Ngàleshyà 4:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Ə̀ kyâyn ghe sê saŋnê zɛ ə ghàyn tè kyiə? M pìə kə nâʼà səmɔʼ nə, ə ze fe pɔynə̂ mə ghàyn ə chɔʼtê shi ghaynghe ə fo sê mi.

Ngàleshyà 4:15 ပူးပေါင်းရင်းမြစ်များ

Tom èchùŋ kè kə Lûk tè nyaʼ 8:13

Zɛ ə è tàyntè enwɔyn nyi kə ghɨ ghɛ ə zɨ ghɛ ətəyn, ə zàŋsə̀ pomə kə ndò èsaŋnêzè, pîza e pâʼà tɔ̀ʼ nji ə ghənə ətəm. Ghənə ə pomə̂ kə sə fendiŋə̀ fə ashìŋə̀fè nyi, mɔ̂mzè ə pə̀, ghənə pfɨ̀ə kə ndò.

Ŋwàʼlè ə̀ Pɔ̂l sê ghɨə Lûmghè 10:2

M kaʼa m tsayn nə ghənə nyîə kɔ̂ŋə̀ se fɨ̂aʼ se Zhə̀fè è təm ə ghənə̂ghè əkɨ̂m, pîza tɔʼ keva kə ghənə kyi se fɨ̂aʼ se Vəyn.

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

Ŋwàʼlè ə̀ Pɔ̂l sê ghɨə Lûmghè 5:2

Ə̀ chwi vəyn èndomve sê ghâsènì ətə epomə̂ zɛ ə ghâsènì kyi, ze nə̂ nə ghâsènì ə ke àfùʼ ə Fezhə̀kè. Nyiəmə ghâsènì saŋnə̂ nâʼà sə ŋaŋ kûmə̀ nə ghâsènì kyi ndô kwâʼtèzè nə ə tə kyîə èpomsê ə Fezhə̀zè.

Ŋwàʼlè ə̀ Pɔ̂l sê ghɨə Lûmghè 9:3

kûmə̀ ə̀ghɨ ghɨmə, ghɛ ə ghasè ghə̀ ghənə fɨ ndaʼze emɔ̀ʼ. Kûmə̀ ghənə, m fə nyiə kyiŋə nə Zhə̀fè lɔʼ mi, ə È nəyn m mə va ghasè Klâys.

2 Kolìŋ 8:3

M tsâ èghɛ sê ghàyn, mə mə tə fe. Ghənə tè pâʼà fo ke fɨa kɛ ə ghənə tè kàʼa fo, ghənə tə fo tsɛ zamə. Ghənə tè fo ke nâʼà sə ghənə ekɔ̀ŋ,

Ngàleshyà 3:14

Klâys tè nə̂ nyî kə pɔsêzè zɛ ə Zhə̀fè tè tsɨ̀ne sê Aplàghâm pɔŋ ndu sê ghɨ ghɛ ə ghe tè va ə ghɨ ə Njûsghè tɔynə̂ ə Klâys Njisə̀s. È tè nəyn nyi kə tɔynə̂ ə ghâsènì ekyî epomə̂zè, ə ghâsènì kyî Zuʼ sɛ ə Zhə̀fè tè tsɨ̀ne.

Ngàleshyà 4:14

Zaf zɨm nə zɛ ə tə fo fɨmsêzè sê ghàyn, pîza ghàyn ə tàʼa wəyn ə mi, ə tàʼa mâʼà mi. Pîza, ghàyn tè pɨl fi mi kə ghàyn fiə tsì, è kɨsè kəpiə m tè laynse nyi Klâys Njisə̀s.

Ngàleshyà 4:16

Mə kɛse wùə epi zôyn se ghàyn kûmə̀ nə mə wàmnè səmɔʼ mə?

Ngàleshyà 4:19

Ghɔyn ghɨm ghe chûŋə̀, m fɨnə zɨə ètɨ̂m kûmə̀ ghàyn eghɨ kə nyìə vayn ashìŋə̀ kɛ vayn zafə, se zaʼâ kə ghàyn nə ndam èndam zɛ ə Klâys kyi.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ngàleshyà 6:4

Nâʼàpî ndè fɛte nayne èndam əvəyn zə ngɨŋ. Ə e tsɔ̂fə̀, ə è və tyalə ə eghɛ zɛ ə è nyi mə è və nə̀yn sə və ngɨŋ, mə è səynə̂ va ngɨŋə̂ vəyn yî wùə vîvè.

Kòlosè 4:13

M tyəm ke nâʼà kə tsɛ̀ èsaʼ nə è və fɨ̂aʼ sê ghàyn nâʼà è tyaʼa, ə fɨnə fɨ̂aʼà sê ghɨ ghɛ ə ghe ndamə ə Làndisyà è ghɛ ə ghe ndamə ə Ɛlapolìs.

1 Tèsàlonikà 2:8

Kûmə̀ èkɔ̂ŋ zɛ ə ghàs tè kyi se ghàyn, ghàs tè nyi èpɨaʼtêzè se ndàʼa tom èchùŋ sê ghàyn mə è ndò pə̂yn se Zhə̀fè, nyi kepî èpɨaʼtêzè se kwu kûmə̀ ghàyn. Ghàs tè nyîə kɔ̂ŋə̀ ghàyn nâʼà sə ŋaŋ!

1 Tèsàlonikà 5:13

Ghàyn e ngɨmnə̂ ghənə nâʼà àchûŋ fɨnə kɔ̂ŋɔ̀ ghənə kûmə̀ àfɨaʼ kɛ ə ghənə fɨaʼà. Ə pɔ̂ynè ə nyi ə ghàyn ə fètəyn shîŋə̀ tekɨ̂m.