Ŋwàʼlè ə̀ Mâk 16:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ghɨə poməghe nə kyîə àtyaʼ sə̂ nə̂ ə̀ghɛ kayntəghe: Ghənə nə chûmə̀ fɨsə̂ tèpamə̂ tə satàyntè ə mì ezə, ə fɨnə wàmnə̀ tèwâmnè tîte ndɔ̀ʼɔ zaʼle.

Ŋwàʼlè ə̀ Mâk 16:17 ပူးပေါင်းရင်းမြစ်များ

Ŋwàʼlè ə̀ Mâk 9:38

Njɔyn ə pìə sê Njisə̀s nə, “Tyə̀ynsè, ghàs a fe wùə è ve chûmə̀ fɨsə̂ tèpamə̂ tə satàyntè ə ghò ezə, ghàs ə pìə nə kə è fɨyn mɔm kûmə̀ nə è va wùə èmɔ̀ʼ ə ghâsènì əfètəyn.”

Tom èchùŋ kè kə Lûk tè nyaʼ 10:17

Ghɨ nə ghɛ m̀ghɨ̂m sɛ̀mbɛ njò sepɛ̀ ə kwi ndùə ə kɛsə kwɨlə è saŋnê ə piə sê Njisə̀s nə, “Pɛ̂pɛ, naʼapi tèpamə̂ tə satàyntè ə zɨ sê ghàs kə ghàs kàyntə̀ ghɛghe ə ghò ezə!”

Njɔyn 14:12

M pîə sê ghàyn səmɔʼ nə, ghɨ ghɛ ə pomə sê Mi nə̀ nə̂ ə̀ghɛ ghɛ M nə̂. Ə nə̂ piə ə̀ghɛ ghe tsɨ̂ə tsɛ ghɛ m nə̂ kûmə̀ nə M ndûə se pɨ̀a

Ətefɨ̂aʼ 10:46

Kûmə̀ nə ghɨ Njûs nə ghɨyn ə tə zɨ kə ghɨ nə ghɨnə ə̀ tè va əghɨ ə Njûghè wàmnə̀ wâmnè tə tendaʼ tə ndôtè ndɔ̀ʼɔ zaʼle, pɔmsə̂ Fèzhə̀ kûmə̀ ə̀ghɛ ə kayntə ghɛ ə Fe nə̀yn. Pità ə ke pì nə,

Ətefɨ̂aʼ 16:18

È və nə̀ zɨnə mə sə mtuʼlə̂, ə kɔʼɔ fɨə andiŋ kyîke, Pɔ̂l ə nyɔ̀ʼsə̀ ètɔŋ ə pìə se zuʼse pi nə sɛ ə se tè nyi ə ngɔ̀yn ə̀ vayn è zhɔyn nə vɛ ewìyn nə, “M kânə̀ sê ghò ezə Njisə̀s Klâyszè tsɛ fɨə ə vəyn ewìyn!” Zuʼse pi nə sɛ ə fɨə ə vəyn ewìyn kè sə ashìŋə̀ nə kɛ.

Ətefɨ̂aʼ 19:6

Pɔ̂l ə ndəmə̀ ə̀gho ə ghənə tu, Zuʼse Ŋwaʼase ə pə̀ sê ghənə, ghənə ə zhə̀tə̀ sə̂ wâmnə̀ tewâmnè tə ndôtè ndɔ̀ʼɔ zaʼle, fɨnə ndaʼà kəpi tom ə̀ Fèzhə̀.

Ətefɨ̂aʼ 2:33

Zhə̀fè ə njì Vəyn elùʼ ekɔʼnəve, ə Vəyn ekɔyntwɔve. È və fo Vəyn è Zuʼse Ŋwaʼa sɛ ə È tè tsɨ̀ne nə È tə fo sê vəyn. Njisə̀s ə pɔŋ fo Zuʼse Ŋwaʼa nə sɛ se ghàs, ə̀ nyi səynse ə se nə̂ ghàyn e fe fɨnə zɨə nâʼàpî èghɛ èkè zɛ ə ze kyânə̀ ndâyn.

