Ŋwàʼlè ə̀ Mâk 16:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Chùmtè èpàm sə Njisə̀sè ə fɨə ndaʼà ndûə Tom Èchùŋ luʼ tekɨ̂m. Pɛ̂pɛ tè nyì yighə̀ ghənə, ə fo àtyaʼ nə ghənə nə̂ ə̀ghɛ əkayntəghe, se tyə̀yn nə ghɛ ghɛ ə ghənə tè pìə nyi səmɔʼ.

Ŋwàʼlè ə̀ Mâk 16:20 ပူးပေါင်းရင်းမြစ်များ

Ŋwàʼlè ə̀ Mâk 16:19

Ə pə̀ kə Pɛ̂pɛ Njisə̀s wàmnè mɨ̂sè sê chùmtè èpàm sə vəynse, Zhə̀fè ə nə̀ è və kɔʼɔ ekwùtwəyn, ə tsɨsə̂ ə Fəynfe ekɔyntwɔve.

Tom èchùŋ kè kə Lûk tè nyaʼ 1:1

Pɛ̀ apɨəyn Tyofilùs: Tsɨ̀tsɨ̂ se nyi mə ghənə mɔ̀msè sè nyàʼə tsàyn əghɛ ghɛ kə ghe tè kyànə kɔʼɔ ndùə ə ghàs əfètəyn.

Tom èchùŋ kè kə Lûk tè nyaʼ 1:2

Ghənə nyaʼ əghɛ mə ghâsènì əkɨ̂m əzɨ sê ghɨ ghɛ ə tè fe ghɛ tə kè se zhə̀tè kə ghe tè kyànə tsɔ̀fə kə ghənə faŋ ə tsâ.

Ətefɨ̂aʼ 14:3

Pɔ̂l yî Pànapàs ə ndamə kɔʼɔ fumə nâʼà sə aghaf etyâkè, wàmnə̀ əghɛ ə chûŋ ghɛ ə Pɛ̂pɛ nyi mə è və nə̀yn se ghɨ fànə va nâʼà səkɔs. Pɛ̂pɛ Njisə̀s ə nə̀ ghənə ə tyə̀nə̀ chwìə, ə nə̀ ə̀ghɛ əkayntə ə tsɨəghe, se tyə̀yn nə ghɛ ghɛ ə chùmtè èpàm sə vəynse piə kûmə̀ èfo eghaʼ Vəynze nyi səmɔʼ.

Ətefɨ̂aʼ 4:30

Tyə̀yn tyaʼ kɛke ò tsuʼə ə̀ghɨ. Tsàmte ghàs nə ghàs ə nə̂ sèchwìə è ghɛ kayntəghe tɔynə̂ ezə Njisə̀szè, ə wùə èfɨ̀aʼa vɛ ve èŋwaʼa.”

Ətefɨ̂aʼ 5:12

Ghɨətom ə Njisə̀sghè tè nə̂, sèchwìə è ghɛ kayntəghe, ghe tsɨ̂ə kə nyi əfètə̂ ghɨ̀ se tyə̀yn atyaʼa Fezhə̀kè. Nâʼà ghɨə poməghe əkɨ̂m tè zàŋsə zûŋtə̀ Atɔyne ə Sòlomùynkè ə ndɛ ə̀ Fèzhə̀.

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Ipilù 2:3

E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.

Ipilù 2:4

Zhə̀fè ə tə nə̀yn kepî chwiə sə ghɛ ə kayntəghe, ə tekì ə tekì, ə fɨnə fo tèfo tə Sezuʼ Seŋwaʼase sê ghɨə kè kə fe kɔ̂ŋɔ̀ se tyə̀yn nə tom nə zɨnə nyì ke nâʼà səmɔʼ.