Ŋwàʼlè ə̀ Mâk 10:33 - Ŋwàʼlè ə̀ Fèzhə̀ Mkâyn Mə̂ Fèm

³³ È və nə ə pìə nə, “Ghàyn ke nə ghâsènì kɔʼɔ ndûə ə Njèlusalɛ̀m zôyn nyî, e kyi se ndùə fo Va Wùə sê ghɨ kɔʼsə nə èshyə̀ ndɛ̂ Fèzhə̀ e ghaʼa, è tyə̀ynsè sə alàŋsè nə ghənə tsɛse lâŋkè nə è kyi se kwu, ə fɨyn nji fo vəyn sê tumve,

Ŋwàʼlè ə̀ Mâk 10:33 ပူးပေါင်းရင်းမြစ်များ

Matyò 16:21

Se zhə̀tè fumə ashìŋə̀ se ndù əshi, Njisə̀s ə zhə̀tə̀ se tsàyn sê chùmtè èpàm sə vəynse nə, “M kyi se ndù ə Njèlusalɛ̀m. Ə̀ nyì fumə kə m nə̀ zɨə ngəʼ ètsɨə ə chəʼse əgho, è ghɨ kɔʼsə nə eshyə̀ engaŋtə, è tyə̀ynsè sə alàŋsè. È və pìə nə ə nə̀ zhwiə Mi, epàm mə̂ m̀tuʼ mta, ə m kɛse zômə̀.”

Matyò 26:66

È və ke pfɨf sê ghənə nə, “ghàyn kwàʼtə̀ nə ghe ə?” Ghənə pìə kə əkɨ̂m nə, “È və pfɨ̀ saʼ mə e kyi ke se kwu.”

Matyò 27:2

Ghənə ə ndzɨsə vəyn ə sechaʼ, ə pàʼlə̀ ndûə fo tsɛsə̀ vəyn ə Paylɛ̀t əgho ə wùə vɛ ə wùə eghaʼâ endaʼa Lûmzè tè ndəm nə è və chisə̂ ə̀ghɨ apàs endaʼa Njòndyâkè fumə ashìŋə̀.

Ŋwàʼlè ə̀ Mâk 14:64

Ghànə zɨ kə è soylè Zhə̀fè. Ghàyn kwàʼtə̀ nə ghe?” Ghənə ə pìə kə ə̀kɨ̂m nə, è kyi se kwu.

Ŋwàʼlè ə̀ Mâk 15:1

Tuʼve ə zo ghɨ kɔʼsə nə eshyə̀ engaŋtəghe, è ghɨ ghaʼlə̂ghè endaʼ, yî tyə̀ynsè sə alàŋsè, è ghɨə sesaʼ ghəkɨ̂m, ə zùŋtə̀ ə kyîə àtsɨ̂ynte. Ghənə ə kolə Njisə̀s è chaʼse ə ndùə fo vəyn ə Paylɛ̀t ə gho.

Ŋwàʼlè ə̀ Mâk 8:31

Njisə̀s ə zhə̀tə̀ sè zaʼlə̂ ə sechùmtè èpàm sə vəynse nə, “Va wùə kyi se fe ngəʼ èghaʼâ. Ə chəʼse yî ghɨ kɔʼsə nə eshyə̀ ndɛ̂ Fèzhə̀ghe ghaʼâghè, è tyə̀ynsè sə alàŋsè tə vəyn. Ə zhwi vəyn, ə ə̀ nyi ə mtuʼ mta ə è kɛse zômə̀.”

Ŋwàʼlè ə̀ Mâk 9:12

È və pìə sê ghənə nə, “E nyi ke nâʼà səmɔʼ nə Èlanjà pə̂ ndò sə shi, se pɨaʼtə nâʼà əghɛ ə̀kɨ̂m. Pîza, kûmə̀ ghè ə nyâʼ ə Ŋwàʼlè ə̀ Fèzhə̀ nə Vâ Wùə nə fe ngəʼ nâʼà sə ŋaŋ, ə fɨyn kwiynse nə è va afɨa ə?

