Ngàleshyà 5:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ M ke ndô səmɔʼ tɔynə̂ ə Pɛ̂pɛ nə, ghâsènì tsɨ̂ynte nyi sə eghɛ èmɔ̀ʼ, nə ghàyn chùmtə̀ va zaʼlê ə mɔ̀ʼɔ zhîze. Zhə̀fè nə̀ fo ètsôs sê wùə vɛ ə è fɨmsə̂ ghàyn, kɨ̀sə ə̀ nyì pîndè.

Ngàleshyà 5:10 ပူးပေါင်းရင်းမြစ်များ

Ətefɨ̂aʼ 15:24

Ghàs ə zɨ nə ghɨə mɔ̀ʼɔ ə ghàs əfètəyn ə pə̀yn wàmnè ghɛze, ghe fo ètsôs ə ghàyn ətəm nâʼà sə ŋaŋ. Ghənə tè wamne zamə, mə ə̀ paʼà fo ghàs ètyaʼke sê ghənə.

1 Kɔlìŋ 5:5

Wùə vɛ ə è nə̀yn ghɛ nə zɨ̂yn, ə fo vəyn sê wùə m̀nàŋ, ə è pofse chaʼ ewìyn ə vəynke, kə̂ ə tə sɔza sèzuʼ sə vəynse əfetuʼ fɛ ə Pɛ̂pɛ Njisə̀s kɛse pə̂yn ətəyn.

2 Kolìŋ 1:15

M tè nyîə fɛtê ke ə̀ghɛ ghɨ̀yn ə̀kɨ̂m, ə ke nə̀yn epɨaʼte se mòtə ghàyn, endom kə ghàyn kyi pɔsêzè shîŋə̀ tepɛ̀.

2 Kolìŋ 10:2

M chyatə̂ ghàyn nə kə ghàyn nəyn, ə m nə pəyn, ə mə pɨa ə ghàyn ətu. M ke ndô nə m kaʼa m pɨa nâʼà sə ŋaŋ sê ghɨ ghɛ ə ghe pìə za nə ghàs ndamə kə ghɨ mbiə.

2 Kolìŋ 10:6

Ə ghàyn tyə̂yn sê ghàs nə ghàyn sè zɨə ndò ghɛ, ə ghàs ke fo ètsôs sê ghɨ ghɛ ə ghe zɨə va ghɛghe ə ghàyn əfètəyn.

2 Kolìŋ 13:10

M nyâʼà ŋwàʼlè zɨ̀yn nə è pəyn sê ghàyn sə shi tsɔ̀fə kə m pəyn, kə m tə piə pə̂ ndò mə ghàyn ə kwiynê kə m tàʼa zɔ̀ ghàyn sə ŋaŋ è tyaʼ kɛ ə Pɛ̂pɛ fo se mi; atyaʼ kɛ ə ke nyi se nə̀yn nə pomə̂ zaynze ə ndəmə̂, ə̀ vachi se pofsê epomə̂ zaynze.

2 Kolìŋ 2:3

Ə̀ nyiə nyi eghɛ zɛ ə m tè nyaʼ ŋwàʼlè zɛ sê ghàyn, m tè kɔ̀ŋɔ va se pə̀yn se ghàyn nə ghàyn nəyn mi m mə saŋnə̂ va, mə ə̀ pɨl nyi ghàyn ghɛ ə ghàyn kyi se nə̀yn nə mə saŋnə̂. Kûmə̀ nə m lote ke ndò nə shîŋə̀ kɛ m saŋnə, nâʼà ghàyn əkɨ̂m e saŋnə̂ kəpî.

2 Kolìŋ 2:6

Ghàyn yîghe se tsɨ̀ se nyi mə ə kàynè pɔynsê wùə nə vɨnə mə, mə zɛ mə ə kwəyn.

2 Kolìŋ 5:16

Se zhə̀tè zôyn, ghàs nə fɨnə njìə va wùə endom vɛ ə ghɨ mbi njìə ətəyn. E nyi ke nâʼà səmɔʼ nə, ə tè nyi ə shɨŋ zhîzè, ghàs e njiə Klâys zamə, pîza se zhə̀tè zôyn, ghàs fɨnə njîə va vəyn za.

2 Kolìŋ 7:16

M saŋnə̂ nâʼà sə ŋaŋ kûmə̀ nə m ke ndô nə m kaʼa ə mə zaʼnə̂ ə ghàyn ewìyn, ndom tekɨ̂m.

2 Kolìŋ 8:22

Ghàs tomə pə̂ ànyì vâsvè yighə̀ ghənə. Ghàs ə fe sə teshîŋə̀ tetsɨəte nə è nyîə kɔ̂ŋɔ̀ se tsàmtè nə fɨaʼa Fezhə̀zè ə ndûə əshi. Zôyn kə è ke nə ghàyn nyi əghɨ nə̂ èghɛ zɛ ə ghàyn tsɨ̀ynè, kɔ̂ŋ ə vəyn sə̂ tsâmtə̀ èfɨaʼ nə zɨnə̀ ndùə kə eshike.

