Vɛ ə Zhə̀fè chɔʼ ndə̂m.”

Ŋwàʼlè ə̀ Mâk 8:29 ပူးပေါင်းရင်းမြစ်များ

Ŋwàʼlè ə̀ Mâk 4:11

È və pìə sê ghənə nə, “Zhə̀fè ə fo ghàyn tyaʼa sə̂ ke ə̀ghɛ əndətə kûmə̀ èfɔ̂yn ə Fezhə̀vè, pîza e kyi sə̂ zaʼlə̂ ə̀ghɛ ətəynghe sê ghɨ yiə kè ə sengàyn.

Tom èchùŋ kè kə Lûk tè nyaʼ 9:20

Njisə̀s ə pfɨfə se ghənə nə, “Nâʼà ghàyn piə nə m nyi ndè?” Pità ə piə nə, “Ə̀ nyi gho Klâys, ə vɛ ə Zhə̀fè tom.”

Njɔyn 11:27

Maltà ə pomə ə pìə nə, “M pomə̂ ndò ə Pɛ̂ nə ò nyi vɛ ə chɔʼ ndə̂m, mə za nyi Va Fèzhə̀ vɛ ə Zhə̀fè tè tsɨ̀ne nə È tə pə̂ ə mbi.”

Njɔyn 4:42

Ghənə ə pìə sê wùzhɔyn nə vɛ nə, “Ghasə pomə se Njisə̀s zôyn, ə va chi kûmə̀ èghɛ zɛ ə ò pì, kûmə̀ nə ghàs è ngɨŋ sas se ə zɨ zaʼlə ə Vəyn, ə kê səmɔʼ nə È lote nyi Sɔ̀zà ə̀ mbi.”

Njɔyn 6:68

Shimuyn Pità ə pə̀ynsə̀ nə, “Se fɨnə ndù sê ndè ə Pɛ̂? Ò nyiə kyi èwâmnè zɛ ə ze nə̂ nə wùə ə kyi èndam zɛ ə ze tə mîə va.

Njɔyn 6:69

Mə zôyn, ghàs pomə̂ ndò ke nə ə̀ nyì ghô wùə è Ŋwaʼa vɛ ə è ndò pə̂yn sê Zhə̀fè.”

Ətefɨ̂aʼ 8:36

Ghənə e sè kwîə ndûə ə ndùə zaʼâ elùʼ vîve, ə fe m̀mo, wùə nə vɛ ə pìə sê Filìp nə, “Fe kə mômə. Ò vayn kàʼa ò fo mi èmôm zôyn kûmə̀ ghè?”

Ətefɨ̂aʼ 9:20

È və ndò ə chəmə ndùə kə ə sendɛ sə atsɨ̀yntese ə shɨŋ nə zɛ ə zhə̀tə̀ sè ndàʼà tom èchùŋ nə Njisə̀s nyi Vâ ə̀ Fèzhə̀.

1 Pità 2:7

Ə̀ nyi sê ghàyn ghɛ ə ghàyn pomə, chi nə zɨ̀nə nyîə tsɔ̂fə̀ nâʼà sə ŋaŋ, pîza sê ghɨ ghɛ ə ghe tàʼa pomə mi: “Chi nə zɛ ə ghɨə pɛghe tè làŋ mâʼà ə kɛse sə echi epòlə̀ ndɛze.”

1 Njɔyn 4:15

Nâʼàpî ndè vɛ ə è pì nə Njisə̀s nyi Va Fèzhə̀, è və nyi sə afɨa amɔ̀ʼ yî Zhə̀fè, Zhə̀fè e nyi sə afɨa amɔ̀ʼ yî vəyn.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.