Ŋwàʼlè ə̀ Mâk 9:31

kûmə̀ nə ə̀ tè nyi zâ, è ve zaʼlə̂ sèchùmtè èpàm sə vəynse pîə sê ghənə nə, “Ə nə̀ fo Vâ Wùə sê ghɨə, ə zhwi vəyn, ə epàm ə mtuʼ mta, ə è kɛse zômə̀.”

Tom èchùŋ kè kə Lûk tè nyaʼ 23:21

Pîza ghənə ə pɨaytə̂ ndùə kə əsi, piə kə nə, “Ə payntə̂ və awâmnè, ə paynte və awâmnè!”

Tom èchùŋ kè kə Lûk tè nyaʼ 9:22

ə fɨnə piə nə, “Va Wùə kyi ke nâʼà se fe ngəʼ èghaʼâ, nə chəʼse yî ghɨkɔʼsə nə eshyə̀ engaŋtəghe è tyə̀ynsè sə alàŋsè tə vəyn, ə zhwi vəyn, ə sè nyi sə mtuʼ mta, ə è kɛse zômə̀.”

Njɔyn 18:28

Nâʼà pɨsə̀pɨsə̀, ə njîə Njisə̀s ə Kayfàs apɨəyn, ə ndùə è Vəyn ə tu apàs endaʼke ə tɔʼ. Ghɨ Njûs ə ghaʼâghè ə tàʼa nji fumə tɔʼ, kûmə̀ nə ghənə tè kyiŋə se lotə ndə̀mə sengɨŋ sə ghənə̂sè nə sə nyi èzoze ə Zhə̀fè əshi kè kə ndam endaʼze tyə̂nə̀, endom sə nyi èpɨaʼtêzè se zhi ezaʼa tsɛze.

Njɔyn 18:32

Ghənə tè pi nyi se lwiynse eghɛ zɛ ə Njisə̀s tè pi kûmə̀ èkyì ekwu zɛ ə È tè kyi se kwu.

Njɔyn 19:11

Njisə̀s ə pə̀ynsə̀ nə, “Ò kyi va tyaʼ kyîke ə Mì ə tu ə̀ tsɛ̂ kə va mə ə̀ fo Fezhə̀ kəynke sê ghò. Wùə vɛ ə è fo tsɛsè Mi se ghò ə nə̀yn kàyntè ə̀ pi.”

Ətefɨ̂aʼ 13:27

Ghɨ ghɛ ə ghe ndamə ə Njèlusalɛ̀m è ghɨə ghənə̂ ghe chisəghe tè keva nə Njisə̀s nyi Sɔ̀zà, fɨnə zɨə kêva ghɛ ghɛ ə fɨ̀aʼtè se ghaʼâsè tè nyàʼ ndəm, e tɔŋɔ kə ə ghənə mtuʼ me ndaʼm̀ m̀kɨ̂m. Nâʼàpî ghənə tè nə̀yn nə ghɛ ghɛ ə fɨ̀aʼtèsè tè tsàyn ndəm nə ze tə kyâynə̀ kè kə ghənə tè pi nə ə tə zhwiə Njisə̀s.

Ətefɨ̂aʼ 20:22

M sè ndùə ə Njèlusalɛ̀m zôyn kûmə̀ nə Zuʼse Ŋwaʼase kyiŋə nə m ndu fu, ke va nə, ə ndùə kyânə̀ ghè sê mi fu ə.

Njə̂m 5:6

Ghàyn ə nə̀yn nə ghɨə saʼa pi nə ghɨ ghɛ ə nyi ndɔ̀ʼɔ nəyn ghɛ epize nyi mə ə nə̀yn pi, ə vɛ zhwi ghənə mə ghənə paʼà ŋaʼsê cho ə ghənə̂ghè se pì eghɛ.