Ngàleshyà 6:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Nâʼàpî ə̀ghɨ ghɛ ə ghe se nam ə ghənə̂ghè ndə̀mə̀ pîə va lâŋkè pîza, kyiŋə kə nə ə se nam ghaynghe kə ghənə nə kwiə pfɨ̀ynə̀ fètwɔ̀ʼ, nə ghàyn ə pomə nə ə se nam ghaynghe.

Ngàleshyà 6:13 ပူးပေါင်းရင်းမြစ်များ

Matyò 23:15

Ngəʼ èghaʼâ nyì sê ghàyn ə tyə̀ynsè sə alàŋsè è ghɨ Falàsîə, ghàyn ghɨ kaŋkaŋa nə ghɨ̂yn! Ghàyn tyàŋà tènjwî tə fengwaŋte, kwîə ə tendâʼà ə tendâʼà kè se nə̀yn nə wùə èmɔ̀ʼ zɨ ə è chumte ghàyn. Mə shîŋə̀ kɛ ə è pomə ghàyn ə nə̀ vəyn è fiə ètsə̂fsè e tsɨ̂ə tsɛ̂ zayn shîŋə̀ tepɛ̀ se ndù elùʼ ewùs.

Matyò 23:23

Ngəʼ èghaʼâ nyì sê ghàyn ə tyə̀ynsè sə alàŋsè è ghɨə Falàsîə! Ghàyn ghɨnə ə ghàyn kaŋkaŋa nə̂ ghɛ nyî. Ghàyn njiə m̀fɨatə̀ mê lɨ̀mtə̂ mɛ ə ndə̂mə̀ əfètəyn èfɨazhiəve, ghàyn ə fo àmɔ̀ʼ sê Zhə̀fè ə fètə̂ èfɨa èghɨm. Pîza ndə̂mə̀ va tuke se nə̀yn eghɛ zɛ lâŋkè tsà. Pîza ə zàmaʼà ə̀ghɛ əchûŋ ghɛ ə lâŋkè zaʼlə mə nyi nə wùə kyi sə̂ nyi chichi sê ghɨ mɔ̀ʼɔ, kosə̂ esəyn, nyi se pomə̂ se Zhə̀fè. Ghàyn kyi sə̂ nə̂ ə̀ghɛ nə ghɨnə̀ ə̀kɨ̂m zâ fɨsə̂ va zhîze.

Matyò 23:3

E za tyə̀nə̀ nə ghàyn kyi ke sə̂ nə nâʼàpî ghè vɛ ghənə pî nə ghàyn nəyn. Pîza, kə ghàyn tə seyne èndam əghənə̂zè kûmə̀ nə ghənə nə̂ va ghɛ ghɛ ə ghənə zaʼlə̂.

Tom èchùŋ kè kə Lûk tè nyaʼ 5:38

Ə kyi ke se ndə̀m mlɨ mê pɔ̂m ə tə̂ m̀shɔʼ mê fêm.

1 Kɔlìŋ 3:21

E za nyi nə kə wùə nə ghaŋsê èwiyn kûmə̀ wùə m̀sɔ̀ŋ, kûmə̀ nə Zhə̀fè ə fo ke fɨave ekɨ̂m sê ghàyn,

1 Kɔlìŋ 5:6

Ghaŋsê ewìyn zayn zɨnə̀ tsɔ̀fə̀ va. Ghàyn ke nə fèsə̀ʼ fe tətə̂fè nyiə nə̂ panə kwaŋke əfètə̂ àkaŋ eghaʼâkè e kɔʼɔ?

2 Kolìŋ 11:18

Kə ghɨə tsɨəghe pfɨ̂nə̀ ngàŋtèkè endom vɛ ə ghɨə mbiə pfɨnə̀, m nə̀ pɔŋə pfɨnə̀ kə zamə.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

2 Pità 2:19

Ghənə tsɨ̂nə̀ se ghɨ nə ghɨ̂yn nə ghənə fɨyn va èkɔ̂s, pîza nyi èkɔ̂s è ngɨŋ sə ghənə̂sè sê ghɛ ghɛ ə njà sewìyn sə ghənə̂sè kyiŋə. E nyi nyî kûmə̀ nə nâʼàpî àkè kɛ ə ke chisə wùə, è nyi akɔ̂s se fɨa nə kɛ mə.