Ŋwàʼlè ə̀ Mâk 14:61 - Ŋwàʼlè ə̀ Fèzhə̀ Mkâyn Mə̂ Fèm

⁶¹ Njisə̀s ə kɨmə̂ kə mɔŋ. Wùə èkɔʼsə nə èshyə̀ èngaŋtə kwəynə ə fɨnə pfɨfə sê vəyn nə, “Ə̀ nyi ghô vɛ ə Zhə̀fè chɔʼ ndə̂m mə, ə Va Fèzhə̀ fɛ ghɨə ngɨmnə ə?”

Ŋwàʼlè ə̀ Mâk 14:61 ပူးပေါင်းရင်းမြစ်များ

Matyò 16:16

Shimùyn Pità ə pìə nə, “Ò nyi vɛ ə chɔʼ ndə̂m, ə Va Fèzhə̀ fɛ ə fe ndamə.”

Matyò 3:17

Kè sə ashìŋə̀, kyə̀ ə fɨ pə̀ ekwùtwəyn ə piə nə, “Ə̀ vɨ̀nə nyi Va èkɔ̀ŋ vɨ̂m, È nə̀ Mi M saŋnə̂ tsɛ̂sə̀.”

Matyò 8:29

Kè sə ashìŋə̀, kə ghənə fe Njisə̀s, ə zhə̀tə̀ se pɨa nə, “Ò kyiŋə ghè sê ghàs ə Vâ Fèzhə̀? Ò pə̂ se pɔynsê ə ghàs tsɔ̀fə kə shîŋə̀ ətəynke kwəyn mə?”

Ŋwàʼlè ə̀ Mâk 14:60

Wùə èkɔʼsə nə èshyə̀ èngaŋtə kwəynə ə ndwìə tyəmə̂ ə ghənə əfètəyn ə pfɨfə sê Njisə̀s nə, “Ò wàmnə̀ va ə? Ò kyi va ghɛze se pì kûmə̀ ə̀ghɛ ghɨ̀yn ə ghâmə̀ ghò ətəyn nyî ə̀?”

Ŋwàʼlè ə̀ Mâk 15:2

Paylɛ̀t ə pfɨfə sê vəyn nə, “Ò nyi fɔ̀yn sê ghɨ Njûs ghə̂?” Njisə̀s ə pə̀ynsə̀ nə, “E nyi ke kə ò pì.”

Njɔyn 1:34

Mə fe kə ghɛ nə zɨ̂nə̀ kyàyn, sè tsâ sê ghàyn nə, “Ə̀ vɨ̀nə nyi Va Fèzhə̀.”

Njɔyn 10:24

Ghɨ Njûs yîghe ə pə̀ zùŋtə̀ ə Və ə ngwùŋ ə pfɨfə sê vəyn nə, “Tsàyn sê ghàs nə Ò ndə̀mə̀ tânə̀ zàyn ghàs nə ə kwaʼtə̀ kə ndò kê va səmɔʼ ə? Lote tsàyn sè ghàs səmɔʼ nə ə̀ nyi ghô vɛ ə chɔʼ ndə̂m ə?”

Njɔyn 10:36

Kè sê Mi, Pɨ̀a ə chɔʼ Mi ə tomə ndzɨsə̂ ə mbi. E se kwî zàyn nə ghàyn ə pîə nə M sôylə̀ Fezhə̀, kûmə̀ nə M pi nə M nyi Vâ ə̀ Fèzhə̀?

Njɔyn 18:37

Paylɛ̀t ə pfɨfə sê Vəyn nə, “Piə e za tyə̀nə̀ nə ò nyi fɔ̀yn ə?” Njisə̀s ə pə̀ynsə̀ nə, “Ə̀ pì ghô nə M nyi fɔ̀yn. Ə tè piə Mi nə M pəyn ə mbi, kə Mə nyi tsɛ̀ èsaʼ səmɔʼ. Naʼapî ndè vɛ ə è nyi wùə ə̀ səmɔʼ nyîə zɨə sê Mi.”

Njɔyn 19:7

Ghɨ Njûsghè ə fɨnə pîə kwəynsə̂ kə nə, “Ghàs kyi esaʼ ze tyə̂nə̀ nə è kyi se kwu kûmə̀ nə è ndə̀mə̀ nə È nyi Va Fèzhə̀.”

Njɔyn 19:9

È və kɛsə̂ njîə njiə è Njisə̀s ə tɔʼ ə pfɨfə sê Vəyn nə, “Ò ndò nâʼà ghayn?” Njisə̀s ə tàʼa pì eghɛ.

Ətefɨ̂aʼ 8:32

Ndiŋ ə ŋwàʼlè nə kɛ ə è tè tɔŋɔ tè wàmnə̀ endom vɨnə, nyiə nə: “È tè nyi kə ndzè zɛ ə tè njì se se, è kɨ̀sə kə va ndzè ə è kyi mɔŋ ezhoghɛ ə kɔmə nyuŋsə vəynse, è zə tàʼa pìə eghɛ.

1 Timotì 1:11

Ghɛ nə ghɨ̂yn nyi əfètə̂ tom èchùŋ zɛ ə fo nə m ndaʼa. Zaʼlê ə səmɔʼ nə zɨnə mə nyi eghɨ è tom èchùŋ kûmə̀ èpomsê ə Fezhə̀ fə ghâsènìfe kayntəfe.

1 Timotì 6:15

Ə̀ pə̂yn ə Vəynze tə pə̂ Fèzhə̀ è zəynze ashìŋə̀ kɛ ə Fe nyi mə Fə ndə̀m. Ə̀ nyi Fezhə̀ fɛ ə ghɨ kɔʼsə, ə̀ nyì ke fəyn fɛ ə fe saʼa mbi èkɨ̂m, ə nyi fəynfe fɔ̀yn ə̀ tèfɔ̂yn, fɨyn nyi Pɨ̀a sê ghə̀ Pɛ̂pɛ.

1 Pità 2:23

Ə̀ tè nyi nâʼàpî kə ghɨ sôylə̀ vəyn, è və tàʼa pə̀ynsè è sôylèzè. Ə̀ tè nyi kə ghɨ fo ngəʼ sê vəyn, è və tàʼa kàyntè əghɛ. È tè fo ke ngɨŋ ə vəyn sê Zhə̀ fɛ ə fe saʼa kə chichi.