Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ngàleshyà 5:22 - Ŋwàʼlè ə̀ Fèzhə̀ Mkâyn Mə̂ Fèm

22 Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

အခန်းကိုကြည့်ပါ။ ကော်ပီ




Ngàleshyà 5:22
44 ပူးပေါင်းရင်းမြစ်များ  

“Sə kyi àtam echûŋkè, ò kyi sə̂ kyi fèkaʼ fechûŋfè; ə ò kyi kâʼfe pife, ə kaʼ fɛ ə fe mu tam ətəynke ə nyi fèkaʼ fe pife. Ə kê fèkaʼ tɔynə̂ atam kɛ ə fe muə.


Twɔmve ə muə ətəyn ə pìŋ è pə, ə za, pîza ə tàʼa mu, ə kwə̀ màʼà.›”


Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.


È tsɔynə màʼa nâʼàpî ngɔyn èkè ə Mì ewìyn zɛ ə è muə va twɔmve, fɨnə chɔʼtə̂ tsɨsə̀ sèngɔyn sɛ ə se muə va twɔmve, kə fə zo kɛsə̂ muə ètwɔm etsɨəve


M nyi fekâʼ, ghàyn nyi sèngɔyn. Ghɨ ghɛ ə faŋ ə mì ewìyn, mə faŋə sê ghənə, tə muə ètwɔm ve tsɨ̂ə kə nyi. Ə va mi, ghàyn vayn kàʼa nəyn ghɛ zhîze.


Ə̀ vachi se zhi efɨazhiəve, kɨ̀sə se mɨ mlɨ̂ ə ze kyi m̀kɔʼnè elùʼ efɔ̀yn ə Fezhə̀vè. Ghɛ ghɛ ə ghe kyi m̀kɔʼnè nyì sə̂ nyi chichi ə Zhə̀fè əshi, sə kyi pɔ̂ynè, è saŋnê zɛ ə ze ndô pə̂ sê Zuʼse Ŋwaʼase.


Ghɔnyì ghɨmə, nâʼà mi è ngɨŋ zɨ̂mè ke ndô nə ghàyn kyi ndô təm ə chûŋghè se nə̀yn efɨaʼ zɛ ə Zhə̀fè kyiŋə nə ghàyn nəyn, ke ə̀ghɛ ə̀kɨ̂m, nyi kàʼa zaʼle ngɨŋ saynse.


Nâʼà Klâys paʼà tîəm nəyn ghɛze sə̂ saŋnə̂ kə è ngɨŋ Vəyn. Pîza è nə̂ kə nyi mə ə nyàʼ ə Ŋwàʼlè ə Fèzhə̀ nə, “Nâʼà tèsoylè tèkɨ̂m tɛ ə ghɨ tè sòylə ghàyn ə pfɨ̀ ə mì ə tu.”


M chyatə̂ ghàyn ə ghɔnyìə ghɨmə, ezə ə Pɛ̂pɛ Njisə̀s Klâyszè, e kɔ̂ŋ zɛ ə ze pə̂ ə sezuʼ, nə ghâsènì tsɨynte se tsə̀m sə ŋaŋ nə Zhə̀fè tsamte mi.


Pîza Zhə̀fè ə fɨse ghàyn etyə̂ àtyaʼ əghɛ pike, ghàyn e nyi èkɔ̂s ə Vəynve zôyn. Chùŋ zɛ ə ghàyn tə kyiə nyi nə Zhə̀fè ə nə̀yn ghàyn e nyi èŋwaʼze kə ghɨ Vəynghe nyi èŋwaʼze. Zɛ mə tə nə̂ ə ghàyn kyi ndam zɛ ə ze tə mîə va.


Ghɔnyì ghɨmə, ə̀ nyi zamə kə ze nyi kepî se ghàyn. Lâŋkè fɨyn kiva tyaʼke ə ghàyn ə tu kûmə̀ nə Njisə̀s ə kwu, ghàyn ghe kwu kepî. Zôyn, ghàyn nyi əghɨ ə wûə ndòghè, ə Njisə̀s vɛ ə Zhə̀fè nyi mə Fe ə zomsè kə ghàyn ə nyi kàʼa ə ghàyn fɨ̂aʼ sê Zhə̀fè achûŋ.


