Ngàleshyà 4:30 - Ŋwàʼlè ə̀ Fèzhə̀ Mkâyn Mə̂ Fèm

³⁰ Pîza Ŋwàʼlè Fèzhə̀ pìə nə ghe ə? È pìə nə, “Chùm kɔ̂s ə wùzhɔyn kɛ yî va vəyn, kûmə̀ nə va àkɔ̀s nə vɨ̂nə tə zhiə va fɨa pɨ̀a ghənə̂ kyîke, ə̀ zhiə kə va wùzhɔyn vɛ ə è va akɔ̂s.”

Ngàleshyà 4:30 ပူးပေါင်းရင်းမြစ်များ

Njɔyn 8:35

Kɔ̂sà pâʼà tyəmə̂ kɛsə̂ sə wùə è esas ə ndɛ, pîza vâ ndɛ ndamə faŋə ndò esas ə ndɛ.

Ŋwàʼlè ə̀ Pɔ̂l sê ghɨə Lûmghè 11:2

Zhə̀fè tè pâʼà tə ghɨ ə vəyn ghɛ ə è tè chitê ə zhə̀te. Ghàyn keva ghɛ zɛ ə ŋwàʼlè ə̀ Fèzhə̀ pì kûmə̀ Èlanjà kə è tè chyatə Zhə̀fè, tsâ ə̀ghɛ ghɛ ə ghɨ Isìlâyghè tè nə̂ sê vəyn.

Ŋwàʼlè ə̀ Pɔ̂l sê ghɨə Lûmghè 4:3

Ŋwàʼlè ə Fezhə̀ pi nə, “Aplàghâm ə tə pomə̂ Zhə̀fè, kûmə̀ èpomə̂ ə vəynze, Zhə̀fè ə njìə vəyn kə wùə chichi ə və shi.”

Ngàleshyà 3:22

Pîza Ŋwàʼlè ə Fèzhə̀ pìə nə nâʼà èkwaʼtè ə ghɨ̀zè əkɨ̂m fa ə mbi nyi ke se nə̂ pi. E kyayn nyiə kə Zhə̀fè fo fɨa kɛ ə fe tè tsɨ̂nè sê ghɨ pomə, tɔynə̂ ekyî epomə̂ zɛ ə ghənə tè kyi.

Ngàleshyà 3:8

Ŋwàʼlè ə̀ Fèzhə̀ ə tə pì tsɔ̀fə ə shîŋə̀ ə təynke kwəynə nə, Zhə̀fè tə nə̂ ə ghɨə ghɛ ə va ə ghɨ ə Njûsghè ə nyi chichi ə Zhə̀fè əshi tɔynə̂ ə ghənə ekyî epomə̂zè. Zhə̀fè ə ke ndàʼà ə tom èchùŋ sə shi sê Aplàghâm nə, ‘Fe tə pɔsə̂ tèndaʼ tèkɨ̂m tɔynə̂ ə vəyn.’

Ngàleshyà 4:22

Ə nyàʼ ə ŋwàʼlè Fèzhə̀ nə, Aplàghâm tè kyi əghɔyn ndômə̀ ə pɛ̀. Vîvè nyi mə ə̀ piə wùzhɔyn, mə è fɨ̀aʼà se zhwîə vəyn, və mɔʼɔ e nyi mə è piə yî zhwîə vəyn.

Ngàleshyà 4:31

Nyiəmə, ghɔnyì ghɨmə, ghâsènì va əghɔyn ə wùzhɔyn àkɔ̀s vɛ. Ghâsènì nyi əghɔyn ə wùzhɔyn vɛ è va akɔ̂s.

Njə̂m 4:5

Ghàyn kwàʼtə̀ nə ŋwàʼlè ə Fèzhə̀ wamə ndò kə è pìə nə, “Zhə̀fè nyiə səmtə̂ nâʼà sə ŋaŋ nə zuʼ sɛ ə fe nyi mə fe ə ndə̀m ə ghâsènì ə fètəyn tsamte ghâsènì sə̂ kɔ̂ŋə̀ vəyn.”