Ngàleshyà 6:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Kə ghâsènì nə pɔ se nə chùŋ, kûmə̀ nə ghâsènì tàʼa pɔ, ə shîŋə̀kè tə kwəyn, ə ghâsènì kwi, mə nyi emaʼtè ə ghasènìve.

Ngàleshyà 6:9 ပူးပေါင်းရင်းမြစ်များ

Matyò 10:22

Ghɨghə əkɨ̂m tə pânə̀ ghàyn ə mì ezə. Pîza mə ə kol pîndè təmə se nduə tàyn ə mɨ̀se ə è tə kyî èzɔzaze.

Matyò 24:13

Pîza, mə ə wəynse pîndè zɨə ngəʼze kûmə̀ Mi se nduə tàyn ə kwùŋse, ə è zhi fɨ.

Matyò 25:17

Kèpî famə endom, vɛ ə è tè fi kamse pɛ̀ ə kyîə kwəynsə̂ sèkam səmɔ̀ʼɔ sepɛ̀.

Matyò 9:19

Njisə̀s ə ndwìə è chùmtè èpàm sə vəynse ə chumtə̀ wùə ə̀təyn.

Ŋwàʼlè ə̀ Mâk 3:3

È və pìə sê kwuə àkɔyn nə vɛ nə, “Tsɛ fɨ pə̀yn əshi fàyn.”

Tom èchùŋ kè kə Lûk tè nyaʼ 18:1

Njisə̀s ə fɨnə mɛ̂ kəpî ngàyn zhizè sê chùmtè epàm sə vəynse se zaʼlê ə ghənə nə ghənə kyi sə̂ tsə̂mə̀ kə shîŋə̀ tekɨ̂m, pɔ va.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

2 Kolìŋ 4:1

Zhə̀fè ə Vəyn ekosê esəynze ə fo fɨ̂aʼ zɨ̀yn nə ghâsènì nəyn, kûmə̀ zɨnə mə, ghâsènì kyi ndô təm ə təynghe se nə̀yn efɨaʼ ətəynze.

2 Kolìŋ 4:16

Ə̀ za nyi eghɛ zɛ ə ghàs pɔ va sə̂ nə̂ èfɨ̂aʼ nə zɨ̂yn. Naʼapi kə njà sewìyn sasse pɔylə ndùə, zuʼ sas se e tɛ nduə kə èshike.

2 Kolìŋ 9:6

Ghàyn kyi sə̂ ke nə ə̀ zho pî ndè se tətê, ə è tə kwi kepî se tətê, ə zho pî ndè se tsɨ̀, ə è tə kwi kepî se tsɨ̀.

Ɛfesùs 3:13

Ə̀ za nyi eghɛ zɛ ə m pìə sê ghàyn nə kə ghàyn pɔ kûmə̀ ètsôs vɛ ə ghàyn zɨə nə m fe ndò kûmə̀ nə m ndaʼà tom èchùŋ sê ghàyn ghɨ ghɛ ə̀ vachi ə̀ghɨ ə Njûsghè. Ghàyn kyi sə̂ ke nə ghɛ ətəynze ndùə kə sə ghàyn ə chùŋ.

2 Tèsàlonikà 3:13

Sê ghàyn ə ghɔ nyiə, kə ghàyn tə pɔ sə̂ nə̂ ə̀ghɛ ə chûŋghè.

Ipilù 12:3

Ghàyn e kwâʼtə̀ endom vɛ ə Njisə̀s tè fe tsôsvè ətəyn əgho ghɨ̀ ghɛ ə piə ətəyn pîza kolə kə ndò təmə. Ghàyn e tɔ̂ʼnə̀ kə ndɔ̀ʼɔ ghɛze tə tâsè ghàyn ə ze nəyn ə ghàyn ə fɨnə samsə̂ va Zhə̀fè.

Ipilù 12:5

Kə ghàyn lɛse wàmnè zɛ ə Zhə̀fè tè wàmne se tɨ̀msə ghàyn kə əghɔ vəynghe. Wâmnè ətəyn tè nyi nə: “Vayn vɨ̂m, ə Pɛ̂pɛ piə ə è chwìtə̀ ghò, ò tɔ̀ʼɔ̀ zɨtə̂. Ə è piə pusə ghò kə Pɛ̂, kə ò zɨə àpi,

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

Njə̂m 5:7

Ghàyn e wəynsə kə ndò wiynve ə ghɔnyì ghɨmə se zaʼâ kə Pɛ̂pɛ tə kɛse pə̂yn. Ghàyn fe kə wùə afûʼ fə̀ fûʼ ə vəynke ə zho, è ve wəynsə kə ndò wiynve se zaʼâ kə fɨazhiə vəyn ve chûŋvè ndəmə. È kyi se kol ətəm se lɨmtê kə pìŋ pfɨ, è kɨsè ghol etsɨə zɛ ə ze nə̂ tso tsɔ̀fə kə kwi.

1 Pità 2:15

Ghɛ zɛ ə Zhə̀fè kyiŋə nyi nə ghàyn ə nə̂ ə̀ghɛ əchûŋghè endom nə vɨ̂yn kə ndam zaynze nəyn kə cho ə ngô əghɨ̀ ghɛ ə tsɨ̂nə̀ wâmnə̀ kə ndô ghɛ zɛ ə ghənə keva kɨm mɔŋ.

1 Pità 3:17

E pɨlə tsɔ̂fə̀ sə̂ fe ngəʼ kûmə̀ ə̀ghɛ chûŋə̀ kə wùə nə̂, ezhoghɛ ə̀ nyi eghɛ zɛ ə Zhə̀fè kyiŋə̀, tsɛ̂ sə̂ fe kûmə̀ ə̀ghɛ piə.

1 Pità 4:19

E za nyi nə ghɨ ghɛ ə ghe fê ngəʼ, mə ə̀ nyi ekɔ̂ŋ ə Fezhə̀zè nə ghənə fe ngəʼ, kyi se fo kə sèngɨŋ sə ghənə̂sè nâʼà sèkɨ̂m se Zhə̀ fɛ ə fe pom ghənə, ə ghənə faŋ ə nə̂ kə chùŋ.

Etyə̂yn ə paynsêzè 2:17

Ə̀ kyi pîndè tùŋneve, è və zɨtə̂ èghɛ zɛ ə Zuʼse Ŋwaʼase pìə sê ndɛ sə Fezhə̀sè. Ə̂ nò zhi pîndè pi, ə m fo fɨazhiə e ndətə vîve se vəyn, e tɔŋtə̂ nə manà, ə m fɨyn fo èchi fɨfə zhîze se vəyn mə ə nyàʼ zə e fe zhîze ətəyn, wùə vîvè e ke va, ə̀ tsɛ̂ kə va wùə vɛ ə m fo chi ətəyn se vəyn.›”

Etyə̂yn ə paynsêzè 2:3

M ke ndô nə ò nyiə kolə ə̀təm, fe ètsôs, ve tsɨ̀ə kə nyî kûmə̀ mi, pɔ va.

Etyə̂yn ə paynsêzè 2:7

Ə̂ kyi pîndè tûŋneve, è və zɨtə̂ èghɛ zɛ ə Zuʼsə Fezhə̀sè pìə sê ndɛ sə Fezhə̀sè. Ə̂ nò zhi pîndè, ə m fo vəyn èndomve kə è kwɨl tam ə fekàʼ fə endam fɛ ə fe ndəmə ə Zhə̀fè afùʼ mtamke.”