Ngàleshyà 5:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Ghɛ ghɛ ə njà ewìyn kɔ̂ŋɔ̀ sə̂ nə̂ ghe panə kə ə ndayn. E tyə̂nə̀ fa ə tendom tɨnə nyiə nə, ghɨ ghe nyîŋə̀ è yîghe nâʼàpî zàyn, ndamə tendam teliŋte, ndamə kə sepu,

Ngàleshyà 5:19 ပူးပေါင်းရင်းမြစ်များ

Njɔyn 3:6

Wùə vɛ ə piə è chaʼa wìynke nyi wùə èwàmnə, pîza wùə vɛ ə piə è Zuʼsə Fezhə̀sè nyi Sezuʼ.

Ŋwàʼlè ə̀ Pɔ̂l sê ghɨə Lûmghè 7:18

M kendô nə ghɛ echûŋ zhîze va ə mì əfètə̂ təm, zɛ mə tyə̂nə̀ nə ə mì əfètə̂ ewìyn ə wûə m̀sɔ̀ŋve. Pi kə təm ghɨmghe chiyntə mi nə m nəyn chùŋ, e tɛ ghaʼa ndò mi se nə̀yn.

Ŋwàʼlè ə̀ Pɔ̂l sê ghɨə Lûmghè 7:25

Zɔ̀ŋnèkè nyì sê Zhə̀fè. E və fi za ndam zɨmze tɔynə̂ ə Va Vəyn Pɛ̂pɛ ə̀ ghâsènì Njisə̀s Klâys. Təm ghɨmə tsâ se mi nə m chumte lâŋ ə Fezhə̀kè, pîza wiyn vɨm və wûə msɔ̀ŋve e chûmtə̀ pi zɛ ə è nyi ə mì əfètəyn.

Ŋwàʼlè ə̀ Pɔ̂l sê ghɨə Lûmghè 7:5

Kûmə̀ nə shîŋə̀ kɛ ə ghâsènì tè nyi etyə̂ ètsɨsə̂ ə wûə m̀sɔ̀ŋze, lâŋkè tè nyîə ndwisə̀ ə̀ghɛ epi ghɛ ə wîyn mə ghasènîəm kyiŋə. Zɨnə tè nyiə nə̂ ghâsènì e nə̂ əghɛ epi ghɛ ə ghe pə̂yn ekwuze.

Ŋwàʼlè ə̀ Pɔ̂l sê ghɨə Lûmghè 8:13

Kûmə̀ nə ə ghàyn ndam kə njà saynse wìynse kyiŋə, ə ghàyn tə kwu, pîza ə ghàyn zhwi ghɛ ə pi ghaynghe è tyaʼa sezuʼ sə Fezhə̀sè, ə ghàyn tə kyî èndam.

Ŋwàʼlè ə̀ Pɔ̂l sê ghɨə Lûmghè 8:3

Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

Ŋwàʼlè ə̀ Pɔ̂l sê ghɨə Lûmghè 8:5

Ghɨ ghɛ ghe ndamə kə njà se ewìynse kyiŋə, ndə̂mə̀ ə̀təm ə ghənə̂ghè əghɛ ghɛ ə njà se ewìynse kyiŋə nə ghənə ə nə̂. Pîza ghɨ ghɛ ə ghe ndamə kə Zuʼsə Fezhə̀sè kyiŋə, ndə̂mə̀ ə̀təm ə ghənə̂ghè ə zuʼsə Fezhə̀sè.

Ŋwàʼlè ə̀ Pɔ̂l sê ghɨə Lûmghè 8:9

Pîza ghàyn ndamə va kə njà saynse wìynse kyiŋə. Ghàyn pɨlə ndamə kə zuʼse kyiŋə, ezhoghɛ ə zuʼsə Fezhə̀sè ndɨŋ nyi ə ghàyn ətəm. Nâʼàpî ndè vɛ ə è kiva zuʼsə Klaysè, va yî vəyn.

