Ŋwàʼlè ə̀ Mâk 14:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Kə ghənə tè tsɨs etûə àlaŋ zhiə, Njisə̀s ə pìə sê ghənə nə, “M pìə sê ghàyn səmɔʼ nə wùə èmɔ̀ʼ ə ghàyn əfètəyn, nə̀ pəʼlə̂ mi, vɛ ghasè vəyn zhiə əmɔʼ.”

Ŋwàʼlè ə̀ Mâk 14:18 ပူးပေါင်းရင်းမြစ်များ

Matyò 26:21

Kə ghənə tè zhiə, Njisə̀s ə pìə nə, “M tsâ sê ghàyn səmɔʼ nə wùə èmɔ̀ʼ sê ghàyn nə̀ pəʼlə̂ mi.”

Matyò 5:18

M tsâ sê ghàyn səmɔʼ, kə kwutwəyn è chike tə ndamə zaʼâ pî zàyn, wùə tə kəʼsə̂ va nâʼàpî fèghɛlə̀ fɛ ə fe tətə kwûŋsə̀ əfètə̂ Àlâŋ nə kɛ, ə̀ tsɛ̂ kə va mə ghɛ ə̀kɨ̂m ə kyayn.

Matyò 6:16

“Ə̂ ghàyn pamə choze, kə ghàyn ə kosə̂ kyâʼà kə ghɨə kaŋkaŋə nə̂. Ghənə piə pamə ècho, e kosə̂ kyâʼà kə ghɨ fe nə ghənə pamə ècho. M pîə se ghàyn səmɔʼ nə ghənə kàynè kyî mâʼtè ə ghənə̂zè.

Matyò 6:2

“E za nyi nə ə ò fo fɨake sê wùə vɛ ə è kyiŋə, kə ò ghaŋsə̂ èwiyn, kèpî kə ghɨ e kaŋkaŋə nəghe ə sendɛ sə Fezhə̀sè è cho tefàfghè nə̀ nə ghɨ ghə fe ghənə. M tsâ sê ghàyn səmɔʼ nə ghɨ nə ghɨ̂yn ə kyi mɨ̂sè mâʼte ə ghənəè.

Matyò 6:5

Ə ghàyn piə tsə̂mə̀, kə ghàyn ə tsə̂mə̀ kə ghɨ ghɛ ə kaŋkaŋə nə̂. Ghənə kɔ̂ŋə̀ sə̂ ndwìə tsə̀mə̀ ə sendɛ sə atsɨ̀yntese tsəməse è kɨsè echo fàfə̀, kə nâʼà pîndè fe ghənə. M tsâ sê ghàyn səmɔʼ nə kyì əghɨ̀ ghɨ̂yn ə kàynè kyî maʼte ə ghənə̂zè ekɨ̂m.

Ŋwàʼlè ə̀ Mâk 10:15

M pîə sê ghàyn səmɔʼ nə, ə faŋ pîndè se pomə efɔ̂yn ə Fezhə̀vè kə̂ vayn èpɔ, ə è tə tàʼa nji elùʼ efɔ̀yn nə vɨ̂yn.”

Ŋwàʼlè ə̀ Mâk 10:29

Njisə̀s ə pìə sê ghənə nə, “M pîə sê ghàyn səmɔʼ nə, wùə va ə è zà pɨəyn ə vəynke, kɨ̀sə è zà pî ə̀ghɔ nyìə kɨ̀sə sètsâmtè, kɨ̀sə nyì, kɨ̀sə pɨ̀a, kɨ̀sə əghɔyn, kɨ̀sə mfûʼ kûmə̀ mi è tom èchùŋ,

Ŋwàʼlè ə̀ Mâk 14:17

Ashìŋə̀ ezhwikwɨləke, Njisə̀s ə pə̀ fu yî chùmtè èpàm sə vəynse njò sepɛ̀.

Ŋwàʼlè ə̀ Mâk 14:19

Zə nə̀ wîyn mə chùmtè èpàm sə Njisə̀s mə pɔylə̂, se sè pfɨfə sê vəyn èmɔ̀ʼ emɔ̀ʼ nə, “M kwâʼtə̀ nə vachi mi.”

Ŋwàʼlè ə̀ Mâk 14:25

M pîə sê ghàyn səmɔʼ nə m tə fɨnə mɨə va lɨ̀m mèyn se zaʼâ etuʼ vɛ kə m mɨ me fêm elùʼ efɔ̀yn ə Fezhə̀vè.”

