Ngàleshyà 5:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ M kyiŋə se pì sê ghàyn nə, ghàyn za Zuʼse Ŋwaʼase, ə sə chisə̂ ghàyn. Ə ghàyn nə̀yn nyi, ə ghàyn ə fɨnə nə̂ va ghɛghe ə njà èwìyn kyiŋə.

Ngàleshyà 5:16 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 6:12

Kə ghàyn fɨyn za nə pi ə kyi àtyaʼ ə ghàyn etûə èwìyn achaʼ mchike. Zɛ mə nə̀ nə̂ ə ghàyn ə fɨyn va chùmtè əghɛ ghɛ njà ewìynse kyiŋə.

Ŋwàʼlè ə̀ Pɔ̂l sê ghɨə Lûmghè 8:1

Zhə̀fè nə̀ va nə wùə pfɨ saʼ ezhoghɛ ə è nyì sə afɨa àmɔ̀ʼ yî ghə̀ Njisə̀s Klâys.

1 Kɔlìŋ 7:29

Nâʼà èghɛ zɛ ə m pîə ə ghɔnyì ghɨmə, nyi nə, shîŋə̀ kɛ ə ndə̂m se nyi mə kə paʼse, se zhə̀tè zôyn se ndù əshi, ghɨ ghɛ ə ghe kyi zənə kyi sə̂ ndamə kəpiə ghənə kyi va,

2 Kolìŋ 7:1

Zôyn kə Zhə̀fè tsɨ̂nè ghɛ nə ghɨ̂yn sê ghâsènì ə soyn sɨm sechûŋsè, e tsɔ̂fə̀ nə ghâsènì mɔmse se kɛse epàm əghɛ ghɛ ə ghe pə̂ è lɨŋze ə senjyà se ewìynse, fɨnə pə̀ è lɨŋze ə sezuʼ. Ghâsènì nyì sə̂ lotê nyi èŋwaʼze mə za nyi endom sə̂ ngɨmnə̂ Fèzhə̀.

Ngàleshyà 3:17

Ghɛ zɛ ə m mɔmsə̀ se pì nyi nə, Zhə̀fè ə tə zhi kàynə̀m yî Aplàghâm ə tsɨ̀nə̀ nə è nə̀ faŋə va se nə̀yn kə è tsɨ̀nè. Lâŋ kɛ ə tè fɛte epàm ə sèpìŋ ghɨte kyàʼ è pìŋsè m̀ghɨm mta vayn kàʼa ə ke kəʼse kàyn nə mɛ, vayn kàʼa ə ke zəs tsɨ̂sè ètsɨnè ə Fezhə̀zè.

Ngàleshyà 6:8

Ə̂ wùə zho ke fɨa kɛ ə ke fɔmə ə və senjà sewìynse, ə è tə kwi ke èkwu, mə ə wùə zho fɨa kɛ ə Zuʼse kyiŋə, ə è tə kwi ke èndam zɛ ə ze tə mîə va.

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

Kòlosè 2:11

Kə ghàyn nyì sə afɨa àmɔ̀ʼ ghâyn ghə̀ Klâys, Klâys ə se nam ghaynghe. Se ə nam nə zɨ̂nə̀ vachi zɛ ə ghɨ msɔ̀ŋghe se wùə. Ə̀ nyi Klâys ə è se nam ghaynghe ə Sezuʼ. È və njì tsɨsè tsɨnè zâyn zə èpi.

1 Pità 1:14

Ghàyn e zɨə Fèzhə̀. Kə ghàyn fɨyn nəyn əghɛ ghɛ ə njà sewìynse tè kyiŋə nə ghàyn ə nə̂ kə ghàyn tè nyìəm ke va Zhə̀fè.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Pità 2:11

Soyn sɨmse, ghàyn nyi mə ghàyn tsɛ̀ èndom, ghàyn va əghɨ mbiə fâghe. Ə̀ za nyi eghɛ zɛ ə m chyatə̂ ghàyn nə kə ghàyn ə nə̂ ghɛ ghɛ ə njà se wìynse saynse kyiŋə kûmə̀ nə ghɛ nə ghɨynə nò sezuʼ saynse.

1 Pità 4:6

Ə̀ za nyi eghɛ zɛ ə tè pɔŋ tsayn tom èchùŋ nâʼàpî se ghɨ kwutəghe, pî kə ghɨ ə pighe nyi mə ə saʼ ghənə, ə pìə nə ghənə ə pfɨ̀ saʼ, pîza zuʼsə Fezhə̀sè tə nə̂ ə ghənə kyi ndamze mə ze tə mîə va.