Ŋwàʼlè ə̀ Mâk 7:28 - Ŋwàʼlè ə̀ Fèzhə̀ Mkâyn Mə̂ Fèm

²⁸ Wùzhɔyn ə̀təyn ə pomə̂ ə pìə sê vəyn nə, “M ke ndô nyiəmə ə Pɛ̂, pîza ke kepî nə puse nyiə tsɨsə̂ etyîə àlaŋ kɛ əmɨətə̀m zhiə ətəyn sə pɔŋtə̂ zhiə èpɨaʼle èfɨazhiəve!”

Ŋwàʼlè ə̀ Mâk 7:28 ပူးပေါင်းရင်းမြစ်များ

Matyò 15:27

Wùzhɔyn ə̀təyn ə pə̀ynsə̀ nə, e nyi zamə “Pîza kè nâʼà sèpu zhiə ndò pɨaʼle vɛ ə ve tâyntə̀ ə pɛ̀ ndɛ etùə àlaŋ ashìŋə̀ kɛ è zhiə.”

Matyò 5:45

Ə ghàyn nə̀yn zamə, ə ghàyn ə nyi ə̀ ghɔ pɨ̀a vâynvè ekwùtwəyn. Kûmə̀ nə È nə̀ nə chwìə Vəyn ə panə sê ghɨ piə è ghɨ echûŋə̀ kè eghɨ, fo èghol sê ghɨ ghɛ ə nə̂ chùŋ è ghɛ ə nə̂ pi kè eghɨ.

Ŋwàʼlè ə̀ Mâk 7:27

Njisə̀s ə pìə sê vəyn nə, “Za ə pfɨte chi mmɨ̂ətə̀ sə shi kûmə̀ nə ze tsɔ̂fə̀ va nə ə nji fɨazhiə mmɨ̂ətə̀vè ə màʼa sê puse.”

Ŋwàʼlè ə̀ Mâk 7:29

Njisə̀s ə ke pì nə “kûmə̀ èwâmnè zɛ zɨ̂nə̀ ə ò wâmnè, ndo ò kwɨlə̂. Pamə̂ ə satàyn zɛ ə ze fə nyi ə vayn vɛ̂vè ewìyn ə ndò.”

Ŋwàʼlè ə̀ Pɔ̂l sê ghɨə Lûmghè 10:12

Pî nə zɨnə̀ nyì sê nâʼàpî ndè kûmə̀ nə sə nɨŋ va sê ghɨ ghɛ ə̀ nyì ghə Njûsghè, è ghɛ ə̀ vachi ghə Njûsghè. Zhə̀fè nyi Pɛ̂pɛ kè sê ghɨ ghəkɨ̂m, pɔsə̂ nâʼàpî ndè achûŋ vɛ ə è tɔŋə ndû sê Vəyn.

Ŋwàʼlè ə̀ Pɔ̂l sê ghɨə Lûmghè 3:29

Mə ghàyn kwàʼtə̀ nə Zhə̀fè nyì ke Fèzhə̀ fə ghɨə Njûsəfè ə? Piə nâʼà pî Vəyn nyi kepî Fezhə̀ fə ghɨ̀ ghɛ ə̀ va əghɨ ə Njûs ghə? E nyi zamə, È nyì kepî Fèzhə̀ fə ghɨ̀ ghɛ ə̀ va əghɨ ə Njûsghè.

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,