Ŋwàʼlè ə̀ Mâk 14:9

M pîə sê ghàyn səmɔʼ nə nâʼàpî ghayn ə ndâʼà tom èchùŋ zɨ̀yn ə mbi, ə tsâ èghɛ zɛ wùzhɔyn vɨnə nə̀yn sə̂ kwâʼtə̀ vəyn.”

Ŋwàʼlè ə̀ Mâk 3:28

M pîə sê ghàyn səmɔʼ nə, ə nyi pî pi èkè kə ghɨ nə̂, ə Zhə̀fè lɛ̀se fo ghənə, fɨnə lɛ̀sè fo nâʼàpî èsôylè èkè zɛ ə ze fɨə pə̂ ə ghənə echo.

Ŋwàʼlè ə̀ Mâk 6:11

Ghànə ndùə ə tɔ̂ŋ, ə tə nə ə fiə ndzɨsə̂ va ghàyn, ə tə nə ə zɨtə̂ va ghɛ zɛ ə ghàyn pìə, ghànə ndò fumə. Ghàyn pìə ə ndô ndò, ghànə puʼə sètsɨm saynse sê ghənə, se nə̀yn nə ke nə pîə ghənə ə faŋ sê ghənə.”

Ŋwàʼlè ə̀ Mâk 8:12

Njisə̀s ə tɨ̀mnə̀ nyi ə sɔmə, ə pfɨfə nə, “Kûmə̀ ghè ə ngwàʼ zɨnə kyiŋə se fe chwìə? M pîə sê ghàyn səmɔʼ nə, ghâŋ fɨ̂nə̀ nə fe va chwìə.”

Ŋwàʼlè ə̀ Mâk 9:1

Njisə̀s ə fɨnə pîə se ghɨ nə ghɛ nə, “M pîə sê ghàyn səmɔʼ nə, ghɨ yiə tyəm ke nâʼà fayn zôyn, va se tə kwu ndɔ̀ʼɔ fe kə fɔ̂yn ə Fezhə̀vè pə̀yn ètyaʼa.”

Ŋwàʼlè ə̀ Mâk 9:41

M pîə sê ghàyn səmɔʼ nə, nâʼàpî ndè vɛ ə è fo wà mmò nə ghàyn mɨte kûmə̀ nə ghàyn chùmtə̀ mi vayn kàʼa è faŋ se kyî emâʼte ə vəynve.”

Tom èchùŋ kè kə Lûk tè nyaʼ 11:51

se zhə̀tə̀ kə è Apɛ̀l se kɔʼɔ tàyn ə Sàkàlyâ kə ə tè zhwi ə sefɨayle sə alaŋ efo ə ndɛ̂ Fèzhə̀kè. M piə sê ghàyn nə ngwàʼ nə zɨnə mə tə tsâ echo əghənəe sê Zhə̀fè.

Tom èchùŋ kè kə Lûk tè nyaʼ 22:21

M piə nyî, wùə vɛ e nə pəʼlə mi e tsɨs ke nâʼà ghasè ə vəyn elùʼ e zhiə fayn.

Tom èchùŋ kè kə Lûk tè nyaʼ 4:24

È və pìə nə, M piə sê ghàyn səmɔʼ nə, ə ndamə fiə va fɨ̀aʼtè ə Fèzhə̀ elùʼ vɛ ə è fɨ ətəyn.

Njɔyn 1:51

È və pìə sê ghənə nə, “M pîə sê ghàyn ke nâʼà səmɔʼ nə, ghàyn tə fe kə kwùtwəyn chwî, ə tsì sə Fezhə̀sè ə tsɛ̂nə̀ kə nyî kɔʼɔ, tso, tso pə̂ ə Vâ wùə ətu.”

Njɔyn 13:18

M wàmnə̀ va kûmə̀ ghàyn ə̀kɨ̂m. M ke ndô ghàyn ghɛ ə m chitê ndə̂m. Pîza, ghɛ zɛ ə nyâʼ ə Ŋwàʼlè ə̀ Fèzhə̀ kyi se pə̀yn səmɔʼ. Ə və nyaʼ nə, ‘Wùə vɛ ə è zhiə kɨŋnə ghasè vəyn, nyi mə è və fɨ̀l tsɨ̀m sê mi.

