Ŋwàʼlè ə̀ Mâk 15:40 - Ŋwàʼlè ə̀ Fèzhə̀ Mkâyn Mə̂ Fèm

⁴⁰ Zəyn yîghe tè nyì fu naynə̂ ə̀ghɛ ghɛ ə ghe tè kyànə sə aghaf. Ə ghənə ə fètəyn tè nyi Mèli Màkndàlɛ̂n, Sàlomè, è Mèli nyìə Njə̂m è tətə̂ yî Njosɛ̀f.

Ŋwàʼlè ə̀ Mâk 15:40 ပူးပေါင်းရင်းမြစ်များ

Matyò 10:3

Filìp è Pàtòlòmiyâ, è Tɔ̀mɔ̂s è Matyò vɛ è tè tənə tâksè, è Njə̂m ə vâ Àfeyùs, è Tàtyə̂s,

Matyò 13:55

Ə̀ vɨnə va ke nâʼà vâ wùə vɨ̀nə è kɔmə fɨave nyîə? Ə va Mèli kə è piə və? Ghɔnyiə vəynghe va Njə̂m, è Njosɛ̀f, è Shimùyn è Njondàs ə̀?

Matyò 27:61

Mèli Màkndàlɛ̂n è Mèli ə nyìə Njə̂m yî Njosɛ̀f tè tsɨs fumə etipìə èshyə̀ eghaʼâzè.

Matyò 28:1

Ə pə̀ kə tuʼ endaʼve tsɛ̂, ə Sɔndè nâʼà epɨsə̀pɨsə̀, Mèli Màkndàlɛ̂n è Mèli ə nyìə Njə̂m yî Njosɛ̀f ə ndùə se naynê eshyə̂ eghaʼâ ə Njisə̀szè.

Ŋwàʼlè ə̀ Mâk 15:47

Mèli Màkndàlɛ̂n yî Mèli nyìə Njosɛ̀f tè nyîə naynə̂, ə fe eluʼ vɛ ə pfɨ̂mə̀ Njisə̀s ətəyn.

Ŋwàʼlè ə̀ Mâk 16:1

Ə̀ tè nyi kə tuʼ endaʼve tsɛ̂ Mèli Màkndàlɛ̂n, Sàlomè, è Mèli nyìə Njə̂m, ə zhɔnə m̀ngwɨl me lɨ̀mtə̂m se ndùə kɨmnê epfɨyn ə Njisə̀svè ətəyn.

Ŋwàʼlè ə̀ Mâk 16:9

Kə Njisə̀s tè pɨse zômə̀ ə Sɔndè, È və tyə̀nə̀ ngɨŋə̂ Vəyn sə shi sê Mèli Màkndàlɛ̂n. Ə̀ nyi wùzhɔyn nə vɨnə ə Njisə̀s tè chùm fɨse tèpamə̂ tə satàyntè esɛ̀mbɛ̂ ə vəyn ewìyn.

Tom èchùŋ kè kə Lûk tè nyaʼ 19:3

È və sè mɔmsè se fe Njisə̀s, fɨmə se fe kûmə̀ nə ghɨə tè tsɨ̀ə, è və fɨnə tɨmsə̂.

Tom èchùŋ kè kə Lûk tè nyaʼ 23:49

Ghɛ nə ghɨnə mə tè kyàynə zâ, soynsə vəynse se tyəm nâʼà e aghafa, naynə̂ kə ndo, ghənə ghəmɔ̀ʼɔ e nyi ə̀zəyn ghɛ ə ghe ndò ə Ngalìlî ə pə̂ ə vəyn epàm.

1 Kɔlìŋ 9:5

E za nyi nə ə̀ va eluʼ vasve se njiə wùzhɔyn è pomə sə zhwi, sə̂ kwîə è vəyn kepî kə̂ əghɨtom ə mɔ̀ʼɔghe, è ghɔnyì ə Pɛ̂pɛghe, è Sefàs mə?

Ngàleshyà 1:19

M tè paʼà fɨyn fe wùətom ə̀ mɔʼɔ fu, wùə vɛ ə m tè fe fu tè nyiʼe nyi ke Njə̂m, ə ànyì ə̀ Pɛ̂pɛ ə̀ ghâsènì.

Njə̂m 1:1

Ə̀ nyaʼ Njə̂m ŋwàʼlè zɨ̀nə̀, ə wufɨ̀aʼa ə Fèzhə̀, è və̂ Pɛ̂pɛ Njisə̀s Klâys. M fo pə̂ ètɔŋtê sê tâŋ tə Isìlâytè eghɨm njòse pɛ̀ tɛ ə te nyi mə te ə waŋ ndu ke mbi èkɨ̂m.