Ŋwàʼlè ə̀ Mâk 14:38 - Ŋwàʼlè ə̀ Fèzhə̀ Mkâyn Mə̂ Fèm

³⁸ Ghàyn e kyaʼà, tsə̂mə̀, kə ndɔ̀ʼɔ ghàyn pfɨ əfètə̂yn emɔ̀m. Təmə nyîə kɔ̂ŋə̀ se nə̀yn, pîza njà sə ewìynse e pɔylə̂.”

Ŋwàʼlè ə̀ Mâk 14:38 ပူးပေါင်းရင်းမြစ်များ

Matyò 24:42

Ghàyn epfɨ̂tə̀, kûmə̀ nə ghàyn ke va tuʼ vɛ ə Pɛ̂pɛ vâyn tə pə̀ ətəyn.

Matyò 25:13

Njisə̀s ə kwùŋsə̀ ngàyn nə zɨnə nə, “Ghàyn e pfɨ̂tə̀, kûmə̀ nə ghàyn keva tuʼfe è kɨsè shîŋə̀ kɛ ə Vâ wùə tə kɛsə pə̂ ətəyn.”

Matyò 26:41

Ghàyn e kyaʼà, tsə̂mə̀ kə mɔ̂mè pəyn sê ghàyn. M ke nə ə̀ nyi ə ghàyn ekwâʼtè, ghàyn kɔ̀ŋɔ̀ ndò se nə̀yn kə m pî, pîza njà èwìyn e pɔylə̂.”

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Ŋwàʼlè ə̀ Mâk 14:34

È və pìə sê ghənə nə, “Ghɛ nyîə fo ngəʼ ə mì ətəm nâʼà sə ŋaŋ, mə ghe kàʼa ghe zhwi mi. Ghàyn tsɨsə fâyn ə ghâsènì kyâʼ pɨ̂əyn.”

Ŋwàʼlè ə̀ Mâk 14:37

Njisə̀s ə tsə̀mə̀ mɨ̂sə̀ ə kɛsə̂ pə̂ sê chùmtè èpàm sə vəyn sɛ sèta, ə kotə̂ ghənə e pɨənə̂. È və pìə sê Pità nə, “Shimùyn, ghàyn pɨənə̂ ndò? Ghàyn vayn kàʼa ghàyn kyaʼ ghâsènì se zaʼâ chwìə emɔ̀ʼ ə?

Ŋwàʼlè ə̀ Mâk 14:39

Njisə̀s ə fɨnə ndùə sè tsə̂mə̀, pîə kə ə̀ghɛ ghɛ ə è fə piə chîə sə shi,

Tom èchùŋ kè kə Lûk tè nyaʼ 21:36

Ghà tsɨs shîŋə̀ tèkɨ̂m, pfɨ̂tə̀ kə ndo, tsə̂mə̀ nə Zhə̀fè fo tyaʼa ə ghàyn tə tɔynê əfètə̂ əghɛ nə ghɨyn ə ke tə kyànə̀. Ghàyn tə tɔynə̂ mɨ̂sə̀, ə ke se tyəm elùʼ ə saʼə Va Wùə əshi.”

Tom èchùŋ kè kə Lûk tè nyaʼ 22:40

Ghənə kɔʼɔ zaʼâ fumə, è və piə sê ghənə nə, “Ghàyn tsəm kə̂ ghàyn nji emɔ̀m.”

Tom èchùŋ kè kə Lûk tè nyaʼ 22:46

È və piə se ghənə nə, “Piə e za nyi nə ghàyn pɨənə kə ndò ə? Ghàyn ndwi ə gha tsə̂mə̀ kə̂ mômzè pəyn se ghàyn.”

1 Kɔlìŋ 16:13

Ghàyn e pfɨ̂tə̀. Ghàyn fɛte kyî èpomə̂ zaynze. Kə ghàyn ə fânə̀, ghàyn e tɛ.

Ngàleshyà 5:17

Ghɛ ghɛ ə njà ewìyn kyiŋə nyiə nô ə̀ghɛ ghɛ ə Zuʼsə Fezhə̀sè kyiŋə. Pîza ghɛ ghɛ ə Zuʼse kyiŋə e pɔŋɔ nô ghɛ ə njà èwìyn kyiŋə. Ghɛ nə ghɨyn vachi è soyn, e za nyi nə wùə vayn fɨnə nə̀yn eghɛ zɛ ə è kyiŋə se nə̀yn.

Filìpây 2:12

Ghɔnyì ghɨmghe kɔ̀ŋghè, ghàyn tè nyiə zɨə èghɛ zɛ ə m tè pìə kə m tè nyì ghâsènì. Pi zôyn kə m va ə ghàyn ə ngwùŋ, e nyîə ngəsə̂ tsɔ̂fə̀ nə ghàyn nəyn fɨ̂aʼ zɛ m tè pi nə ghàyn nəyn. Ghàyn e kyi èfâyn ə ghàyn ə fètəyn, tsosə̂ sèngɨŋ saynse əchi ə Və shi. Ghàyn momse nâʼà ètyaʼke se nə̀yn efɨaʼ zɛ ə Zhə̀fè kyiŋə nə ghàyn nəyn kə sɔza zɛ ə ghàyn nyi mə ə kyî ə nyi mə ze ə lwiyn kwəyn.

1 Pità 5:8

Ghàyn e tsɨs pfɨ̂tə̀, nyi etsɨ̂ŋnèzè, kûmə̀ nə pàyn zâynzè, mə za nyi ndə̂plè nyiə tàyntə̀ ka kə kə pìkəm, pɨa, kyiŋə wùə se zɨ̀.

Etyə̂yn ə paynsêzè 3:10

Kûmə̀ nə o zɨ lâŋ kɨmke mə ke nyi nə ò kol təmə ə fètə̂ ètsòs, M tə sɔzâ kəpi ghò ashìŋə̀ kɛ kə tsôsè pə̀yn ə mbi ekɨ̂m se mɔ̀m əghɨ ghɛ ə ghe ndamə ə chi.