Ngàleshyà 5:21 - Ŋwàʼlè ə̀ Fèzhə̀ Mkâyn Mə̂ Fèm

²¹ kɔ̂ŋə̀ sə kyi àfɨa kɛ ə ghɨə mɔ̀ʼɔghe kyi, mɨə m̀lɨ m̀ ko, zhiə, mɨə tsɛsə̀. Nə̂ ə̀ghɛ ə mɔ̀ʼɔ kèpî kə ghɨ̂yn. M fo fɨ̀as sê ghàyn zôyn kèpî kə m tè fo sə shi nə, “Ghɨ ghɛ ə ghe nə̂ ghɛ nə ghɨ̂yn tə kyiə va kyəfè elùʼ efɔ̂yn ə Fezhə̀vè.”

Ngàleshyà 5:21 ပူးပေါင်းရင်းမြစ်များ

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Tom èchùŋ kè kə Lûk tè nyaʼ 21:34

Ghàyn tɔ̀ʼnə̀ kə è ngɨŋ saynse, polə za ə cho ezhiəze, è siə ə mlɨ̀ə, è ndwə̂ etɨme kûmə̀ əghɛ ə mbiə ə nə̂ puʼse shi ə ghaynghe, ə tuʼ nə vɨnə tə pfɨ̂ŋə̀ ko ghàyn kə atam.

Ŋwàʼlè ə̀ Pɔ̂l sê ghɨə Lûmghè 13:13

Ghàyn e kyi tsɨnè èchùŋ kə ghɨ ghɛ ə ghe nyi epayn. Kə ghàyn ə nduə ə telùʼ te zhisə̂ nə ewìyn tɛ ə ghɨghe mɨə lɨ̀m fumə, m̀ ko ghənə, kə ghàyn ə chûmtə zəynghe è ndômnèghè. Kə ghàyn ə nə ghɛ ə nyələghe, kə ghàyn ə zɔ, kə ghàyn ə kyi àghə̀ʼ.

Ŋwàʼlè ə̀ Pɔ̂l sê ghɨə Lûmghè 8:13

Kûmə̀ nə ə ghàyn ndam kə njà saynse wìynse kyiŋə, ə ghàyn tə kwu, pîza ə ghàyn zhwi ghɛ ə pi ghaynghe è tyaʼa sezuʼ sə Fezhə̀sè, ə ghàyn tə kyî èndam.

1 Kɔlìŋ 15:50

Ghɛ zɛ m pîə ə ghɔnyì ghɨmə nyi nə, ə fɨa kɛ ə ke fîə ə kiva ghɛze se nə̀yn yî kɛ ə ke fîə va.

1 Kɔlìŋ 5:11

M tè pɨlə nyaʼâ se pì nə, kə ghàyn nə tsɨ̂yntə̀ ghâyn wùə è tɔŋtə̂ ngɨŋə̂ vəyn nə ànyì pîza chumtə̀ ə̀zəyn kɨ̀sə ə̀ndômnè, shiə vəynghe fɨə, è fɨnə ngɨmnə̂ èfɨaʼsè, pofsə̂ ə̀zə əghɨ̀, fɨnə mɨə m̀lɨ m̀ ko, è kɨsè ghɨ chɔŋə. Kə ghàyn nə mômsè ke nâʼà ndò se zhi ghâyn kyì ə ghɨ nə ghɨnə̀.

Ɛfesùs 5:18

Kə ghàyn nə mɨ mlɨ zâ m̀ ko ghàyn kûmə̀ nə lɨ̀m pə̀ kə è ndamə nyâmfèkàʼè. Ghàyn pɨl za ə Zuʼse Ŋwaʼase lwiynse təm ghaynghe.

Kòlosè 3:6

Zhə̀fè tə pɔynsə̂ əghɨ ə̀kɨ̂m ghɛ ə ghe nə̂ kyì əghɛ nə ghɨ̂yn. Kyì əghɛ nə ghɨ̂yn nyîə nə̂ Zhə̀fè e nyɔʼsə̀ ètɔŋ, mə è tə pɔynsə̂ ghənə ghɛ ə nə̂ ghəynghe.

1 Tèsàlonikà 5:7

Kûmə̀ nə ghɨ ghɛ ə ghe pɨənə̂, pɨənə̂ etuʼve, ghɛ lɨ̀m ko, ə̀ nyi ètuʼve.

2 Tèsàlonikà 2:5

M ke nə ghàyn pa kwâʼtə̀ ndò kə m tè pi ghɛ nə ghɨnə sê ghàyn kə ghâsènì pa nyi əmɔʼ

Ipilù 13:4

Nâʼàpî ndè kyi sə̂ ngɨmnə̂ malə̂. Kə wùə tə za ndom ə̀ vəyn kɨ̀sə zhwiə vəyn ə è ndu nyɨ̂ŋə̀ yî wùə ə ndò. Ghàyn kendô nə Zhə̀fè tə saʼa nâʼàpî ndè vɛ ə è nə̀ ghɛ ə nyələghe è ghɛ ə nyi mə malə̂ fɨə əpɨəyn.

1 Pità 4:3

Ghàyn se nyi mə ghàyn ə pofsê shîŋə̀ tsɨəke sə mɨ, ndamə kə ghɨ ghɛ ə̀ vachi ə̀ghɨ Njûsghè. Ghàyn tè ndamə tendamte nyələte, shi ghaynghe e tsɨlə, ghàyn mɨə m̀lɨ̂ m̀ me ko ghàyn ə ndùə elùʼ azhi, ghàyn e nə̂ kə kə sepu, səynə̂ èwiyn èlɨ̀ mə èmɨəm, è ngɨmnê èfɨaʼsèzè ə tendom teghoməte lâŋ ə Fezhə̀kè e pomə̂ va.

Etyə̂yn ə paynsêzè 21:27

Pîza fɨake tə njiə va əfètə̂ tɔ̂ŋ èghaʼâ nə zɨ̂yn, mə ke zo va. Wùə vɛ è nə̂ ghɛ eliŋə kɨ̀sə wùə àkaŋ tə njiə va ətəyn. Ə̀ tə njiə kə ə̀ghɨ ghɛ ə nyâʼ zə ə ghənə̂ghè ə ŋwàʼlè èndamə ə̀ Va Ndzè famə ə tɔ̂ŋ èghaʼâ.

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.