Ətefɨ̂aʼ 5:16

Nɔ̂yn əghɨ̀vè ə ndò pə̂ ə setɔ̂ŋ sɛ ə se tè nyì paʼsê ə Njèlusalɛ̀m. Ghənə e njîə pə̂ è ghɨə zafə è ghɛ zuʼse pise tè fo ngəʼ sê ghənə, ə tsuʼə nâʼà ghənə əkɨ̂m.

Ətefɨ̂aʼ 8:7

Filìp ə nə̀ zuʼ se pise e fɨə ə ghɨghe mwìyn pɨa chîə è kyə̀ ètɛ, tsɨ̀tsɨ̂ ə̀ghɨ̀ ghɛ ə pɨas ewìynve tè nyi mə və kwu è ghə m̀ngə̂s fɨəyn e kyîə è tsuʼ ə ghənə̂zè.

1 Kɔlìŋ 12:10

Zuʼ nə sɨ̂nə̀ fo se wùə èmɔ̀ʼ, tyaʼke nə è və nə̂ ə̀ghɛ əkayntəghe, se wùə vîvè, sə̂ fo àtyaʼ nə è və tsâ ə̀ghɛ mə ghe ndo sê Zhə̀fè, sê wùə vîvè, sə nə̀ nə è və ke sə nɨŋ nə Zuʼse ndo sê Zhə̀fè mə se paʼà ndò chi se Zhə̀fè ə, sê wùə vîvè, sə̂ nə̀ nə è və ke se wâmnè ə tewâmnè ndɔ̀ʼɔ è zaʼle, sê wùə vîvè, sə̂ nə̀ nə è və zɨə kê tèwâmnè tə təynte, tsâ èghɛ zɛ ə te pîə.

1 Kɔlìŋ 12:28

Ə ndɛ ə̀ Fèzhə̀, Zhə̀fè nyi mə Fə ndə̀m ghɛ ghəkɨ̂m, shike nyi ə̀ghɨtomə, kòmtèke nyi sè fɨ̀aʼtè, ta e nyi sètyə̀ynsè. È və tə ndə̀m kepî ghɨ ghɛ ə ghe nə̂ ghɛ əkayntəghe, ə̀ chûmtə ghɛ ə ghe kyi foze sə̂ tsuʼə ə̀ghɨ, pî sə̂ tsâmtə̀ ə̀ghɨ, chisə̂ ə̀ghɨ e wâmnə̀ ə tewàmnè tə ndôtè ndɔ̀ʼɔ zaʼle.

1 Kɔlìŋ 12:30

pî sə tsuʼə tèzaf, pî sə wamnə̀ tèwâmnè tə ndôtè ndɔ̀ʼɔ ghənə zaʼle, pî se fɛtə tsâ paynsê èghɛ zɛ ə wâmnè tə təynte pîə.

1 Kɔlìŋ 13:1

Ə m kaʼa m mə wamnə̀ tèwâmnè tə ghɨ̀ msɔ̀ŋte, è tə setsìtè, pîza mə m kiva kɔ̂ŋzè, ə wâmnè zɨmze ə nyi ke kə ngyìm ə̀ puzâ kə mbəŋne kə puʼə.

1 Kɔlìŋ 14:2

Ghɨ ghɛ ə wamnə̀ ə te wàmnè tə ndôtè ndɔ̀ʼɔ zaʼle wàmnə̀ chîəva sê ghɨghe pîza se Zhə̀fè, kûmə̀ nə wùə vîvè zɨə kê va ghɛ zɛ ə ghənə pîə. Ghənə wâmnə̀ ə̀ghɛ ə ndətə ə səmɔʼghe tɔynə̂ atyaʼ ə Sezuʼ se Ŋwaʼake.