Njɔyn 13:21

Ə pə̀ kə Njisə̀s pì ghɛ nə ghɨnə nyi, kwàʼtè ə vəynze e fo ètsôs sê vəyn nâʼà sə ŋaŋ. È və ke piə paynsê sê chùmtè èpàm sə Vəynse nə, “M pîə sê ghàyn səmɔʼ nə wùə èmɔ̀ʼ nyîə nyi ə ghà əfètəyn, nyi se pəʼlə mi.”

Njɔyn 13:22

Chùmtè èpàm sə vəynse tè nyi èkaynze, kyì e naynə kyì kaynə nə è wàmnə̀ kûmə̀ ndè ə.

Njɔyn 13:38

Njisə̀s ə pfɨfə nə, “Ò kàʼa ò lote kwu kûmə̀ mi ə? M pîə sê ghò səmɔʼ nə ndom ə̀ mbvɨ nə̀ pîə è tɔŋɔ ndò, mə ò mɛ mi shîŋə̀ teta.”

Njɔyn 21:18

M piə sê ghò səmɔʼ nə, ə̀ tè nyi kə ò pa nyi vayn pɔ, o lafə, ndùə nâʼàpî ghayn kə ò kɔ̀ŋɔ̀. Pîza, ò tə twinə̀, ə ò nə̂ o nɛ̀sə̀ akɔyn kɛke, wùə ə lafsə̂ ghò, ə njiə ndùə è ghò elùʼ, mə ò kɔ̂ŋɔ̀ va.”

Njɔyn 3:11

M pîə sê ghàyn səmɔʼ nə, ghàs wàmnə̀ èghɛ zɛ ə ghàs ke, kɛsə̂ tsâ zɛ ə fe, pîza wùə vîvè ə ghàyn ə fèteyn e kɔ̂ŋə̀ va se pomə̂ tom zâszè.

Njɔyn 3:3

Njisə̀s ə pə̀ynsə̀ sê vəyn nə, “M pîə sê ghò səmɔʼ nə, wùə vayn kàʼa è nji elùʼ efɔ̂yn ə Fezhə̀vè ə̀ tsɛ̂ kə va mə ə kɛsê pîə vəyn.”

Njɔyn 3:5

Njisə̀s ə pə̀ynsə̀ nə, “M tsâ sê ghò səmɔʼ nə wùə vayn kàʼa è nji elùʼ efɔ̂yn ə Fezhə̀vè, ə̀ tsɛ̂ kə va mə ə pîə vəyn mmò è kɨsè Zuʼse.

Njɔyn 5:19

Njisə̀s ə ke pə̀ynsə̀ ghənə nə, “M pîə sê ghàyn səmɔʼ nə Vâ Fèzhə̀ vayn kàʼa è nəyn ghɛze sə və ngɨŋ, È nə̀ kə èghɛ zɛ È fe Pɨ̀a e nə̂. Ghɛ zɛ ə Pɨ̀a nə̀, ə̀ nyì kepî zəynze ə Vayn nə̂.

Njɔyn 6:26

Njisə̀s ə pə̀ynsə̀ ghənə nə, “M pîə sê ghàyn səmɔʼ nə, ghàyn kyiŋə pə̂ Mi kûmə̀ nə ghàyn tè zhi apayn ə kwaŋke, nâʼàpî ndè ə zhiə kolə, ə̀ vachi kûmə̀ ə̀ghɛ ə kayntə ghɛ M tè nəyn nə ghàyn ə kyiŋə Mi.

Njɔyn 6:32

Njisə̀s ə pìə sê ghənə nə, “M pîə sê ghàyn səmɔʼ nə, ə̀ vachi Mosîs ə è tè fo payn ə kwaŋ kɛ ə ke ndô pə̂yn ekwùtwəyn se ghàyn, ə̀ nyi Pɨ̀a Vɨ̂mvè ə è fo kàyntè àpayn ekwùtwəyn.

Njɔyn 6:47

M tsâ se ghàyn səmɔʼ nə, vəyn vɛ è pomə kyi endam mə ze tə mîə va.

Njɔyn 6:70

Njisə̀s ə pə̀ynsə̀ sê ghənə nə, “Ə̀ tè chɔʼ mi ghàyn njòse pɛ̀, mə va zamə? Pîza wùə èmɔ̀ʼ ə ghàyn ə fètəyn nyi ndə̂plè.”