Ngàleshyà 6:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ə Pɔ̂ynè ə Fèzhə̀ è kosê esəynze ə nyi sê ghɨ ghɛ ə chûmtə̀ zaʼlê zɨ̂nə̀, è kɨsè se ghɨ Fezhə̀ ghəkɨ̂m.

Ngàleshyà 6:16 ပူးပေါင်းရင်းမြစ်များ

Njɔyn 1:47

Kə Njisə̀s fe Nàtanyèl e pə̂ se Vəyn, È və wàmnə̀ kûmə̀ vəyn ə pìə nə, “Ə̀ vɨ̀nə nyì ke nâʼà kàyntè ə̀ wùə Isìlây səmɔʼ pìə nə kaŋke va ətəyn.”

Njɔyn 14:27

Pɔ̂ynè nyi afɨa kɛ M zâ sê ghàyn, ə nyi zɨ̂mè nə pɔ̂ynè zɛ M fo se ghàyn. M fo va zə̂yn sê ghàyn endom vɛ ə mbi fo ətəyn. Kə ghàyn ə kyi èfɨmsê, kə ghàyn ə fânə̀.

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Ŋwàʼlè ə̀ Pɔ̂l sê ghɨə Lûmghè 1:7

M nyâʼà ŋwàʼlè zɨ̀yn sê ghàyn əkɨ̂m endaʼ ə Lûmzè, ə ghàyn ghɛ ə Zhə̀fè kɔ̀ŋɔ̀, nyi mə Fe ə tɔŋɔ nə ghàyn ə nyi ə̀ ghɨə Vəynghe. Ə Zhə̀fè, Pɨ̀a sê ghâsènì yî Pɛ̂pɛ Njisə̀s Klâys, fo ghàyn fùʼkè è pɔ̂ynè.

Ŋwàʼlè ə̀ Pɔ̂l sê ghɨə Lûmghè 4:12

Zɨnə mə tè nyì kə è və nyi kepî pɨ̀a ə̀ghɨ̀ ghɛ ə nyi mə ə se nam ə ghənə̂ghè, mə ghənə ə pomə kepî Zhə̀fè eghɨ kə pɨ̀a ghâsènì tè pomə ndɔ̀ʼɔ nyiəm se ə̀nam ə vəynghe.

Ngàleshyà 1:3

Ə Zhə̀fè, Pɨ̀a yî Pɛ̂pɛə ghâsènì Njisə̀s Klâys fo ghàyn è fùʼkè è pɔ̂ynè.

Ngàleshyà 3:29

Ə ghàyn nyi əghɨ Klâysə̀, ə ghàyn ə nyi əghɔyn sê Aplàghâm, ə ghàyn tə kyî àfɨa kɛ ə Zhə̀fè tè tsɨ̀ne sê ghɔyn ə vəynghe.

Ngàleshyà 5:16

M kyiŋə se pì sê ghàyn nə, ghàyn za Zuʼse Ŋwaʼase, ə sə chisə̂ ghàyn. Ə ghàyn nə̀yn nyi, ə ghàyn ə fɨnə nə̂ va ghɛghe ə njà èwìyn kyiŋə.

Ngàleshyà 5:25

Zôyn kə ghâsènì ndamə kûmə̀ Sèzuʼ, ghâsènì kyi sə̂ kwîə kə endom vɛ ə se chisə ghâsènì ətəyn.

Ɛfesùs 6:23

Zhə̀fè, ə Pɨ̀a yî Pɛ̂pɛ Njisə̀s Klâys nyiə fo pɔ̂ynè sê ghɔnyiə e kɔ̂ŋ ə nə̂ nə zaʼnə̂ kə ə Fəynfe ewìyn.

Filìpây 3:16

Ghâsènì kyi sə̂ nə̂ kə èghɛ zɛ ə Zhə̀fè tyə̀yn nə ghâsènì ə nə̂.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

Filìpây 4:7

Ə ghàyn nə̂ nyi, ə Zhə̀fè nəyn ə ghàyn ə nyi è pɔ̂ynè, ə pɔ̂ynè zɛ è ngaŋtə tsɛ̂ ndom vɛ ə wùə m̀sɔ̀ŋ kàʼa è kwaʼte ətəyn. Pɔ̂ynè tə tsâmtə̀ ghàyn nə ghàyn ə kyi va fɨmsêzè kûmə̀ nə ghàyn nyi əghɨ ə Njisə̀s Klâysghè.

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,

Njût 1:2

M tsə̀mə̀ nə Zhə̀fè ndu ke èshike se fo ghàyn èkosê esəynze, è pɔ̂ynè, è kɔ̂ŋzè setsɨ̀ setsɨ̀.