Ŋwàʼlè ə̀ Mâk 14:49 - Ŋwàʼlè ə̀ Fèzhə̀ Mkâyn Mə̂ Fèm

⁴⁹ M zɨsə̂ kə ghâsènì tuʼmè m̀kɨ̂m, zaʼlə̂ ə Ndɛ Ètsə̀mə, ghàyn e kyîə va mi. Pîza, ghɛ zɛ ə ze nyi ə Ŋwàʼlè ə̀ Fèzhə̀ kyi ndô se kwəyn.”

Ŋwàʼlè ə̀ Mâk 14:49 ပူးပေါင်းရင်းမြစ်များ

Matyò 1:22

Ghɛ nə ghɨ̂yn ə̀kɨ̂m tè kyàynə nyî se lwiynse əghɛ ghɛ ə Zhə̀fè tè tsayn tɔynə̂ ə fɨ̀aʼtè Vəyn nə,

Matyò 26:54

Pîza, mə m nə̂yn nyi ə e tàʼa lwiynse eghɛ zɛ ə se nyi mə ə nyaʼ ə Ŋwàʼlè ə̀ Fèzhə̀.”

Matyò 26:55

Njisə̀s ə kɛsə̂ pfɨfə sê nɔ̂yn kɛ nə, “Ghàyn nyiə fɨ pə̂yn è fɛ̂tè è mbàŋsè nyiə kə ə nyiŋə ə wùə èchɔŋɔ epàm kɨ̀se kyîə miə? Tuʼmè m̀kɨ̂m m tè nyì ə Ndɛ Ètsə̀mə zaʼlə̂ ə̀ghɨ pîza ghàyn ə tàʼa kyiə mi.

Matyò 26:56

Nâʼà Pîza, ghɛ nə ghɨyn kyi se kyàyn se lwiynse ə tom ə Fèzhə̀ zɛ ə fɨ̀aʼtèsè tè nyaʼ ə Ŋwàʼlè ə̀ Fèzhə̀.” Kè sə ashìŋə̀, chùmtè èpàm sə vəynse ə tə zâ vəyn nâʼà ə̀kɨ̂m.

Ŋwàʼlè ə̀ Mâk 10:1

Njisə̀s ə ndò elùʼ nə vɛ ə tyàŋà ndûə apàs ə Njòndyâkè engyinə̂ tsô èghaʼâ ə Njondàynzè. Nɔ̂nə ghɨ̀kè ə fɨə pə̂ sê vəyn, è ve zaʼlə̂ ghənə kè kə è ndamə zaʼlə.

Ŋwàʼlè ə̀ Mâk 11:27

Njisə̀s yî chùmtè èpàm sə vəynse ə fɨnə kɛsə̂ ndùə ə Njèlusalɛ̀m. Ə tè se nyi kə̂ è kwîə ghaynə apɨəyn ə Ndɛ Ètsə̀məke, ghɨ kɔʼsə nə èshyə̀ ə ndɛ̂ Fèzhə̀ eghaʼâghè, è tyə̀ynsè sə alàŋsè, è chəʼse ə pə̀ ə pfɨfə sê vəyn nə,

Ŋwàʼlè ə̀ Mâk 12:35

Kə Njisə̀s tè zaʼle ə Ndɛ Ètsə̀mə, ə pfɨfə nə, “Kûmə̀ ghè ə tyə̀ynsè sə alàŋsè pìə nə Vɛ ə Zhə̀fè chɔʼ ndə̂m fɨ etɔ̀ŋ ə ndɛ fɔ̀yn Ndàfîtzè ə?

Ŋwàʼlè ə̀ Mâk 14:48

Njisə̀s ə pfɨfə sê ghənə nə, “Ghàyn fɨ pə̀yn è fɛtè è mbàŋsè se ko mi kə pîəm nyi wùchɔŋɔ kə ghè gha?

Ŋwàʼlè ə̀ Mâk 14:50

Chùmtè èpàm sə vəyn sekɨ̂m ə tə zâ vəyn.

Tom èchùŋ kè kə Lûk tè nyaʼ 19:47

Njisə̀s ə zhə̀tə̀ sè zɨsə̂ zaʼlə̂ ə Ndɛ Ètsə̀mə kè tuʼmè m̀kɨ̂m. Ngàŋ sə ndɛ Fèzhə̀ seghaʼâsè yî tyə̀ynsè sə esaʼse è chəʼ sə endaʼse e sè kyiŋə endom se zhwiə vəyn,

Tom èchùŋ kè kə Lûk tè nyaʼ 22:37

M piə se ghàyn nə, zɛ e kyi sə nyi kɨ kə ə nyi mə nyaʼ ə Ŋwàʼlè ə Fèzhə̀ nə zɛ kyi se kyàyn se mi ə tè nyàʼ nə, ‘ə taŋ vəyn kə wùə èmɔ̀ʼ əfètə̂ ə ghɨghe ə ghɨ kəm saʼe.’ Ze nyi nyî kûmə̀ nə naʼapi ghè vɛ ə nyi mə nyaʼ kûmə̀ mi ze kyi se kyàyn.”

Njɔyn 10:23

Njisə̀s tè ghanə tsɛ̂ Etipîə Ndɛ Ètsə̀mə mə ə tè tɔŋtə nə Etipì ə Solomùynzè.

Njɔyn 18:20

Njisə̀s ə pə̀ynsə̀ ə pìə nə, “Mə wàmnè ə ndayn sê nâʼàpî ndè, zaʼlê Zɨmze kɨ̂m tè njiə eluʼ ə ndɛ àtsɨ̂ynte è kɨsè ə Ndɛ Ètsə̀mə, elùʼ vɛ ə ghɨgh əkɨ̂m tè pə kaʼke amɔ̀ʼ. M paʼà tyəmə̂ nyaʼtə̂ pîə èghɛ zhîze.

Njɔyn 7:37

Ə tè nyi etuʼ azhi ə kwuŋsəke, mə za nyi nâʼà etuʼe kɔʼnəve, Njisə̀s ə ndwìə tyəmə ə pìə è kyə̀ ètɛ nə, “Ə pfɨ̀ŋ m̀mò zuʼsə nâʼàpî ndè è və pə̀ sê Mi kə M fo môm, ə è mɨ.

Njɔyn 8:12

Njisə̀s ə fɨnə wâmnə̀ sê ghɨə Falàsîə pîə nə, “M nyi epayn ə mbize. Ə chùmtè pîndè Mi, ə è tə tàʼa kwì alɨm pîza ə è tə kyî èpayn zɛ ə ze fo ndame.”

Njɔyn 8:2

Nâʼà pɨsə̀pɨsə̀ ə fetuʼ fəmɔ̀ʼɔfe, È və fɨnə ndûə ə Ndɛ Ètsə̀mə. Ghɨ ghəkɨ̂m ə zùŋtə̀ kyîŋə̀ nga Vəyn, È və tsɨsə̂ əchi ə zhə̀tə̀ se zaʼlə ghənə.