Ŋwàʼlè ə̀ Mâk 12:28 - Ŋwàʼlè ə̀ Fèzhə̀ Mkâyn Mə̂ Fèm

²⁸ Tyə̀ynsè alâŋ vîvè tè nyì fu ə zɨə kə ghənə saʼnə̂ ghɛ. È və fe nə Njisə̀s ə tɔ̀ʼ pə̂ynsè ghɨə Sandùsîə, ə ke pfɨf sê Njisə̀s nə, “Ə̀ nyi alâŋ àkè əfètə̂ èlwɔ̀ŋ èkɨ̂m ə ke tsɛ̂ lwɔ̂ŋvè ekɨ̂m ə?”

Ŋwàʼlè ə̀ Mâk 12:28 ပူးပေါင်းရင်းမြစ်များ

Matyò 19:18

Wùə ə̀təyn ə pfɨfə sê Njisə̀s nə, “Elwɔ̂ŋ èkwə̀?” Njisə̀s ə pìə nə, “Kə wùə zhwi wùə, kə wùə nyiŋə è zhwîə wùə kɨ̀sə ndom ə̀ wùə, kə wùə chɔŋ, kə wùə tyə̂m tsɛ̀ saʼ àkaŋ,

Matyò 23:23

Ngəʼ èghaʼâ nyì sê ghàyn ə tyə̀ynsè sə alàŋsè è ghɨə Falàsîə! Ghàyn ghɨnə ə ghàyn kaŋkaŋa nə̂ ghɛ nyî. Ghàyn njiə m̀fɨatə̀ mê lɨ̀mtə̂ mɛ ə ndə̂mə̀ əfètəyn èfɨazhiəve, ghàyn ə fo àmɔ̀ʼ sê Zhə̀fè ə fètə̂ èfɨa èghɨm. Pîza ndə̂mə̀ va tuke se nə̀yn eghɛ zɛ lâŋkè tsà. Pîza ə zàmaʼà ə̀ghɛ əchûŋ ghɛ ə lâŋkè zaʼlə mə nyi nə wùə kyi sə̂ nyi chichi sê ghɨ mɔ̀ʼɔ, kosə̂ esəyn, nyi se pomə̂ se Zhə̀fè. Ghàyn kyi sə̂ nə̂ ə̀ghɛ nə ghɨnə̀ ə̀kɨ̂m zâ fɨsə̂ va zhîze.

Matyò 5:19

Zôyn, pîndè vɛ ə è kim lâŋ etətə̂kè amɔ̀ʼ elwɔ̂ŋ ə Fezhə̀ nə vɛ, nâʼàpî kɛ ghənə kwâʼtə̀ nə ke kɔʼnə̂ va, è fɨnə zaʼlə̂ kəpî ə̀ghɨ nə ghə nə̂ eghɨ nyiə mə, kyì ə wûə nə vɨnə tə nə̂ ə è və nyi wùə èkwùŋsə əfètə̂ ghɨ̀ ghɛ ə ghe nyi ekwùtwəyn. Pîza nâʼà pîndè vɛ è nə̀ ghɛ zɛ ə lâŋkè pìə, kɛsə̂ zaʼlə̂ ə̀ghɨ mɔ̀ʼɔ nə ə nə̂ kəpì eghɨ nyiə mə, è tə nə̂ ə è və nyi wùə engɨsə kɔʼnə əfètə̂ ghɨ̀ ghɛ ə ghe nyi ekwùtwəyn.

Ŋwàʼlè ə̀ Mâk 9:14

Ə pə̀ kə ghənə kɛse pə̂yn elùʼ vɛ ə chùmtè èpàm sə Njisə̀s sə mɔ̀ʼɔse tè nyi ə kotə̂ mə nɔ̂ynkè ə kyɨ̀ŋ nga ghənə. Tyə̀ynsè sə alàŋsè e saʼnə̂ yî ghə̀ ghənə.

Tom èchùŋ kè kə Lûk tè nyaʼ 11:42

Ngəʼ èghaʼâ nyi sê ghàyn, ghɨə Falàsîə, kûmə̀ nə ghàyn njiə mfɨà mə èlɨ̀mtə̂ mɛ ə m̀ fɨə ə ghàyn ə mfùʼ, ghà chyâtè luʼ teghɨm, ə fo elùʼ emɔ̀ʼ sê Zhə̀fè, pîza nə̂ va ghɛ ghɛ ə ghe nyi chichi sê ghɨə mɔʼɔ, kyi va kɔ̂ŋ sê Zhə̀fè. Ghàyn fè nyi sə̂ nə̂ əghɛ nə ghɨyn, tsas ə va zhize.

Tom èchùŋ kè kə Lûk tè nyaʼ 20:39

Njisə̀s ə wàmnə̀ mɨ̂sè, tyə̀ynsè sə esaʼ shise ə piə sê vəyn nə, “O wàmnè kè nâʼà achûŋ ə tyə̀ynsè.”