Ŋwàʼlè ə̀ Mâk 12:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Njisə̀s ə ke pì nə, “Ghàyn fo sê Kaysà fɨa kɛ ə̀ kyi Kaysà, ə fo se Zhə̀fè fɨa kɛ ə̀ kyi Fezhə̀.” Wâmnè ə vəynze ə nə̀, choze ə zomə ghənə.

Ŋwàʼlè ə̀ Mâk 12:17 ပူးပေါင်းရင်းမြစ်များ

Matyò 22:21

Ghənə ə pə̀ynsə̀ nə, “Ə̀ nyi zə Kaysàzè.” Njisə̀s ə ke pì sê ghənə nə, “Ghàyn fo sê Kaysà fɨa vɛ ə kyi Kaysà, ə fo sê Zhə̀fè fɨa vɛ ə kyi Fezhə̀.”

Matyò 22:22

Kə ghənə tè zɨ zɨnə mə, cho ə ghənə̂ghè ə zomə, ghənə ndò zâ vəyn.

Matyò 22:33

Ə pə̀ kə nɔ̂ynkè zɨ zaʼlê ə Vəynze, nyi è kaynze.

Matyò 22:46

Wùə e sè fɨnə pə̀ynsə̀ va Njisə̀s. Se zhə̀tè fumə ə fetuʼ, wùə ə tàʼa fɨnə tyəmə mɔ̀msè se pfɨf epfɨf sê Njisə̀s.

Matyò 8:10

Kə Njisə̀s tè zɨ ghɛ zɛ ə è pì, choze ə zomə vəyn. È və pìə sê ghɨ ghɛ ə ghe tè kwiə ə vəyn epàm nə, “M piə sê ghàyn səmɔʼ nə, m pâʼà nyìəm fe wùə ə Isìlây, è kyi èkyî epomə̂ zɨ̂yn.

Ŋwàʼlè ə̀ Mâk 12:16

Ghənə ə njî pə̂ è vəyn, è və pfɨfə nə, “Ə̀ zɨnə nyi ekyàʼ ə ndeze ə? Ə zɨnə nyi ezə nde zə?” Ghənə ə pə̀ynsə̀ nə, “Ə̀ nyi ekyâʼ ə Kaysàzè.”

Ŋwàʼlè ə̀ Mâk 12:30

Kɔ̀ŋ Pɛ̂pɛ Zhə̀ fɛfe è təm ghɛghe əkɨ̂m, è zuʼ sɛ sekɨ̂m, è kwâʼtè zɛ zekɨ̂m, è tyaʼ kɛke akɨ̂m.›

Tom èchùŋ kè kə Lûk tè nyaʼ 20:25

Njisə̀s ə se pi nə, “E za nyi nə, ghàyn nə fo kə efɨa ə fɔ̀yn sê fɔ̀yn, fo kə efɨa ə Fezhə̀e sê Zhə̀fè.”

Ŋwàʼlè ə̀ Pɔ̂l sê ghɨə Lûmghè 12:1

Nyiəmə ə ghɔnyì ghɨmə, m chyatə̂ ghàyn, kûmə̀ èkosê esəyn ə Fezhə̀ eghaʼâzè sê ghâsènì, ghàyn fo ngɨŋ saynse kə efo zɛ ə ze kyi ndamze sê Zhə̀fè. Ə fo nə zɨnə mə ə nyi è ŋwaʼze kə fɨ̂aʼ zaynze ə nyi chichi ə və shi. Ə̀ zɨnə nyi engɨmnê ə səmɔʼ zɛ ə ghàyn kyi sə̂ ngɨmnə̂.

Ŋwàʼlè ə̀ Pɔ̂l sê ghɨə Lûmghè 13:7

Ghàyn ndaʼ se tu endaʼve fɨa kɛ ə ghàyn kyi se ndàʼ sê ghənə. Ghàyn maʼ ŋwàʼlè se ghɨ ghɛ ə ghe kyiŋə nə ghàyn maʼ ŋwàʼlè, ə̂ nyi ekɛ se ndàʼ kûmə̀ afɨa kə ghàyn kyi, ghàyn ə ndàʼà. Ghàyn e fo èkɔʼsê se ghɨ ghɛ ə nyi se fo èkɔʼsê se ghənə, è ngɨmnêzè sê ghɨ ghɛ ə nyi se ngɨmnə ghənə.

Ŋwàʼlè ə̀ Pɔ̂l sê ghɨə Lûmghè 6:13

Ghàyn kiva sə̂ zâ apâs kayn kyîke əfètə̂ ghɛ pighe, kyi kepî va sə̂ njiə kəynke nə̂ ə̀ghɛ əpighe ətəyn. Pîza ghàyn pɨl fo sèngɨŋ saynse sê Zhə̀fè kə ghɨ ghɛ ə nyi mə ə fɨsê ghənə ekwu, ə fo ghənə èndam efeze. Ghàyn fo nâʼà èwiyn vaynve ekɨ̂m ə Zhə̀fè ə gho, kə è tə nəyn ə ghàyn ə nə̂ ə̀ghɛ ghɛ ə ghe nyi chichi ə Zhə̀fè əshi.

1 Pità 2:17

Ghàyn e ngɨmnə̂ kə əghɨ ə̀kɨ̂m, kɔ̀ŋɔ̀ sèngɨŋ saynse kə ghɨ ə pomə, fânə̀ Fèzhə̀, fɨnə ngɨmnə̂ Fɔ̀yn Èghaʼâ vɛ ə è saʼa ghàyn.