Ngàleshyà 1:7

Se pì səmɔʼ, ‘tom èchùŋ zhîzè kɛse va,’ pîza m pîə zɨnə̀ kûmə̀ nə ghɨ yîghe nyiə nyi ə ghe mômsə̀ se sàʼtè atu kaynke se kwiynê ə tom ə̀ Klâys ə ghàyn ətəm.

Ngàleshyà 2:4

Ghɛ ese nə nam nə zɨnə mə tè fɨ mə ə̀ ndwìse əghɨ ə pomə akaŋ yîghe fu, kə ə pə̀yn nji ə ghàs əfètəyn se fe kə ghàs va ekɔ̂s ə Klâys Njisə̀s, se nə̀yn nə ghàs ə nyi èkɔ̂s.

Ngàleshyà 2:6

Ghɨ ghɛ ə tè njìə sə etu fumə tè paʼà fɨyn kyi ghɛze se kwəynsê etùə èghɛ zɛ m zaʼlə. Kə ghənə tè nyì pî ètu kɨ̀sə ghənə tè va, ze mə tyə̂nə̀ va ghɛ zhîze sê mi kûmə̀ nə Zhə̀fè kɔ̀ŋə̀ va wùə ə̀ mɔʼɔ, panə̀ vîvè.

Ngàleshyà 3:1

Ngôə ghɨə Ngàleshyà vɨ̀nə! Ə lɔʼ ndô ghàyn nə? Piə ə tə fɛte tyə̀yn mɨsè se ghàyn kə ə tè paynte Njisə̀s Klâys ə awâmnè ə?

Ngàleshyà 4:11

M fânə̀ nə fɨ̂aʼ zɨm zɛ ə m tè nə̀yn ə ghàyn əfètəyn ə njìsè ke səndô!

Ngàleshyà 4:17

Ghənə ghɛ ə ghe mɔ̂msə̀ se kwiynê ə tom èchùŋ, tɨ̂mə̀ kə nyî kûmə̀ ghàyn, pîza ghɛ zɛ ə ghənə pɨaʼtə ə ghənə ətəm e nyi ke pi. Ghɛ zɛ ə ghənə kyiŋə nyi nə ghàyn za mi, kə ghàyn ə tɨ̂mə̀ se ghənə.

Ngàleshyà 4:20

Ndè fo ə ghâsènì ə nyi əmɔʼ zo kə m kwiyne ndom vɛ kə m wâmnə̀ ətəyn sê ghànə. Kwâʼtè zɨme nyiə fo ètsôs sê mi kûmə̀ ghàyn nâʼà sə ŋaŋ.

Ngàleshyà 5:12

M tsə̂mə̀ nə ghɨ ghɛ ə ghe fɨmsə̂ ghàyn, nə kə ghənə mbɔʼte se ke ə̀nam ə ghənə̂ghè, nə ghənə laynse kayn sèngɨŋ sə ghənə̂sè!

Ngàleshyà 5:7

Ghàyn tè kwiə kə nâʼà endom echûŋ. M ke va nə ə̀ tè fɨyn tâsè ghè ghàyn nə kə ghàyn kyi faŋsê èghɛ zɛ ə ze nyi səmɔʼ ə?

Ngàleshyà 6:17

Se mɨ̂sè, m pìə nə, kə wùə vîvè nə fɨyn fo ètsôs sê mi kûmə̀ nə ndwɔ vɨ̀nə ə mì ewìyn tyə̂nə̀ nə m nyi wùə èfɨaʼa ə̀ Njisə̀s.

Filìpây 3:15

Ghâsènì ghɛ ghɛ ə nyi mə ə ghəʼnê ə ghâsènì epomə̂ ə kyi kepî èkwâʼtè nə zɨ̂yn. Pîza, ə ghàyn yîə kyi kwâʼtè ə ndôzè kûmə̀ ə̀ghɛ nə ghɨ̀yn, ə Zhə̀fè nəyn, ə ghàyn zɨ kê ə̀ghɛ nə ghɨ̂yn endom vɛ ə ghe kyi sə̂ nyi ətəyn.

2 Tèsàlonikà 3:4

Ghàs fànə̀ va kûmə̀ nə ghàs ke ndô nə Pɛ̂pɛ nyîə nə̂ nə ghàyn ə nə̂ ə̀ghɛ ghɛ ə ghàs tsà sê ghàyn, mə è nə̀ nə̂ nə ghàyn ə pa zɨə kə ndò ghàs.

1 Timotì 1:20

Ɛmenìyùs è Àlɛ̀ksandà nyi əghɨ mɔ̀ʼɔ əfètə̂ ə̀ghɨ̀ nə ghɨ̂yn. M nyi mə mə fo ghənə sê Satàyn nə è fo tsôsvè sê ghənə kə ghənə zaʼle tɔfe ə fɨnə sôylə̀ va Zhə̀fè.

Filemùyn 1:21

M nyîə ke ke nâʼà nə, kə m nyâʼ ŋwàʼlè zɨ̀nə̀ sê ghò nyi, ò nə̀ nə̂ kə kə pîə, ə ò nəyn tsɛ.