Ghɨ ghɛ ghe ndamə kə njà se ewìynse kyiŋə, ndə̂mə̀ ə̀təm ə ghənə̂ghè əghɛ ghɛ ə njà se ewìynse kyiŋə nə ghənə ə nə̂. Pîza ghɨ ghɛ ə ghe ndamə kə Zuʼsə Fezhə̀sè kyiŋə, ndə̂mə̀ ə̀təm ə ghənə̂ghè ə zuʼsə Fezhə̀sè.


Nyiəmə, ə̀ nyi əghɛ ghɨ̀nə̀ ə̀ ta ə ghâsènì kyi sə̂ kyi, epomə̂, è ghɛ ghɛ ə ghâsènì kwàʼtə̀ se kyi, è kɔŋè; pîza ghɛ eghaʼâzè famə əghɛ ə̀kɨ̂m nyi ekɔ̂ŋ.


Zhə̀fè ə chɔʼte ghàyn ə ghɔnyì ghɨmə nə kə ghàyn ə fɨyn nyi èkɔ̂s se lâŋkè pîza, kə zɨnə nəyn nə ə ghàyn ə nə̂ ə̀ghɛ ghɛ ə wiyn vaynve kyiŋə. Ghàyn pɨl nəyn, ə kɔ̂ŋ zɛ ə ghàyn kyi, ə ze nəyn ə ghàyn ə fɨaʼà sê ghɔnyì ghayn ghəmɔ̀ʼɔ.


Ə tè zaʼle nə ghàyn maʼa ndamə emɨ nə zɛ ə pɨlə kwâʼtə̀ èndom efeve.


M pìə nyi kûmə̀ nə ə payn nyi pî ghayn, ə ghɛ chûŋghè ə fɨə fu, ghɨghe ndamə tèndam tə chichite fɨnə nə̂ kə èghɛ zɛ ə ze nyi səmɔʼ.


Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.


Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.


Ghàyn tsəm kepî nə Zhə̀fè fɨse ghàs ə gho ghɨ ghɛ ə ghe ngɛse kyi ə̀təm ə pighe, kûmə̀ nə ə̀ vachi ə̀ghɨ ə̀kɨ̂m ə ghe pomə.


Zəyn ghɛ ə ghe fɨaʼà ə ndɛ Fèzhə̀ pɔŋ kyi sə̂ kyi èndam e chûŋzè, ndə̀mə̀ va kôghɔ̀ŋ, nə̂ va ghɛghe tsɨə tsɛ̂ àndiŋ, nə̂ nâʼà pîghè kè səmɔʼ.


Kə ò za nə wùə ə chîynə̀ ghò kûmə̀ nə ò nyi vâyn èpɔ. Ò kyi sə̂ nyi sê ghɨ ə poməghe kə chwìə e ndom vɛ ə ò wàmnə̀ ətəyn. Ò ndamə èndam echûŋzè, kɔ̂ŋɔ̀ ə̀ghɨ, tyə̂nə̀ nə o kyi ndô kyî epomə̂zè sê Klâys fɨyn nyi è zoze


Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.


Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.


Ə̀ tsàmte Silàs mi nə m nyâʼ ŋwàʼlè zɨ̀nə sê ghàyn. Ə̀ nyì ke nâʼà ànyì vɛ ə kaʼa samse. Ŋwàʼlè ètɨmsə̂ nə zɨ̂yn nyì se fo ghàyn è təm ə tɛghe è kɨsè sê tyə̀yn nə ghɛ zɛ Zhə̀fè nyi mə fe ə nə̀yn sê ghàyn nyi chwìə səmɔʼ nə fe nyîə kɔ̂ŋə̀ ghàyn. Ghàyn tyəm ə tɛ, pomə̂ sê tom ə̀təyn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