Ŋwàʼlè ə̀ Mâk 14:36 - Ŋwàʼlè ə̀ Fèzhə̀ Mkâyn Mə̂ Fèm

³⁶ È və tsə̀mə̀ nə, “Pɛ̂pɛ, Pɨ̀a vɨm, ghɛ ghəkɨ̂m nyîə poynə̂ sê ghò. Njiə tsɨ̀se tsôs vɨ̂nə sê Mi. Pîza, nə̀yn kə ò kɔ̀ŋə̀, ə̀ vachi kə m kɔ̂ŋə̀.”

Ŋwàʼlè ə̀ Mâk 14:36 ပူးပေါင်းရင်းမြစ်များ

Matyò 26:39

È və kɨŋtə̂ ndûə əshi sechə, ə nyɨ̀ŋə̀ ə chi è kyaʼzè ə tsə̀mə̀ nə, “Pɨ̀a vɨm, ə e pɔynə̂ o njìə tsɨsə̀ ngəʼ zɨ̀yn sê mi! ə̀ vachi èghɛ zɛ m kɔ̂ŋɔ̀ pîza zɛ ə ò kɔ̀ŋə̀.”

Matyò 26:42

È və kɛse ndò ə ndùə sè tsə̂mə̀ pîə nə, “Pɨ̀a vɨ̂m, ə ò va se fiə tsɨ̀sè akɛ̀ ə ngəʼ kɨ̂nə̀ ə mì ətu, mə m paʼà pɨ̀aʼà kəynke, o nə̀ èghɛ zɛ ə ò kàʼa ò nəyn.”

Matyò 6:9

Ə̀ vɨnə nyi endom vɛ kə ghàyn ə tsə̂mə̀ ətəyn: Zhə̀fè, Pɨ̀a vâs vɛ ə è nyi ekwùtwəyn: Ə kɔʼsêzè ə nyi èzə zɛze,

Ŋwàʼlè ə̀ Mâk 10:27

Njisə̀s ə naynə̂ ghənə nyi ə ke pi nə, “Ghɛ nə zɨ̂nə̀ tɛ ghaʼə kə ə̀ghɨ, pîza tɛ ghaʼa va Zhə̀fè kûmə̀ nə ghɛ ghəkɨ̂m pɔynə̂ kə nyî sê Zhə̀fè.”

Ŋwàʼlè ə̀ Mâk 10:39

Ghənə ə pomə. Njisə̀s ə pìə sê ghənə nə, “Səmɔʼ ghàyn nə̀ fe ngəʼ zɛ ə m nyi se fe ə ghàyn fɨyn kwu.

Ŋwàʼlè ə̀ Mâk 14:37

Njisə̀s ə tsə̀mə̀ mɨ̂sə̀ ə kɛsə̂ pə̂ sê chùmtè èpàm sə vəyn sɛ sèta, ə kotə̂ ghənə e pɨənə̂. È və pìə sê Pità nə, “Shimùyn, ghàyn pɨənə̂ ndò? Ghàyn vayn kàʼa ghàyn kyaʼ ghâsènì se zaʼâ chwìə emɔ̀ʼ ə?

Njɔyn 12:27

Njisə̀s ə fɨnə pîə nə, “Zôyn nyî, kwâʼtè zɨmze nyîə fo ètsôs sê mi nâʼà sə ŋaŋ, m ke va nə m piə nə ghe, ‘Pɨ̀a vɨ̂m, m kaʼa m pi nə kə Ò pomə nə ngəʼ zɨ̀nə pəyn sê Mìə? Pîza ə̀ nyi kûmə èghɛ nə zɨnə mə ə M tè pəyn, kə M tə tsɛ tɔynê fa ashìŋə̀ ə ngəʼ kɨ̂yn.

Njɔyn 18:11

Njisə̀s ə pìə sê Pità nə, “Kɛse ndə̀m nyife ghɔ̀ŋ fɛfe apuʼle. Ò kwàʼtə̀ nə M kɔ̂ŋɔ̀ va se fe ngəʼ endom vɛ ə Pɨ̀a Vɨm ndə̀m nə M fe ətə̂ ə?”

Njɔyn 4:34

Njisə̀s ə pìə sê ghənə nə, “Fɨazhiə vɨmve nyi se nə̀yn efɨaʼ ə Vɛ ə È tom Mi nə M nəyn è kɨsè se mɨsè efɨ̂aʼ zɛ ə È tom nə M pəyn nəyn.

Njɔyn 5:30

M vayn kàʼa m nəyn ghɛ zhîze ə Mì atyaʼ. M saʼa kə kə Pɨ̀a Vɨ̂m pì nə M saʼ, saʼ Zɨmze nyi səmɔʼ kûmə̀ nə M saʼa chîəva kə M kɔŋə̀ sə Mì ə ngɨŋ, pîza M saʼa kə kə Vɛ È tom Mi kɔ̂ŋɔ̀ nə mə saʼa.

Ngàleshyà 4:6

Kə ghàyn se nyi ə̀ghɔyn sê Zhə̀fè, fə fo Zuʼsə Va vəynse ə ghâsènì ətəm, Zuʼsə təynse e pɨa wâmnə̀ è kyə̂ ètɛ tɔŋtə̂ Fèzhə̀ nə, “Pàpa, Pàpa vɨm.”

Filìpây 2:8

È və tə njì wiyn ə wûə m̀sɔ̀ŋve, ə tsosə̂ ngɨŋə̂ Vəyn əchi, ə pomə̂ se kwu. È və tə pomə pî se kwu, ekwu awâmnèzè.

2 Timotì 2:13

Ə ghâsènì fɨ̀aʼà va se vəyn è təm ə ghasènìghe əkɨ̂m, ə è tə pa nəyn kendò ghɛ zɛ ə è tsɨ̀nè se nə̀yn, kûmə̀ nə È vayn kàʼa ə è tə kwiynsê ngɨŋ ə̂ Vəyn.”

Taytùs 1:2

Səmɔʼ nə zɨ̂yn nə̀ nə ghənə ə ke səmɔʼ nə ghənə nyîə kyi èndam mə ze tə mîə va, mə nyi endam zɛ ə Zhə̀ fɛ ə fe wamə va tè tsɨ̀ne sê ghənə tsɔ̀fə kə pom mbi.

Ipilù 6:18

Ghɛ nə ghɨ̂nə̀ ə̀ pɛ̀ nyîə nyi, mə ghe vayn kaʼa ə ghe kwiyne, Zhə̀fè e va se wam kûmə̀ ghəynghe, kə ghe tɨmse ghâsènì ghɛ ə tə ndû ndə̂tè ə Zhə̀fè ngùŋ ə nə̀ ghâsènì e tɛ, ke səmɔʼ nə ə tə kyîə àfɨa kɛ ə naynə ndùə kəynke.