1 Kɔlìŋ 3:3

Ghàyn pa ndamə kə kə̂ ghɨ mbiə. Ghə̀ʼkè nyîə nyi ə ghàyn əfètəyn, ghàyn e zɔ̂ə sèngɨŋ saynse, zɨnə mə e tyə̂nə̀ nə ghàyn nyi əghɨ ə mbighe, ndamə kə kə mbi kyiŋə.

1 Kɔlìŋ 6:18

Ghàyn tə kɛsê epàmə̂ ènyɨŋə̀ ə zəyn è ndômnèghè. Nâʼàpî èghɛ èkè zɛ ə wùə m̀sɔ̀ŋ nə̀, è vayn pofsê ewiyn ə vəyn, pîza wùə vɛ ə è nyɨ̀ŋə yî wùzhɔyn kɨ̀sə yî wùndômə̀, nə̀ pi è pofsə̂ èwiyn ə vəyn.

Ngàleshyà 5:13

Zhə̀fè ə chɔʼte ghàyn ə ghɔnyì ghɨmə nə kə ghàyn ə fɨyn nyi èkɔ̂s se lâŋkè pîza, kə zɨnə nəyn nə ə ghàyn ə nə̂ ə̀ghɛ ghɛ ə wiyn vaynve kyiŋə. Ghàyn pɨl nəyn, ə kɔ̂ŋ zɛ ə ghàyn kyi, ə ze nəyn ə ghàyn ə fɨaʼà sê ghɔnyì ghayn ghəmɔ̀ʼɔ.

Ngàleshyà 5:17

Ghɛ ghɛ ə njà ewìyn kyiŋə nyiə nô ə̀ghɛ ghɛ ə Zuʼsə Fezhə̀sè kyiŋə. Pîza ghɛ ghɛ ə Zuʼse kyiŋə e pɔŋɔ nô ghɛ ə njà èwìyn kyiŋə. Ghɛ nə ghɨyn vachi è soyn, e za nyi nə wùə vayn fɨnə nə̀yn eghɛ zɛ ə è kyiŋə se nə̀yn.

Ngàleshyà 6:8

Ə̂ wùə zho ke fɨa kɛ ə ke fɔmə ə və senjà sewìynse, ə è tə kwi ke èkwu, mə ə wùə zho fɨa kɛ ə Zuʼse kyiŋə, ə è tə kwi ke èndam zɛ ə ze tə mîə va.

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

Ipilù 13:4

Nâʼàpî ndè kyi sə̂ ngɨmnə̂ malə̂. Kə wùə tə za ndom ə̀ vəyn kɨ̀sə zhwiə vəyn ə è ndu nyɨ̂ŋə̀ yî wùə ə ndò. Ghàyn kendô nə Zhə̀fè tə saʼa nâʼàpî ndè vɛ ə è nə̀ ghɛ ə nyələghe è ghɛ ə nyi mə malə̂ fɨə əpɨəyn.

Etyə̂yn ə paynsêzè 21:8

Pîza sê ghɨ ghɛ ə ghe fànə è ghɨ ghɛ ə ghe tàʼa pomə sê mi, è ghɨ ghɛ ə ghe nə̂ ghɛ ə kwənəghe, è ghɨ ghɛ ə ghe zhwiə ghɨghe, è ghɛ ə ghe nə̂ ghɛ ə nyələghe, è ghɨ ghɛ ə nə̂ ghɛ pfɨtəghe, è ghɛ ə ghe ngɨmnə fɨ̂aʼsèvè, è ghɨ ə wamə nâʼà ə̀kɨ̂m, ə tə ndə̂mə̀ ghənə elùʼ vɛ ə wusve pɛ ətəyn è fɨa kɛ ə ke lɛ̂ pâŋə̀ za e tɔŋtə̂ nə sɔlfɔ̀. Kwu nə zɨnə mə nyi zɛ ə ze tə nə̂ nə te ndu tepɛ̀.”

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.